Wuj Richin ri Chojmirisabelri'il 10:6 - Kaqchiquel Bible

⁶ Y ek'o k'a ka'i' chik ruk'ajol ri Aarón, ri kibini'an Itamar y Eleazar. Ri Moisés xeroyoj k'a rije' y ri Aarón, y xubij k'a chike: Ri qawinaq xkebison kichin ri e ka'i' ri xuben ri Jehová chi xk'is kik'aslen roma ri q'aq'. Jak'a rix man tiben keri': xa kan jantape' k'a tichojmirisaj ri rusumal-iwi', y chuqa' man niretz ta ri itziaq chiwij roma bis. Jak'a wi rix xtik'ut richin yixbison, kan xkixken k'a, y xtiyakatej royowal ri Dios chikij konojel ri qawinaq.

Wuj Richin ri Chojmirisabelri'il 10:6 ပူးပေါင်းရင်းမြစ်များ

2 Sam 24:1

Chirij ronojel re' ri Jehová xyakatej chik jun bey royowal chikij ri winaqi' israelita, y roma ri' xuya' q'ij chi ri David xtaqchi'ix richin chi xuben jun tz'iban bi'aj chiri' pan Israel y pa Judá.

Wuj Richin ri Esdras 7:5

ri ruk'ajol kan ri Abisúa, ri ruk'ajol kan ri Finees, ri ruk'ajol kan ri Eleazar, ri ruk'ajol kan ri Aarón, ri nimalej sacerdote.

Ex 33:5

Keri' k'a xkiben ri winaqi', roma ri Jehová kan xunabeyajisaj yan k'a rubixik chike. Xa kan xbix yan k'a chike roma ri Moisés chi rije' xa e jun tinamit ri man nikiqasaj ta ki'. Y wi ri Jehová nik'oje' chikikojol, kan pa jun ti ramaj yeruk'is konojel. Y chuqa' chi tikelesaj ronojel ri jebelej taq tzieq chikij y ri wiqobel ri yekikusala'. Y ri Jehová xtunojij na ri achike xtuben kik'in.

Ex 6:23

Y ri Aarón xk'ule' rik'in ri Eliseba rumi'al ri Aminadab, rana' ri Nahasón. Y xek'oje' k'a e kaji' kalk'ual y re' xkibini'aj: Nadab, Abihú, Eleazar y ri Itamar.

Wuj Richin ri Jeremías 7:29

Rix winaqi' richin ri tinamit Jerusalem tisokaj ri rusumal-iwi' y tik'aqa-el y kixbe'oq'-q'anej pa ruwi' la juyu'. Roma ri Jehová kan xixrixowaj yan y xixrumestaj yan kan, roma kan ja rix ri xixbanon chire richin xyakatej royowal chiwij, kacha' chike.

Wuj Richin ri Chojmirisabelri'il 13:45

Y keri' konojel ri winaqi' ri k'o jalajoj ruwech itzel taq yabil chikij, xtikiretz k'a ri kitziaq chikij roma bis, y man tikikusaj ri tzieq richin ri kijolon, ni man tikijik ri rusumal-kiwi'. Y chuqa' tikikusaj jun tzieq richin nikimatzej ri kichi', y keri' nikitz'apej ri nik'aj kipalej y rik'in kuchuq'a' xkech'on y xtikibij: ¡Man kixjel-pe qik'in, roma xa man oj ch'ajch'oj ta!, xkecha' rije'.

Wuj Richin ri Miqueas 1:16

Y ri winaqi' aj-Judá xtikisokaj-el ri rusumal-kiwi' richin nikik'ut chi yebison. Xtikijos-el ri rusumal-kiwi', y xketz'anatz'o' kan achi'el ri k'uch. Y ri kalk'ual rije' ri janila yekajo' xa kan xke'uk'uex-el pa ximonri'il.

Wuj Richin ri Q'axanri'il 1:53

Jak'a ri levita kan xkekipabala-q'anej ri kachoch y xtikisutij-rij ri wachoch richin ri nujikibel-tzij, richin nikichajij chi man yixjel-apo, richin chi man niqaqa ta ri woyowal pan iwi'. Kan ja rije' ri xke'ok chajinela' richin ri wachoch richin ri nujikibel-tzij, xcha' ri Jehová.

Wuj Richin ri Q'axanri'il 14:6

Y ri Josué ri ruk'ajol ri Nun y ri Caleb ri ruk'ajol ri Jefuné, xkiretz k'a ri kitziaq chikij roma bis.

Wuj Richin ri Q'axanri'il 16:22

Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

Wuj Richin ri Q'axanri'il 18:5

Jak'a rix ri k'o chi yixpa'e' chuwech ri samaj richin ri wachoch yin y chuqa' ri samaj rik'in ri porobel, richin chi man niyakatej ta chik woyowal pa kiwi' ri iwinaq israelita.

Wuj Richin ri Q'axanri'il 20:25

Wakami, rat Moisés ke'ak'uaj k'a el ri Aarón y ri Eleazar ri ruk'ajol y kixjote-el pa ruwi' ri juyu' Hor.

Wuj Richin ri Q'axanri'il 5:18

Xeri' ri sacerdote nrelesaj-el ri tzieq ri k'o pa rujolon ri ixoq. K'ari' nuya' ri cebada pa ruq'a', ri k'atzinel richin natabel richin chi niq'alajin jun mak roma ri atixanik. Jak'a ri sacerdote ruk'uan pa ruq'a' ri xára ri k'o ri ya' chupan ri nik'amon-pe ri etzelanik pa ruwi' ri aj-mak.

Deut 33:9

Rix kan más k'a xiwajo' ri jikibel-tzij chikiwech ri ite-itata'. Rix kan más k'a xiwajo' xinimaj ri ruch'abel ri Dios chikiwech ri iwach'alal, y ri iwalk'ual.

Wuj Richin ri Josúe 22:18

¿Kan ximestaj yan k'a ri xqak'uluwachij richin kan ich'aron-iwi' chuwech ri Jehová? Re wakami, wi rix yixyakatej chirij ri Jehová, ri chua'q-kabij rija' xtiyakatej royowal pa ruwi' ri qatinamit Israel.

Wuj Richin ri Josúe 22:20

¡Toqaqa k'a chi'ik'u'x ri xuben ri Acán, ruk'ajol ri Zérah toq xuchop-pe ri kan banon chire chi nik'is jumul! Y roma ri' xken y xojk'uluman chuqa' roj ri tinamit Israel. Man xaxe ta rija' xken roma ri itzel rubanobal, ek'o chik ch'aqa' xeken, xecha'.

Wuj Richin ri Josúe 7:1

K'o k'a jun achin rubini'an Acán ruk'ajol ri Carmí, rumam kan ri Zabdí, ruxikin rumam kan ri achin rubini'an Zérah, richin ri tzobaj Judá. Ri Acán man xunimaj ta tzij y xuk'en-pe juba' chire ri kan banon chire richin nik'is jumul. Y roma ri' ri Jehová xyakatej royowal chikij konojel ri e rijatzul kan ri Israel.

Wuj Richin ri Josúe 7:11

Ri e rijatzul ri Israel xemakun; xkiq'ej ruwi' ri nujikibel-tzij ri xinya' chike, roma xkichop ri banon chire chi nik'is jumul. Kan xe'eleq' k'a, kan xkitz'uk-tzij y kan xkewaj chukojol ri iwichin rix ri xa banon chire chi nik'is jumul.