Wuj Richin ri Chojmirisabelri'il 10:1 - Kaqchiquel Bible

¹ Y ek'o k'a e ka'i' chike ri e ruk'ajol ri Aarón kibini'an, Nadab y Abihú, y chikijujunal rije' xkiya' racheq-q'aq' chupan ri kiporobal-pom y k'ari' xkiya-el juba' pom pa ruwi'. Jak'a ri Dios man rubin ta chi tikikusaj xabachike racheq-q'aq'.

Wuj Richin ri Chojmirisabelri'il 10:1 ပူးပေါင်းရင်းမြစ်များ

1 Rey 18:38

Y kan jari' ri q'aq' richin ri Jehová xqaqa-pe chila' chikaj, y ri q'aq' ri' xuk'is ri chikop y ri si', ri abej, ri ulew ri akuchi k'o-wi ri porobel, y kan xuk'is ronojel ri ya' ri k'o chupan ri jul.

Wuj Richin Bix Chire ri Dios 141:2

Ri nuch'owen, kan nijubulin ta napon chawech achi'el ri jubulej pom. Ri nuq'a' ri nuyakon chawech, kan xtiqa' ta k'a chawech, achi'el ri kamelabel ri nisuj chawe tiqaq'ij.

Ex 24:1

Y ri Jehová xch'on chik rik'in ri Moisés y xubij chire: Kajote-pe, awachibilan ri Aarón, ri Nadab, ri Abihú y ri e oxk'al lajuj rijita'q taq achi'a' ri k'o kiq'ij chupan ri tinamit y k'a nej kexuke-wi kan richin nikiya' nuq'ij.

Ex 24:9

Xeri' xejote-q'anej pa ruwi' ri juyu' Sinaí; ri Moisés, ri Aarón, ri Nadab, ri Abihú, y ri e oxk'al lajuj rijita'q taq achi'a' ri k'o kiq'ij richin ri Israel.

Ex 27:3

Ronojel ri xke'ukusex chire ri porobel, k'o chi yeban rik'in ri q'enq'oj-pueq, achi'el ri k'ulbel-chaj, ri chapbel-q'aq', ri chapbel-ti'ij, ri nima'q taq leq, ri jik'bel-ti'ij y ri akuchi nik'oje-wi ri racheq-q'aq'.

Ex 28:1

Chikikojol ri awinaq israelita, xtawoyoj k'a ri animal Aarón e rachibilan ri e ruk'ajol rija', ri Nadab, ri Abihú, ri Eleazar y ri Itamar; richin chi je rije' xke'ok kan nu-sacerdote.

Ex 31:11

Y je rije' chuqa' ri xkebanon ri aceite richin ri cha'onri'il y ri jubulej pom richin ri niporox chupan ri loq'olej chire ri wachoch. Y rije' kan tikibana' k'a ronojel ruwech ri samaj, kan achi'el ri rubanik ri nubin chik chawe yin.

Ex 37:29

Chuqa' xuben ri aceite richin ri cha'onri'il. Y xuben chuqa' ri jubulej pom ri jebel ch'ajch'oj rubanik. Y re' kan achi'el ri nuben jun banoy jubulej aq'om, kan keri' rubanik xuben chire.

Ex 38:3

Ronojel ri samajibel ri nik'atzin chire ri porobel, xeruben rik'in q'enq'oj-pueq, achi'el ri k'ulbel-chaj, ri chapbel-q'aq', ri chapbel-ti'ij, ri nima'q taq leq, ri jik'bel-ti'ij y ri akuchi nik'oje-wi ri racheq-q'aq'.

Ex 40:27

Y xuporoj k'a kan pa ruwi' re porobel re' ri jubulej pom, roma keri' rubin ri Jehová.

Ex 6:23

Y ri Aarón xk'ule' rik'in ri Eliseba rumi'al ri Aminadab, rana' ri Nahasón. Y xek'oje' k'a e kaji' kalk'ual y re' xkibini'aj: Nadab, Abihú, Eleazar y ri Itamar.

Ex 8:27

Roma ri' xa kan k'atzinel xqojbiyin na oxi' q'ij pa tz'iran ruwach'ulew. Y chiri' xtiqasuj kamelabel chire ri Jehová ri qa-Dios, kan achi'el ri rubin chiqe, xcha' ri Moisés.

Wuj Richin ri Jeremías 19:5

Chuqa' xe'ipaba-q'anej porobel richin xe'iporoj ri iwalk'ual richin xe'isuj chire ri Baal, jun banobel ri man nubin ta yin richin niben y ni chuqa' man jun bey nuch'obon rij richin keri' niben.

Wuj Richin ri Jeremías 32:35

Chuqa' xekipaba-q'anej porobel richin ri Baal chiri' pa taq'aj kojol juyu' Ben-hinom, richin chi chiri' yekiporoj-wi ri kimi'al-kik'ajol richin kamelabel chire ri ki-dios Moloc. Ronojel re' kan man xinbij ta chike chi nikiben, ni man jun bey xinch'ob rij. Y toq ri winaqi' ri' xkiben ri itzel taq banobel ri', xkiben richin xemakun ri ch'aqa' chik kiwinaq.

Wuj Richin ri Jeremías 44:15

K'ari' konojel achi'a' ri ketaman chi ri kixjayilal xkisuj pom chike ch'aqa' chik dios y ri ixoqi' ri ek'o-apo chiri', konojel rije' kan janila e k'iy y chuqa' konojel ri winaqi' aj-Judá ri ek'o pa xokon chire ri Egipto xkibij chuwe:

Wuj Richin ri Jeremías 44:8

Niben chi niyek woyowal rik'in ri xa iq'a' banayon. Chuqa' nisuj pom chikiwech ch'aqa' chik dios wawe' pa ruwach'ulew Egipto, ri akuchi xixok-wi richin chi yixk'ase'. Rix xa xkixk'is chi'iwonojel. Ri winaqi' xkeyojoben chiwij y xkixok richin k'ixbilal chikiwech konojel tzobaj taq winaqi' richin re ruwach'ulew.

Wuj Richin ri Jeremías 7:31

Y xekipabala' k'a q'anej porobel ri chiri' pa Tófet*f3* pa taq'aj kojol juyu' Ben-hinom ri akuchi yekiporoj ri kalk'ual. Re' jun banobel ri man xinbij ta yin richin chi niban y kan man jun bey xpe ta pa wánima richin keri' nibanatej.

Wuj Richin ri Chojmirisabelri'il 16:1

Ri Jehová xch'on k'a rik'in ri Moisés, toq e kaminaqi' chik el ri e ka'i' ruk'ajol ri Aarón, ri xeken roma xe'ok-apo chirij ri tzieq tasbel rupan ri rachoch ri Dios y xa man rubin ta chike chi keri' nikiben.

Wuj Richin ri Chojmirisabelri'il 16:12

Chirij ri' nuk'uaj-apo jun porobel-pom ri k'o el racheq-q'aq' chupan, ri elesan-el chupan ri porobel richin kamelabel. Y chuqa' nuk'uaj-apo ka'i' moq' jubulej pom ri kan jebel chik jok'on ruwi'. Xtuk'uaj k'a ronojel re', y nok-apo k'a chirij ri tzieq ri tasbel rupan ri wachoch.

Wuj Richin ri Chojmirisabelri'il 22:9

Kan tiyaka' k'a pan iwánima ri pixa' ri nuya'on chiwe, richin keri' man yixqaqa ta pa mak, y richin man yixken ta roma niben chi man jun rejqalen ri pixa' ri'; yin Jehová ri in ch'arayon iwichin.

Wuj Richin ri Chojmirisabelri'il 9:24

Y toq xoq'alajin-qa ri ruk'ojlemal ri Jehová kan xorepero' jun q'aq' y xuk'is ri kamelabel ri k'a nik'at na; kan xuk'is k'a ri kiq'anal ri chikopi' ri k'o pa ruwi' ri porobel. Y jari' toq konojel ri winaqi' xkitz'et ri xbanatej, xkireq kichi' roma kikoten y xkiqasaj-ki' k'a pan ulew.

Wuj Richin ri Q'axanri'il 16:46

K'ari' ri Moisés xubij chire ri Aarón: Tabek'ama-pe ri aporobal y taya-pe racheq-q'aq' chupan ri k'o pa ruwi' ri porobel, y chuqa' taya-pe pom pa ruwi'. K'ari' anineq katok chikikojol ri qawinaq richin chi ri Dios nuk'en chik kiwech, roma rija' yakatajineq royowal y ri kamik okineq chikikojol ri winaqi' y janila e k'iy yan keken, xcha-el chire ri Aarón.

Wuj Richin ri Q'axanri'il 26:61

Jak'a ri Nadab y ri Abihú jari' ri xeken toq xkisuj jun q'aq' ri man bin ta chike roma ri Jehová.

Wuj Richin ri Q'axanri'il 4:18

Richin chi man yeken ta rije' toq yejel-apo chikinaqaj ri samajibel, kan kere' k'a tikibana': Ri Aarón y ri e ruk'ajol xke'apon nabey chupan ri wachoch y k'ari' xke'ok-apo ri e rijatzul kan ri Quehat. Y ri Aarón y ri e ruk'ajol xtikibij ri kisamaj chikijujunal rije' y xtikibij chike ri achike chi ejqa'n ri k'o chi yekik'uaj-el. Jak'a man ke'ok-apo chutz'etik ronojel ri samajibel toq najin rupisik richin chi man yeken. Keri', man k'a tiya' q'ij richin chi yek'is-el chikikojol ri levita konojel ri aj pa rachoch kan ri Quehat, xcha' ri Jehová.

Deut 12:32

Kan tibana' k'a ronojel ri xinbij chiwe y man tiya' ruwi', ni man jun tiwelesaj kan chire.

Deut 17:3

o wi nuya' kiq'ij ri ch'aqa' chik dios y kan nixuke' chikiwech, y nuya' ruq'ij ri q'ij, ri ik', ri ch'umila' ri ek'o chikaj, ri kan rubin kan ri Jehová Dios chi man tiban keri';

Deut 4:2

Man tiya' ni man tiwelesaj ruwi' ri pixa' ri ninbij chiwe, kan titaqej k'a ri nubij ri Jehová ri qa-Dios re ninya' chiwe wakami.

Hebreos 9:4

Chiri' k'o-wi ri porobel-pom ri banon rik'in q'anapueq, ri káxa richin ri rujikibel-tzij ri Dios ri ya'on q'anapueq chirij y chupan. Chupan ri' k'o jun xára banon rik'in q'anapueq ri k'o juba' aj-chikajil-wey chupan, ri ruch'ame'y ri Aarón ri xjotayin chik pe. Y chuqa' ri tz'alem taq abej ri tz'ibatel-wi kan ri jikibel-tzij.