Wuj Richin ri Chojmirisabelri'il 11:39 - Kaqchiquel Bible

³⁹ Wi ta niken jun chikop ri utz nitij, achike xtichapo ri ruch'akul ri chikop ri', xtok man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 11:39 ပူးပေါင်းရင်းမြစ်များ

Wuj Richin ri Q'axanri'il 19:16

Y wi ta jun wineq ri beneq pa juyu' y chaq k'ate' niberuchapa-pe jun ch'akulaj richin jun wineq ri kamisan kan, o richin jun wineq ri choj xken o chaq k'ate' niberuchapa-pe rubaqil jun kamineq o jun muqbel, ri wineq ri' xtok man ch'ajch'oj ta richin wuqu' q'ij.

Wuj Richin ri Q'axanri'il 19:11

Xabachike chike ri iwinaq ri nuchop jun ch'akulaj richin jun kamineq, xtok man ch'ajch'oj ta y keri' xtik'oje' kan richin wuqu' q'ij.

Wuj Richin ri Chojmirisabelri'il 15:7

Y keri' chuqa' xabachike wineq ri xtichapo ri achin ri', k'o chi natin y nuch'ej rutziaq. Y kan xtok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 11:40

Ri nitijo ri ruch'akul ri chikop ri', k'o chi nuch'ej ri rutziaq y xtok man ch'ajch'oj ta chijun q'ij k'a toq xtiq'equmer-qa. Y ri nelesan-el ri ruch'akul ri chikop ri' chuqa' k'o chi nuch'ej ri rutziaq y xtok man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 11:31

Konojel re' kan man e ch'ajch'oj ta chikikojol ri chikopi' ri e jepejeq, y achike k'a xtichapo ruch'akul jun chike re chikopi' re' toq kamineq chik kan, xtok man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 11:24

Xabachike k'a chikop ri man ruch'aron ta ri' ri rupi'ch y man nikamulun ta, kan man ch'ajch'oj ta. Chuqa' chikikojol ri chikopi' ri k'o ruwi-kaqen y kixk'eq, ri' man e ch'ajch'oj ta. Xabachike k'a ri chaq k'ate' nuneq kan ri ruch'akul ri chikop kamineq, o xtuk'uaj-el juba' chire ri ruch'akul; ri wineq ri' kan xtok man ch'ajch'oj ta chijun q'ij k'a toq xtiq'equmer-qa, y chuqa' k'o chi nuch'ej ri rutziaq.

Wuj Richin ri Chojmirisabelri'il 11:38

Jak'a wi ri ija'tz ri' k'o ta kan pa ya' y nitzaq-qa ri chikop rik'in, re' kan xtok man ch'ajch'oj ta.

Wuj Richin ri Chojmirisabelri'il 22:4

Jun sacerdote nok man ch'ajch'oj ta wi k'o ta yabil ri nutaluj-ri' chirij, o ri nel ta ri achi'el ya' chupan ri rukowil, o xtuchop jun ch'akulaj kamineq, o jun wineq ri man ch'ajch'oj ta, o jun chikop ri man ch'ajch'oj ta. Roma ri' man nutej ta ri sipanik ri e jachon chuwe k'a toq xtich'ajch'ojir na.

Wuj Richin ri Chojmirisabelri'il 22:8

Man nitej ri ti'ij richin jun chikop ri xken ruyon o ri xkamisex roma jun k'uxunel chikop, roma rik'in re' xa kan niben chi kan man ix ch'ajch'oj ta. Yin Jehová ri yibin.

Wuj Richin ri Chojmirisabelri'il 14:46

Y toq ri sacerdote rubin chik k'a chi titz'apex ri jay, y k'o ta jun wineq nok-apo chupan, re wineq re' kan xtok man ch'ajch'oj ta chijun ri q'ij ri', k'a toq nok pe ri aq'a'.

Wuj Richin ri Chojmirisabelri'il 15:15

rija' xtusuj k'a jun chike ri taq aj-xik' chikopi' richin jun kamelabel richin kuyubel-mak, y ri jun chik xtuporoj chijun. Y keri' ri sacerdote nuben chi xtink'en chik ruwech ri achin ri'.

Wuj Richin ri Chojmirisabelri'il 16:26

Y ri wineq ri xuk'uan-el ri achij tzuntzun, richin chi xberisq'opej kan pa tz'iran ruwach'ulew, k'o chi natin, nuch'ej rutziaq y k'ari' nok-apo ri akuchi ek'o-wi-qa ri winaqi'.

Wuj Richin ri Chojmirisabelri'il 17:15

Keri' chuqa' ri iwinaq o man iwinaq ta, wi k'o xtitijo ri ruch'akul jun chikop ri xken ruyon o xwech' koma ch'aqa' chik chikopi', ri wineq ri' k'o chi natin y nuch'ej rutziaq, y kan xtok man ch'ajch'oj ta chi jun q'ij k'a toq nok-pe ri aq'a'.

Wuj Richin ri Chojmirisabelri'il 22:6

Ri sacerdote ri xtichapo jun chike ronojel re', kan xtok man ch'ajch'oj ta. K'o chi natin richin utz nutej ri sipanik ri', ri e jachon chuwe. K'a toq niqaq'ij-qa, k'ari' xtich'ajch'ojir, y k'ari' utz nutej ri sipanik ri e jachon chuwe, roma nuya'on q'ij chire richin chi jari' nutej.

Wuj Richin ri Q'axanri'il 19:7

Y chirij k'a ronojel ri' ri Eleazar xtuch'ej ronojel ri rutziaq y xtatin y k'ari' utz nok-apo chupan ri akuchi ek'o-wi-qa ri israelita. Y rija' man ch'ajch'oj ta k'a toq xtok na ri aq'a'.

Ez 4:14

Y jak'a yin xinbij chire chi yin man jun bey nuchapon ta ri xa man ch'ajch'oj ta. Chuqa' man jun bey nutijon ruch'akul jun chikop ri choj xken, o ruch'akul jun chikop ri xwech' koma k'uxunela' taq chikopi', ni man jun bey nutijon ta ti'ij ri man e ch'ajch'oj ta.