Wuj Richin ri Chojmirisabelri'il 11:44 - Kaqchiquel Bible

⁴⁴ Ja yin Jehová ri i-Dios, y man jun chik ri achi'el ta yin. Y roma rix ijachon chik iwi' chuwe yin, roma ri' rix k'o chi man yixmakun achi'el nikiben ri ch'aqa' chik winaqi'; rix xa kan ix ch'ajch'oj-wi y roma ri' man tiben chi yixok man ch'ajch'oj ta koma ri chikopi' ri'.

Wuj Richin ri Chojmirisabelri'il 11:44 ပူးပေါင်းရင်းမြစ်များ

Ex 20:2

Ja yin Jehová ri in i-Dios, ri xinelesan-pe iwichin ri chiri' pa ruwach'ulew Egipto, ri akuchi xixyuqe-wi pa samaj.

Wuj Richin ri Chojmirisabelri'il 19:2

tubij chike ri winaqi': Kan tich'ajch'ojirisaj k'a iwi' richin niben ri utz chire ri ik'aslen roma yin Jehová ri i-Dios kan in loq'olej-wi.

Wuj Richin ri Chojmirisabelri'il 20:7

Kan tich'ajch'ojirisaj k'a ri ik'aslen y tich'ara-iwi' rik'in ri mak roma kan ix wichin yin Jehová ri i-Dios.

1 Tesalonicenses 4:7

Ri Dios man xojroyoj ta richin niqak'uaj jun itzel k'aslen. Rija' xojroyoj richin niqak'uaj jun k'aslen ri kan loq'olej.

Wuj Richin ri Chojmirisabelri'il 20:26

Yin Jehová kan in ch'ajch'oj-wi, y roma ri' rix k'o chi yixok ch'ajch'oj chuqa' y kan xixincha' k'a chikikojol konojel ri ruwach'ulew richin xixok wichin yin.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Wuj Richin ri Chojmirisabelri'il 21:8

Y ri Dios xubij chik chire ri Moisés chi tubij chike ri ruwinaq: Wakami k'a kan ke'ich'ara' ri e sacerdote roma ja rije' ri yesuju ri sipanik richin jalajoj ruwech ixin chuwe yin. Roma yin Jehová kan nuch'aron-wi' rik'in ronojel etzelal, y roma ri' ninwajo' yixinch'er rix rik'in ronojel etzelal: Keri' tabij chike, xcha' ri Jehová.

Deut 14:2

Roma roj kan oj jun tinamit ri kan oj ch'aron chire ri Jehová ri qa-Dios, rija' xojcha'on chikikojol ri ch'aqa' chik ruwach'ulew richin xojok jun tinamit ri kan richin rija'.

Apocalipsis 22:11

Roma ri' ri man choj ta ruk'aslen, tubana' k'a ri nrajo'. Y ri uk'uayon jun tz'ilolej k'aslen, tubana' k'a ri nurayij. Jak'a ri choj kik'aslen, man tikijel rubanik. Y ri e ch'aron richin ri Dios, kan keri' k'a tikibana-apo.

Wuj Richin Bix Chire ri Dios 99:9

Tinimirisaj ruq'ij ri Jehová ri qa-Dios. Tiqasaj k'a iwi' chuwech rija', roma ri Jehová ri qa-Dios roj kan loq'olej-wi.

Wuj Richin Bix Chire ri Dios 99:5

Tinimirisaj ruq'ij ri Jehová ri qa-Dios. Kan tixuku-timeja-iwi' chuwech, roma kan xaxe-wi rija' ri loq'olej.

San Mateo 5:48

Rix kan kixok k'a tz'aqet rik'in ri ibanobal achi'el ri aj-chikajil qatata' ri kan tz'aqet rik'in ri rubanobal.

Wuj Richin ri Chojmirisabelri'il 10:3

Xeri' ri Moisés xubij chire ri Aarón: Ri Jehová kan ch'owineq chik k'a kan chirij achi'el re xbanatej re wakami, kan rubin chik k'a: Ri kan yejel k'a pe wik'in richin yinkisamajij, kan qitzij wi chi niq'alajin ri nuq'ij-nuk'ojlen chupan ri kik'aslen, y xtitz'et koma konojel winaqi' chi kan man jun chik ri achi'el ta yin; keri' rubin ri Dios, xcha' ri Moisés. Y ri Aarón kan man jun k'a ch'abel ri xubij.

Ex 23:25

Kan ja yin Jehová ri i-Dios ri kinisamajij. Y yin kan xkixinwurtisaj k'a rik'in ri iway y ri iya'. Y chuqa' kan xtinwelesaj k'a ronojel yabilal chi'ikojol rix.

Ex 19:6

Chuqa' kan xkixok jun ajawaren kichin sacerdote richin yinisamajij y rix kan xkixok xaxe wichin yin, xkacha' chike, xcha' ri Jehová chire ri Moisés.

Wuj Richin ri Isaías 43:3

Roma ja yin Jehová, ri in i-Dios. Ja yin ri Loq'olej ri ink'o pan iwi' rix israelita. Chuqa' yin ri in ikolonel. Kan xinya' ri tinamit Egipto richin xixinkol, y ri tinamit Etiopía y ri Sabá xinya' pan ik'exel.

1 Sam 6:20

Y ri aj-Bet-semes xkibij: ¿Achike k'a xtitikir xtipa'e' chuwech ri Jehová ri Loq'olej Dios? ¿Achoq ik'in chik k'a xtibe-wi ri káxa toq xtel-el qik'in roj?, xecha'.

Wuj Richin ri Chojmirisabelri'il 11:43

Man k'a tiben chi yin yixinwetzelaj, roma ye'itej ri chikopi' ri' y nuben chiwe chi yixok man ch'ajch'oj ta.

Ex 6:7

Y xkixok k'a nutinamit y yin xkinok i-Dios, y xtiwetamaj k'a chi ja yin Jehová ri i-Dios ri xixelesan-pe chuxe' ri kowilej taq samaj pan Egipto.

Am 3:3

Jun k'ulaj winaqi' man yetikir ta yebiyaj junan wi man junan ta kiwech.

Wuj Richin ri Isaías 51:15

Roma kan ja yin Jehová ri i-Dios, ri kan nisilon richin ri palou, y kan ninben chike chi yeq'ajan. Ja yin, Jehová k'iytisanel richin ronojel, jari' ri nubi'.

Ex 16:12

Yin xinwak'axaj k'a ronojel ri xkixebexa' ri awinaq. Wakami k'a xtabij chike chi toq xtiqaq'ij-qa, rije' xtikitej ti'ij y toq xtiseqer xtikitej aj-chikajil-wey y man jun ri xtinum ta. Y rik'in ri' xtikitz'et k'a chi ja yin Jehová ri i-Dios, xcha'.

Ex 19:10

Y k'ari' ri Jehová xubij chik k'a chire ri Moisés: Kabiyin kik'in ri awinaq y tabana' k'a chike chi kan tikijacha-ki' chuwe yin chupan re q'ij re' y ri q'ij chua'q. Chuqa' kan tikich'aja' ri kitziaq.

Ex 22:31

Rix kan xixinch'er k'a chuwe yin, roma ri' man titej k'a ti'ij kichin chikopi' ri e kamisan kan koma k'uxunela' taq chikopi', ri ti'ij ri' xa tiya' chikiwech tz'i'.

Wuj Richin ri Chojmirisabelri'il 18:2

tubij chike ri winaqi': Ja yin Jehová ri i-Dios.

Wuj Richin ri Chojmirisabelri'il 19:3

Tiya' kiq'ij ri ite-itata'; kan tiya' rejqalen ri q'ij richin uxlanen. Yin Jehová ri i-Dios ri yibin.

Wuj Richin ri Q'axanri'il 15:40

Y keri' noqaqa ta chi'ik'u'x ri nupixa', y niben ta ronojel ri nubij. Chuqa' kan xtijech ta iwi' chuwe yin Jehová, ri i-Dios.

Ex 22:30

Keri' chuqa' xtiben kik'in ri nabey taq kal ri iwákix y ri nabey taq kal ri ikarne'l; xa wuqu' q'ij yek'oje' rik'in ri te'ej y ri pa ruwaqxaq q'ij xtik'en-pe chuwe yin.

Wuj Richin ri Chojmirisabelri'il 19:4

Man kinimalij kan richin ye'iya' kiq'ij ri tiox, ni man tiben wachibel ri e banon rik'in pueq ri ya'erisan pa q'aq'; yin Jehová ri i-Dios ri yibin.

Wuj Richin ri Chojmirisabelri'il 19:10

Y toq nik'ol ruwech ri uva, chuqa' man xkixpich'olin-el. Y wi k'o ta yetzaq kan, man ke'isik'-el. Xa kan tiya' kan chike ri man jun k'o kik'in y chuqa' chike ri man e iwinaq ta ri ek'o chi'ikojol. Yin Jehová ri i-Dios ri yibin.

Wuj Richin ri Josúe 24:19

K'ari' ri Josué xubij chike ri ruwinaq: Rix kan man xkixtikir ta xtisamajij ri Jehová, roma rija' kan jun Dios loq'olej, y kan man niqa' ta chuwech richin niya' ruq'ij jun chik dios. Chuqa' kan man xtukoch' ta ri yakatajinenri'il y xabachike mak niban chuwech.

1 Sam 2:2

Man jun loq'olej k'o, achi'el rat Jehová: kan xaxe wi rat ri atk'o. Man jun chik achi'el rat, y man jun chik tobel niqil achi'el ri k'o awik'in rat.