Wuj Richin ri Chojmirisabelri'il 11:34 - Kaqchiquel Bible

³⁴ Y xabachike k'a ri utz richin niqum ri k'o chupan ri leq ri', kan xtok man ch'ajch'oj ta. Y chuqa' wi k'o ya' chupan ri leq ri', y wi niqaqa pa ruwi' xabachike ri nitij, re' kan xtok k'a man ch'ajch'oj ta.

Wuj Richin ri Chojmirisabelri'il 11:34 ပူးပေါင်းရင်းမြစ်များ

Tito 1:15

Ri winaqi' ri ch'ajch'oj ri kik'aslen, utz nikitz'et ronojel. Jak'a ri winaqi' ri man ch'ajch'oj ta ri kik'aslen y man kiniman ta chuqa' ri Dios, ronojel ri utz, itzel nikitz'et, roma xa yojtajineq ri kich'obonik y man nikina' ta chi man utz ta ri kik'aslen chuwech ri Dios.

Wuj Richin Etamabel-Tzij 28:8

Ri kan nuben-q'anej rubeyomel, roma ri ral ri ruméro y roma ri nik'o ruwi' nuk'utuj chike ri yeqajo rik'in; rija' kan man retaman ta chi ri beyomel ri' xa pa ruq'a' jun chik ri kan nujoyowaj kiwech ri meba'i' ri nibek'oje-wi kan.

Wuj Richin Etamabel-Tzij 21:27

Ri kamelabel ri nikiya' ri winaqi' ri kan e banoy richin ri etzelal, xa netzelex roma ri Jehová, y más nretzelaj toq xa rik'in jun itzel kánima nikiya'.

Wuj Richin Etamabel-Tzij 21:4

Ri nuna-ri' chi kan k'o-wi ruq'ij, ri kan nunimirisaj-ri' y ronojel ri kich'obonik ri e banoy richin ri etzelal, ronojel re' kan mak-wi.

Wuj Richin Etamabel-Tzij 15:8

Ri Jehová kan nrixowaj k'a ri nisipex chire roma ri wineq itzel; jak'a ri ch'owen ri nuben ri choj ruk'aslen, kan nikikot rik'in.

Wuj Richin ri Chojmirisabelri'il 11:33

Y wi ta jun chike re chikopi' re' nitzaq ta pa jun xabachike leq ri banon rik'in ulew, k'o chi nipaxix. Y chuqa' ri k'o chupan kan xtok man ch'ajch'oj ta.

Wuj Richin ri Chojmirisabelri'il 11:35

Y achoq pa ruwi' xtitzaq-wi ri ruch'akul ri chikop xtok man ch'ajch'oj ta. Y wi xtitzaq ta pa ruwi' jun horno o pa ruwi' jun k'ojelibel richin boxbel q'aq', kan xtiwulex k'a.