Wuj Richin ri Chojmirisabelri'il 11:13 - Kaqchiquel Bible

^13-19 Ri jalajoj kiwech aj-xik' taq chikopi'*f2* ri nikitej ti'ij, achi'el ri aj-ch'ak. Ri' man ke'itej, xa k'o chi ye'iwixowaj. Keri' chuqa' ri aj-xik' taq chikopi' ri yewa' akuchi nitorix-wi q'ayis, achi'el ri k'uch.

Wuj Richin ri Chojmirisabelri'il 11:13 ပူးပေါင်းရင်းမြစ်များ

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

San Mateo 24:28

Roma ri' k'o jun tzij ri nubij: Akuchi k'o-wi jun kamineq, chiri' nikimol-wi-ki' ri k'ucha'.

Wuj Richin ri Habacuc 1:8

Ri kikiej kan más k'a anineq yebiyin chikiwech ri balma. Y ri winaqi' kan e k'uxunela', achi'el ri utiwa' ri yebiyajilan chi'aq'a' richin nikikanoj kiway. Ri kiej kan nikajo' yan nikiben labal, y kan k'a janila nej xkepe-wi. Rije' xkepe anineq, achi'el ri kot yexik'an pa kaq'iq' toq k'o nikajo' nikichop.

Os 8:1

Ri Dios nubij: Kan taxupuj k'a ri trompeta; ri etzelanel kan achi'el k'a kot ri peteneq pa ruwi' ri ruwach'ulew Israel. Roma ri israelita xa xkiq'ej ruwi' ri tununri'il ri qabanon kik'in. Xa man xkitaqej ta ri nupixa'.

Wuj Richin ri K'uxla'anik 4:19

Ri e etzelanel qichin kan xojkitzeqelibej. Kan anineq xepe chiqij achi'el nikiben ri kot. Xojkitzeqelibej k'a pa ruwi' taq juyu', y xekiyala' k'a pikbel pa qabey pa tz'iran ruwach'ulew.

Wuj Richin ri Jeremías 48:40

Yin Jehová ri yibin. Ri e etzelanel iwichin rix aj-Moab kan xtikik'eq-pe-ki' pan iwi' rix, achi'el nuben jun kot toq rurik'on jebel ri ruxik'.

Wuj Richin ri Jeremías 4:22

Ri nuwinaq kan maneq kina'oj, man ketaman ta nuwech. Kan e alk'ualaxela' ri maneq ketamabal y kan man jun niq'ax chikiwech. Kan janila e nowineq richin nikiben etzelal, jak'a man ketaman ta nikiben ri utz.

Wuj Richin ri Jeremías 4:13

Titz'eta' ri e etzelanel iwichin xenaqajub yan pe achi'el ri sutz' y ri ki-carruaje ri e richin oyowal e achi'el nimalej kaq'iq'. Ri kikiej kan tijumin e peteneq achi'el nuben jun kot toq k'o nuchop. Jari' toq rix xtibij: ¡Toq'ex k'a qawech roj ri kan xojk'is yan, xkixcha'!

Wuj Richin ri Achin Job 38:41

Rat Job, ¿yatikir kami ye'atzuq ri qo'ch? Roma ri taq alaji' xa kow yeq'ajan y chuwe yin nikik'utuj-wi kiway. Rije' kan yebe-kela' yebe-kela' nikiben roma maneq kiway.

Wuj Richin ri Achin Job 28:7

Ri bey ri napon chiri', kan man tz'eton ta ni koma ri aj-xik' taq chikopi' ri yetijo ti'ij, ri bey ri' ni ri xik kan man rutz'eton ta chuqa',

Wuj Richin ri Chojmirisabelri'il 11:11

Chuqa' kan man tichop ri kich'akul ri chikopi' ri' toq e kaminaqi' chik, roma xa man e ch'ajch'oj ta.

Wuj Richin ri Chojmirisabelri'il 11:12

Kan konojel k'a ri chikopi' ri e richin pa ya' ri maneq taq kixik' y maneq kisolotal, man ke'itej, xa kan ke'iwixowaj.

Wuj Richin ri Zacarías 5:9

Xitzu'un-q'anej chikaj y xintz'et e ka'i' ixoqi' yexik'an e peteneq qik'in, y janila nima'q ri kixik'. Y toq xe'oqaqa, xkitzeqej-el ri chakech richin xkik'uaj-el.