Wuj Richin ri Chojmirisabelri'il 11:40 - Kaqchiquel Bible

⁴⁰ Ri nitijo ri ruch'akul ri chikop ri', k'o chi nuch'ej ri rutziaq y xtok man ch'ajch'oj ta chijun q'ij k'a toq xtiq'equmer-qa. Y ri nelesan-el ri ruch'akul ri chikop ri' chuqa' k'o chi nuch'ej ri rutziaq y xtok man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 11:40 ပူးပေါင်းရင်းမြစ်များ

Ez 44:31

Jak'a ri sacerdote man tikitej man jun ruwech aj-xik' chikop o chikop ri ruyon xken o chikop ri xwech' ta kan roma jun k'uxunel chikop.

Wuj Richin ri Chojmirisabelri'il 22:8

Man nitej ri ti'ij richin jun chikop ri xken ruyon o ri xkamisex roma jun k'uxunel chikop, roma rik'in re' xa kan niben chi kan man ix ch'ajch'oj ta. Yin Jehová ri yibin.

Deut 14:21

Ri chikopi' ri kiyon yeken, man ke'itej, roma rix ix jun tinamit ri ix rucha'on ri Jehová ri qa-Dios. Xa kan utz k'a niya' chike ri man e iwinaq ta, richin nikitej rije' o nikik'ayij-el chike ri winaqi' ri choj yeq'ax-el iwik'in. Man tichaq'arisaj ri ti alaj tzuntzun chupan ri tz'umaj richin ri te'ej.

Ez 4:14

Y jak'a yin xinbij chire chi yin man jun bey nuchapon ta ri xa man ch'ajch'oj ta. Chuqa' man jun bey nutijon ruch'akul jun chikop ri choj xken, o ruch'akul jun chikop ri xwech' koma k'uxunela' taq chikopi', ni man jun bey nutijon ta ti'ij ri man e ch'ajch'oj ta.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.

1 Corintios 10:21

Rix kan niqum k'a ri vino richin ninataj ri rukamik ri Cristo. Y wi keri', man ruk'amon ta chi niqum chuqa' ri xa xsuj yan chike itzel taq espíritu. Rix nitej ri kaxlan-wey richin ninataj ri rukamik ri Jesús. Y wi keri', chuqa' man ruk'amon ta nitej ri xa xsuj yan chike itzel taq espíritu.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

Wuj Richin ri Zacarías 13:1

Chupan ri q'ij ri' ri chiri' pa Jerusalem kan xtik'oje' k'a jun achi'el ralaxbal-ya' richin chi chupan ri' xtich'ajch'ojir ri kimak ri e aj pa rachoch kan ri David y konojel ri e aj chiri'.

Ez 36:25

Kan xtinchikaj k'a ch'ajch'oj ya' pan iwi' richin xkixinch'ajch'ojirisaj chire ri imak. Y keri' xkixinkuy roma rix man ix ch'ajch'oj ta y roma xiya' kiq'ij ri wachibel.

Wuj Richin ri Isaías 1:16

Tijosq'ij-iwi', tich'ajch'ojirisaj k'a iwi'. Man chik tiben ri itzel taq banobel chinuwech yin, y kan tiya' kan ronojel ruwech etzelal.

Wuj Richin ri Q'axanri'il 19:19

Ri ch'ajch'oj achin xtuchikaj k'a ri ya' ri' chirij ri man ch'ajch'oj ta pa rox q'ij y pa ruwuq q'ij. Toq ruch'ajch'ojirisan chik, ri wineq ri' nuch'ej ri rutziaq, natin-el y ja ri aq'a' ri' xtich'ajch'ojir.

Wuj Richin ri Chojmirisabelri'il 16:28

Y ri wineq ri xtiporon, k'o chi natin, nuch'ej rutziaq y k'ari' nok-apo ri akuchi ek'o-wi-qa ri winaqi'.

Wuj Richin ri Chojmirisabelri'il 16:26

Y ri wineq ri xuk'uan-el ri achij tzuntzun, richin chi xberisq'opej kan pa tz'iran ruwach'ulew, k'o chi natin, nuch'ej rutziaq y k'ari' nok-apo ri akuchi ek'o-wi-qa ri winaqi'.

Wuj Richin ri Chojmirisabelri'il 15:27

Xabachike k'a wineq ri xtichapo ronojel re', chuqa' ri wineq ri' xtok man ch'ajch'oj ta, y k'o chi natin y k'o chi nuch'ej ri rutziaq. Y ri wineq ri' kan xtok man ch'ajch'oj ta chijun ri q'ij ri' k'a toq nok-pe ri aq'a'.

Ex 22:31

Rix kan xixinch'er k'a chuwe yin, roma ri' man titej k'a ti'ij kichin chikopi' ri e kamisan kan koma k'uxunela' taq chikopi', ri ti'ij ri' xa tiya' chikiwech tz'i'.

Wuj Richin ri Chojmirisabelri'il 11:39

Wi ta niken jun chikop ri utz nitij, achike xtichapo ri ruch'akul ri chikop ri', xtok man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 14:46

Y toq ri sacerdote rubin chik k'a chi titz'apex ri jay, y k'o ta jun wineq nok-apo chupan, re wineq re' kan xtok man ch'ajch'oj ta chijun ri q'ij ri', k'a toq nok pe ri aq'a'.

Wuj Richin ri Chojmirisabelri'il 15:15

rija' xtusuj k'a jun chike ri taq aj-xik' chikopi' richin jun kamelabel richin kuyubel-mak, y ri jun chik xtuporoj chijun. Y keri' ri sacerdote nuben chi xtink'en chik ruwech ri achin ri'.

Wuj Richin ri Chojmirisabelri'il 22:6

Ri sacerdote ri xtichapo jun chike ronojel re', kan xtok man ch'ajch'oj ta. K'o chi natin richin utz nutej ri sipanik ri', ri e jachon chuwe. K'a toq niqaq'ij-qa, k'ari' xtich'ajch'ojir, y k'ari' utz nutej ri sipanik ri e jachon chuwe, roma nuya'on q'ij chire richin chi jari' nutej.