Wuj Richin ri Chojmirisabelri'il 10:7 - Kaqchiquel Bible

⁷ Chuqa' kan man k'a tiya' kan ri ruchi' ri rachoch ri Dios rokik k'o ri bis ri', richin man kixken, roma rix kan ya'on aceite richin cha'onri'il pan iwi' richin re samaj re', xcha' ri Moisés chike. Y rije' xkiben k'a achi'el xubij ri Moisés.

Wuj Richin ri Chojmirisabelri'il 10:7 ပူးပေါင်းရင်းမြစ်များ

Wuj Richin ri Chojmirisabelri'il 21:12

Man xa roma ri kamineq xtel-el chupan ri wachoch, y rik'in ri' nuqasaj ruq'ij ri wachoch, roma xa kan pa ruwi' rija' ya'on-wi ri aceite richin cha'onri'il, yin Jehová ri yibin.

2 Corintios 1:21

Y ja ri Dios ri banayon chi rix y roj xaxe jun qabanon rik'in ri Cristo, y ja ri Dios chuqa' ri xojcha'o.

Wuj Richin ri Chojmirisabelri'il 8:30

Xeri' xuchop juba' aceite richin cha'onri'il y xuxol rik'in juba' kik' ri k'o pa ruwi' ri porobel, y xuchikaj chirij ri Aarón y chirij ri rutziaq, chikij ri e ruk'ajol y chikij ri kitziaq. Keri' k'a xban chire ri Aarón y ri rutziaq, ri e ruk'ajol y ri kitziaq, toq xech'ar richin xe'ok pa rusamaj ri Dios.

Ex 28:41

K'ari' rat xtawiq k'a ri Aarón y ri e ruk'ajol, y xtaqasaj aceite pa kiwi' y xke'aya' kan chupan ri kisamaj y xke'ach'er richin nikiben nusamaj y kan xke'ok k'a nu-sacerdote.

Hechos 10:38

Iwetaman chuqa' ri' chi ri Jesús ri aj-Nazaret, kan k'o-wi ri Loq'olej Espíritu rik'in, ri ya'on-pe chire roma ri Dios. Roma ri' kan k'o-wi uchuq'a' pa ruq'a'. Kan xaxe k'a ri utz ri xerubanala' chike ri winaqi'. Xeruk'achojirisala' chuqa' winaqi' ri e chapon roma ri itzel-wineq. Kere' ri xerubanala' ri Jesús, roma kan k'o-wi ri Dios rik'in.

San Lucas 9:60

Jak'a ri Jesús xubij chire re achin re': Xa taya' kan chi ri kaminaqi' yekimuq ri kikaminaq. Rat kan tabetzijoj k'a ri rajawaren ri Dios, xcha' ri Jesús chire.

Wuj Richin ri Chojmirisabelri'il 8:12

Xeri' ri Moisés xuq'ej juba' chik chire ri aceite pa ruwi' ri Aarón y keri' xujech pa rusamaj ri Dios.

Ex 30:30

Xtaqasaj k'a ri aceite ri' pa ruwi' ri Aarón y pa kiwi' ri e ruk'ajol richin chi ye'ok nu-sacerdote, richin nikiben ri nusamaj.

Wuj Richin ri Chojmirisabelri'il 10:8

Xeri' ri Jehová xch'on rik'in ri Aarón y xubij chire:

Ex 29:7

Chirij ronojel re' rat xtabek'ama-pe ri aceite ri richin cha'onri'il y xtaqasaj pa ruwi' ri Aarón, richin nok nu-sacerdote.