Wuj Richin ri Chojmirisabelri'il 11:8 - Kaqchiquel Bible

⁸ Roma ri' ri chikopi' ri man e ch'ajch'oj ta, kan man tichop ri kich'akul, toq e kaminaqi' chik.

Wuj Richin ri Chojmirisabelri'il 11:8 ပူးပေါင်းရင်းမြစ်များ

Hebreos 9:10

Ri nabey jikibel-tzij, xaxe k'a xch'on chirij ri achike nikitej y nikiqum y ri jalajoj rubanikil ch'ajch'ojirisanik ri k'o chi nikiben. Ronojel ri xchilabex chike chi tikibana', xaxe numej ri ch'akulaj; y jari' ri ukusan-pe kan k'a toq xoqaqa ri q'ij toq k'o chi xjalatej ronojel ri'.

Colosenses 2:16

Roma xik'ul ri kolotajik rik'in ri Cristo, man jun k'a tich'on itzel chiwij rix, roma ri nitej, ri niqum, ri man nichajij ta ri q'ij toq nalex ri ik', ri q'ij richin uxlanen y ri ch'aqa' chik nimaq'ij.

Os 9:3

Rix kan man k'a xkixk'oje' ta kan chupan ri ruwach'ulew ri richin ri Jehová. Rix aj-Israel xa kan xkixtzolej chik k'a chupan ri ruwach'ulew Egipto, xkixbek'oje' k'a pan Asiria, chiri' kan xtitej k'a ronojel ri man ch'ajch'oj ta.

Wuj Richin ri Isaías 52:11

Tich'ara-pe-iwi' kik'in ri aj-Babilonia, y kixel-pe. Jak'a man ke'ichop ri man e ch'ajch'oj ta, Kan tich'ara-pe-iwi' kik'in, y tich'ajch'ojirisaj-iwi' rix, ri yixuk'uan ri samajibel richin ri rachoch ri Jehová.

Wuj Richin ri Chojmirisabelri'il 5:2

wi ta jun chiwe rix nuchop ruch'akul jun chikop ri kamineq chik ri man e ch'ajch'oj ta: Jun chikop k'uxunel, ri ye'awajix, o ri e jepejeq, stape' man xunabej ta, toq xtunabej, ri wineq ri' man ch'ajch'oj ta chik;

Efesios 5:11

Man k'a kixok kachibil ri yebanon banobel richin q'equ'm roma man jun rejqalen. Pa ruk'exel ri', xa tibij chi ri kibanobal man utz ta,

Efesios 5:7

y roma ri' rix man kixok kachibil.

2 Corintios 6:17

Chuqa' rubin ri ajaw:*f5* Kixel-pe chikikojol ri man e wichin ta yin. Tich'ara-pe-iwi', y man tichop-apo ri xa tz'ilolej k'aslen, richin chi yin yixink'ul.

1 Corintios 8:8

Kan qitzij chi man ja ta ri niqatej ri nibanon chiqe chi yojqa' chuwech ri Dios. Wi niqatej ri ti'ij ri sujun chik chike ri wachibel, man nuben ta chiqe chi más ta yojqa' chuwech ri Dios, y wi man niqatej ta, man nuben ta chiqe chi man ta yojqa' chuwech rija'.

Romanos 14:21

Man k'a tiqatej ti'ij, man tiqaqum vino, ni man tiqaben xabachike ri nuben chire jun qach'alal chi nitzaq y numalij ruk'u'x.

Hechos 15:29

chi man yekitej ri xa man utz ta richin nitij roma ya'on chik chikiwech ch'aqa' chik dios. Man chuqa' tikitej ti'ij kichin ri chikopi' ri xejiq', ni man k'a chuqa' tikitej kik'. Chuqa' ri winaqi' e k'ulan man tikikanola-ki' richin yemakun. Wi ronojel k'a re' xtinimaj, utz k'a xkixbiyin. Dios k'a xtichajin iwichin, xecha-el.

Hechos 10:28

Rija' xubij k'a chike ri winaqi' ri': Rix kan jebel wi iwetaman chi roj judío man k'a ya'on ta q'ij chiqe chi junan qawech iwik'in y yojok ta pa taq iwachoch rix ri xa man ix judío ta. Jak'a ri Dios xuk'ut k'a chinuwech chi man ruk'amon ta chi ninbij chire jun wineq, xa roma man judío ta, chi man ch'ajch'oj ta.

Marcos 7:18

Y ri Jesús xubij: ¿Kan junan chuqa' ibanon rix kik'in ri ch'aqa' chik winaqi', chi man niq'ax ta chiwech ri ninbij? Roma ronojel ri nutej-qa ri wineq, xa man ja ta ri' ri nitz'ilobisan richin.

Marcos 7:15

Ri nitz'ilobisan richin ri wineq man ja ta k'a ri nutej-qa nibanon. Ri nitz'ilobisan xa ja ri itzel taq ch'abel ri yepe rik'in ri wineq.*f9*

Marcos 7:2

Ri achi'a' ri' xekitz'et chi ek'o jujun chike ri rutijoxela' ri Jesús, ri man nikich'ej ta kiq'a' toq nikitej kiway, achi'el nikibij ri fariseo. Roma ri' kan itzel xech'on chikij.

San Mateo 15:20

Y ronojel k'a ri banobel ke taq ri' jari' ri nibanon chire jun wineq chi nok man ch'ajch'oj ta. Jak'a ri nuben ri wineq chi man ruch'ajon ta ruq'a' nutej-qa ruway, achi'el nikibij rije'; ri' man nuben ta chi rija' nok man ch'ajch'oj ta, xcha' ri Jesús.

San Mateo 15:11

Ri nitz'ilobisan richin ri wineq man ja ta k'a ri nutej-qa nibanon. Ri nitz'ilobisan xa ja ri itzel taq ch'abel ri yepe rik'in ri wineq, xcha' ri Jesús.

Wuj Richin ri Chojmirisabelri'il 11:7

Ri aq ruch'aron ri' ri kipi'ch, jak'a man yekamulun ta. Re chikopi' re' man e ch'ajch'oj ta chuqa' y man ke'itej.

Wuj Richin ri Chojmirisabelri'il 11:9

Y chike ri chikopi' ri e richin pa ya' ri utz ye'itej, ja ri k'o taq kixik' y ri k'o kisolotal.