Wuj Richin ri Chojmirisabelri'il 10:19 - Kaqchiquel Bible

¹⁹ Y ri jari' toq ri Aarón xubij chire ri Moisés: Rat natz'et chi ri winaqi' xkik'amala-pe chikopi' richin nisuj richin kamelabel richin ri kimak y ri chikop richin niporox chuwech ri Jehová, jak'a yin xa yibison roma ri xkik'uluwachij ri nuk'ajol y wi ta yin xintej ri ti'ij richin ri kamelabel ¿Kan xqa' ta kami chuwech ri Jehová?, xcha'.

Wuj Richin ri Chojmirisabelri'il 10:19 ပူးပေါင်းရင်းမြစ်များ

Wuj Richin ri Isaías 1:11

¿Achike ta k'a nik'atzin chuwe ri janila chi kamelabel ri niben? Kan xik'o yan nuk'u'x rik'in ri poron taq karne'l, y ri kiq'anal ri e tiojirisan taq chikopi'. Man ninrayij ta chik ri kikik'el ri bóyix, ni kichin ri alaji' taq karne'l ni ri taq tzuntzun.

Wuj Richin ri Isaías 1:15

Toq rix nitzeqej ri iq'a' chikaj richin yixch'on wik'in, yin kan ninwelesaj ri nutzubal pan iwi'. Stape' janila chi ch'owen niben, yin kan man xkixinwak'axaj ta, roma ri iq'a' kan tz'ilobitajineq rik'in kik'.

Wuj Richin ri Jeremías 14:12

Stape' rije' xkemewayin, yin man xkenwak'axaj ta toq xkech'on wik'in. Y stape' xtikisuj chikop ri niporox chijun y ch'aqa' chik sipanik chinuwech, yin kan man xtink'ul ta. Xa kan xkenk'is k'a chi espada, rik'in wayjal y rik'in nima-yabil, xcha' ri Dios.

Wuj Richin ri Jeremías 6:20

Kan man jun nuq'ajuj chuwe richin nik'en-pe pom ri k'o chiri' pa tinamit Sabá. Chuqa' man ninwajo' ta jubulej taq aji'j richin nej taq ruwach'ulew. Chuqa' man niqa' ta chinuwech ri poron taq chikopi' y kan man niqa' ta chinuwech ri ikamelabal.

Os 9:4

Chiri' kan man xtisuj ta k'a ri vino richin sipanik chire ri Jehová. Ri kamelabel ri xtisuj chuwech kan man xtuk'awomaj ta. Ri iway xa kan tz'ilobitajineq k'a achi'el ri wey ri nitij ri akuchi k'o-wi jun kamineq. Ri wey ri' xa kan xaxe k'a iwichin rix, re' kan man xtik'uaj ta k'a pa rachoch ri Jehová.

Wuj Richin ri Chojmirisabelri'il 10:20

Toq ri Moisés xrak'axaj ronojel ri xubij ri Aarón xqa' chuwech.

Wuj Richin ri Chojmirisabelri'il 9:12

Xeri' rija' xuqupij chuqa' ruqul ri chikop ri kamelabel ri niporox, y ri e ruk'ajol rija' xkiq'axaj-apo ri kik' chire y rija' xuchikaj ri kik' chi kaji' ruwech ri porobel y pa taq ruxikin.

Wuj Richin ri Chojmirisabelri'il 9:8

Y keri' ri Aarón xjel-apo rik'in ri porobel y xuqupij k'a ri ruqul ri nima-alaj achij wákix richin jun kamelabel richin nikuyutej rumak rija'.

Wuj Richin ri Malaquías 1:10

K'ate' ta k'o jun chiwe rix ri xtutz'apej ta ri ruchi' ri wachoch, richin man chaq ye'iporoj ri xa man e utz ta pa ruwi' ri nuporobal. Roma kan man yixqa' ta k'a chinuwech, y ni ta k'a ri sipanik ri ye'isuj chinuwech.

Wuj Richin ri Malaquías 1:13

Chuqa' kan xik'o yan ik'u'x y kan niben ipalej chinuwech. Y pa ruwi' ri', xa iweleq'an-pe, xa jetz', o xa chikop yawa' ri nik'en-pe richin nisuj chuwe. Jak'a yin kan man nink'ul ta chiwech ronojel re'.

Wuj Richin ri Malaquías 2:13

Y man xaxe ta ri', xa kan nimuba' ri ruporobal ri Dios rik'in ri ruya'al runaq' taq iwech. Y yixoq' roma ri Dios man nuk'awomaj ta ri isipanik.

Deut 12:7

Kan xkixwa' k'a chiri' chuwech ri Jehová ri qa-Dios; kan xkixkikot k'a chi achijlonel, ixjayilonel y alk'ualaxel, roma ronojel ri samaj ri xiben, ri achoq pa ruwi' xuya-wi urtisanik rija'.

Deut 26:14

Man jun chire ronojel re' xintej ta toq ink'o pa bis; ni man jun chire ronojel re' xinchop ta toq man in ch'ajch'oj ta; y chuqa' man jun chire re' nusujun ta chike kaminaqi'. Jehová ri at qa-Dios, yin kan nuniman-pe atzij y kan nutaqen-pe ronojel ri abin chuwe.

Filipenses 4:4

Jantape' k'a tikikot ri iwánima rik'in ri Cristo; kan ninkamuluj k'a rubixik chiwe chi kan tikikot ri iwánima beneq-ruwech.

Hebreos 7:27

Rija' man achi'el ta k'a ri nimalej taq sacerdote ri e riy-rumam kan ri Leví. Roma rije' ronojel q'ij k'o chi yekisuj chikopi' chire ri Dios roma ri kimak y roma chuqa' ri kimak ri kiwinaq. Jak'a ri Jesús man nik'atzin ta chi k'iy bey k'o ta ri nusuj chire ri Dios. Rija' xa jun bey ri k'o chi xken chuwech ri cruz.

Hebreos 9:8

Rik'in ri' ri Loq'olej Espíritu nuq'alajirisaj chiqawech chi chupan ri q'ij ri' man jani ye'apon ri winaqi' ri akuchi kan janila loq'olej rokik ri nabey jay k'a k'o na.