Wuj Richin ri Chojmirisabelri'il 11:24 - Kaqchiquel Bible

^24-28 Xabachike k'a chikop ri man ruch'aron ta ri' ri rupi'ch y man nikamulun ta, kan man ch'ajch'oj ta. Chuqa' chikikojol ri chikopi' ri k'o ruwi-kaqen y kixk'eq, ri' man e ch'ajch'oj ta. Xabachike k'a ri chaq k'ate' nuneq kan ri ruch'akul ri chikop kamineq, o xtuk'uaj-el juba' chire ri ruch'akul; ri wineq ri' kan xtok man ch'ajch'oj ta chijun q'ij k'a toq xtiq'equmer-qa, y chuqa' k'o chi nuch'ej ri rutziaq.

Wuj Richin ri Chojmirisabelri'il 11:24 ပူးပေါင်းရင်းမြစ်များ

Wuj Richin ri Isaías 22:14

Roma ri' ri Jehová k'iytisanel richin ronojel xubij kere' chuwe pan iwi' rix: Kan man xtinkuy ta k'a re mak re' re ibanon, k'a ja toq xkixken, nicha' ri Jehová k'iytisanel richin ronojel.

Wuj Richin ri Chojmirisabelri'il 11:23

Ronojel k'a ri taq chikopi' ri xa yebiyin y ri k'o kixik' k'o chi man ye'itej ta, xa kan k'o chi ke'iwixowaj.

Wuj Richin ri Chojmirisabelri'il 11:31

Konojel re' kan man e ch'ajch'oj ta chikikojol ri chikopi' ri e jepejeq, y achike k'a xtichapo ruch'akul jun chike re chikopi' re' toq kamineq chik kan, xtok man ch'ajch'oj ta chijun q'ij k'a toq xtiq'equmer-qa.

Wuj Richin ri Chojmirisabelri'il 11:8

Roma ri' ri chikopi' ri man e ch'ajch'oj ta, kan man tichop ri kich'akul, toq e kaminaqi' chik.

Wuj Richin ri Chojmirisabelri'il 14:46

Y toq ri sacerdote rubin chik k'a chi titz'apex ri jay, y k'o ta jun wineq nok-apo chupan, re wineq re' kan xtok man ch'ajch'oj ta chijun ri q'ij ri', k'a toq nok pe ri aq'a'.

Wuj Richin ri Chojmirisabelri'il 15:10

Roma ri' xabachike k'a ri xtichapo ri xalma ri' o nuchop o nuk'uaj-el ch'aqa' chik ri xa ch'okoliben chik roma ri achin ri', ri xtibanon keri' xtok man ch'ajch'oj ta chijun ri q'ij ri' k'a toq nok-pe ri aq'a', y kan k'o chi natin y nuch'ej ri rutziaq.

Wuj Richin ri Chojmirisabelri'il 15:11

Y wi ta ri achin ri' xtuchop ta jun chik wineq y man ruch'ajon ta ruq'a', ri wineq ri' xtok man ch'ajch'oj ta, y k'o chi natin y nuch'ej ri rutziaq. Y kan man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 15:15

rija' xtusuj k'a jun chike ri taq aj-xik' chikopi' richin jun kamelabel richin kuyubel-mak, y ri jun chik xtuporoj chijun. Y keri' ri sacerdote nuben chi xtink'en chik ruwech ri achin ri'.

Wuj Richin ri Chojmirisabelri'il 15:21

Y xabachike k'a wineq ri xtichapo ri akuchi nikotz'e-wi ri ixoq ri', o xabachike k'a wineq ri xtichapo ri akuchi nitz'uye-wi chuqa', k'o chi natin y k'o chi nuch'ej ri rutziaq. Y ri wineq ri' xtok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 15:27

Xabachike k'a wineq ri xtichapo ronojel re', chuqa' ri wineq ri' xtok man ch'ajch'oj ta, y k'o chi natin y k'o chi nuch'ej ri rutziaq. Y ri wineq ri' kan xtok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 15:6

Y xabachike k'a ri xtitz'uye' pa ruwi' ri tz'uyubel ri', k'o chi natin y k'o chi nuch'ej ri rutziaq. Y kan xtok man ch'ajch'oj ta chijun ri q'ij ri', k'a toq nok-pe ri aq'a'.

Wuj Richin ri Chojmirisabelri'il 15:7

Y keri' chuqa' xabachike wineq ri xtichapo ri achin ri', k'o chi natin y nuch'ej rutziaq. Y kan xtok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 15:8

Wi ta ri achin ri' nichuban y niqaqa ta chirij jun chik wineq ri ch'ajch'oj, ri wineq ri' k'o chi natin y nuch'ej ri rutziaq. Y kan xtok man ch'ajch'oj ta chijun ri q'ij ri' k'a toq nok-pe ri aq'a'.

Wuj Richin ri Chojmirisabelri'il 16:26

Y ri wineq ri xuk'uan-el ri achij tzuntzun, richin chi xberisq'opej kan pa tz'iran ruwach'ulew, k'o chi natin, nuch'ej rutziaq y k'ari' nok-apo ri akuchi ek'o-wi-qa ri winaqi'.

Wuj Richin ri Chojmirisabelri'il 16:28

Y ri wineq ri xtiporon, k'o chi natin, nuch'ej rutziaq y k'ari' nok-apo ri akuchi ek'o-wi-qa ri winaqi'.

Wuj Richin ri Chojmirisabelri'il 22:4

Jun sacerdote nok man ch'ajch'oj ta wi k'o ta yabil ri nutaluj-ri' chirij, o ri nel ta ri achi'el ya' chupan ri rukowil, o xtuchop jun ch'akulaj kamineq, o jun wineq ri man ch'ajch'oj ta, o jun chikop ri man ch'ajch'oj ta. Roma ri' man nutej ta ri sipanik ri e jachon chuwe k'a toq xtich'ajch'ojir na.

Wuj Richin ri Chojmirisabelri'il 22:6

Ri sacerdote ri xtichapo jun chike ronojel re', kan xtok man ch'ajch'oj ta. K'o chi natin richin utz nutej ri sipanik ri', ri e jachon chuwe. K'a toq niqaq'ij-qa, k'ari' xtich'ajch'ojir, y k'ari' utz nutej ri sipanik ri e jachon chuwe, roma nuya'on q'ij chire richin chi jari' nutej.

Wuj Richin ri Chojmirisabelri'il 5:2

wi ta jun chiwe rix nuchop ruch'akul jun chikop ri kamineq chik ri man e ch'ajch'oj ta: Jun chikop k'uxunel, ri ye'awajix, o ri e jepejeq, stape' man xunabej ta, toq xtunabej, ri wineq ri' man ch'ajch'oj ta chik;

Wuj Richin ri Chojmirisabelri'il 7:21

Keri' k'a wi jun wineq nuchop ta xabachike ri man ch'ajch'oj ta kichin winaqi' o kichin chikopi', o nuchop ta chik jun ri man ch'ajch'oj ta, rija' kan man ch'ajch'oj ta chik k'a. Y nimakun wi nutej juba' chire ri ti'ij ri', y roma ri' re wineq re' kan k'o chi telesex-el chikikojol ri ruwinaq, xcha' ri Jehová.

Wuj Richin ri Q'axanri'il 19:7

Y chirij k'a ronojel ri' ri Eleazar xtuch'ej ronojel ri rutziaq y xtatin y k'ari' utz nok-apo chupan ri akuchi ek'o-wi-qa ri israelita. Y rija' man ch'ajch'oj ta k'a toq xtok na ri aq'a'.

1 Corintios 15:33

Man k'a kixq'olotej, roma rix iwetaman chi wi yixok kachibil ri man utz ta ri kich'obonik, xa kan xtiyojtej chuqa' ich'obonik rix.

2 Corintios 6:17

Chuqa' rubin ri ajaw:*f5* Kixel-pe chikikojol ri man e wichin ta yin. Tich'ara-pe-iwi', y man tichop-apo ri xa tz'ilolej k'aslen, richin chi yin yixink'ul.

Efesios 5:11

Man k'a kixok kachibil ri yebanon banobel richin q'equ'm roma man jun rejqalen. Pa ruk'exel ri', xa tibij chi ri kibanobal man utz ta,

Colosenses 2:20

Rix kan achi'el xixken rik'in ri Cristo toq rija' xken, y roma ri' ix kaminaqi' chik chuwech ri tijonik ri e richin re ruwach'ulew ri xa man e qitzij ta. Wi keri' ibanon, ¿achike roma k'a ninimaj kitzij, achi'el xa ta k'a ix richin na re ruwach'ulew?

Hebreos 9:26

Roma xa ta k'iy bey xusuj-ri', k'iy ta bey xuk'owisaj tijoj-poqonal y k'iy ta bey xken, kan rutikeriban ta pe toq xban re ruwach'ulew. Jak'a man keri' ta ri xuben. Xa k'a chupan re ruk'isibel q'ij richin re ruwach'ulew, toq xpe y xaxe jun bey xken richin chi xojrukol chupan ri qamak.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.