Wuj Richin ri Chojmirisabelri'il 12:6 - Kaqchiquel Bible

⁶ Toq nik'is ri q'ij richin nich'ajch'ojir roma xalex ri ti ral, stape' ti xten o ti ala', k'o chi nuk'uaj-apo jun ti alaj achij karne'l richin jun kamelabel richin niporox chijun, y k'o chuqa' chi nuk'uaj-apo jun paloma nim o ti ko'ol ri niporox richin kuyubel-mak. Re' yeruya' pa ruq'a' ri sacerdote chuchi' ri wachoch.

Wuj Richin ri Chojmirisabelri'il 12:6 ပူးပေါင်းရင်းမြစ်များ

San Lucas 2:22

Toq xtz'aqet k'a ri q'ij achi'el nubij ri pixa', chi ri ixoqi' ri ye'alan k'o chi nikich'ajch'ojirisaj-ki', ri María y ri José kan keri' wi xkiben, y xkik'uaj chuqa' ri Jesús richin chi kan jari' nibekik'utu' kan pa rachoch ri Dios.

Hebreos 7:26

Y kan ruk'amon-wi chi ri Jesús xok qanimalej sacerdote, roma rija' kan loq'olej-wi. Man jun bey xuben ta jun mak. Man jun etzelal k'o pa ruk'aslen y man junan ta kik'in ri aj-maki', y kan ya'on-wi ruq'ij chila' chikaj.

2 Corintios 5:21

Ri Cristo kan man jun bey k'a xmakun, jak'a kan xban chire roma ri Dios chi achi'el xa ta jun aj-mak, richin chi qonojel roj yojk'ulun ta chuwech ri Dios chi man jun qamak.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

Wuj Richin ri Chojmirisabelri'il 15:29

Y ri ruka'n q'ij chire ri', ri ixoq k'o chi nuk'uaj ka'i' paloma e nima'q o e ka'i' taq kokoj, y nipe k'a chuchi' re wachoch chinuwech yin y xkerujech pa ruq'a' ri sacerdote.

Wuj Richin ri Q'axanri'il 6:10

Y ri jun chik q'ij yeruk'en-pe chuchi' ri wachoch richin molojri'il ka'i' paloma kokoj o ka'i' e nima'q y yerujech chire ri sacerdote.

Wuj Richin ri Chojmirisabelri'il 15:14

Y pa ruka'n q'ij chire ri', ri achin ri' xtuk'en-pe ka'i' paloma e nima'q o e ka'i' taq kokoj, y nipe k'a chuchi' re wachoch chinuwech yin. Y ri taq chikopi' xkerujech pa ruq'a' ri sacerdote,

Wuj Richin ri Chojmirisabelri'il 14:22

Chuqa' nuk'en-pe ka'i' paloma e nima'q o e ka'i' taq kokoj; xabachike k'a chike ri aj-xik' chikopi' ri' ri nitikir nuk'en-pe ri wineq. Jun chike ri' nusuj richin kamelabel richin kuyubel-mak, y ri jun chik niporox chijun chinuwech yin.

Wuj Richin ri Chojmirisabelri'il 12:2

Kere' tabij chike ri awinaq: Jare' ri ruchojmilal toq jun ixoq niyawej kan chirij jun ak'ual, y toq napon ri q'ij nralaj jun ti ral ala'. Ri q'ij toq nalex ri ak'ual, ri ixoq wuqu' k'a q'ij xtok man ch'ajch'oj ta, achi'el toq k'o ri ruyabil richin chi ik', kan man ch'ajch'oj ta.

Wuj Richin ri Rutikeribel 15:9

Y ri Jehová xubij chire: Tak'ama-pe chuwe oxi' chikopi' ri k'o oxi' kijuna'; jun ixoq wákix, jun ixoq tzuntzun y jun achij karne'l, y chuqa' jun paloma nim y jun ti alaj paloma, xcha'.

Wuj Richin ri Chojmirisabelri'il 12:5

Jak'a wi ri nalex jun ti xten, ri te'ej ka'i' k'a semana xtok man ch'ajch'oj ta, achi'el toq k'o ri ruyabil richin chi ik', kan man ch'ajch'oj ta. Y pa ruwi' k'a ri', k'o k'a chi nuchajij chik oxk'al waqi' q'ij richin chi nich'ajch'ojir chire ri ruyabil.

Wuj Richin ri Chojmirisabelri'il 12:7

Y ri sacerdote xkerusuj ri chikopi', richin chi ri ixoq nich'ajch'ojir chire ri ruyabil, richin chi nink'en chik ruwech. Jare' ri ruchojmilal chire jun ixoq toq nalex jun ti ral, stape' jun ti ala' o jun ti xten.