Wuj Richin ri K'uxla'anik 5:6 - Kaqchiquel Bible

⁶ Xojk'oje' k'a chuxe' kitzij ri aj-Egipto y ri aj-Asiria, richin chi xkiya' ta juba' qaway.

Wuj Richin ri K'uxla'anik 5:6 ပူးပေါင်းရင်းမြစ်များ

Wuj Richin ri Rutikeribel 24:2

Y jari' toq xch'on rik'in jun rusamajel ri k'o pa rachoch ri k'o más ruq'ij y ri k'o pa ruwi' ri rubeyomel y xubij chire: Taya-pe la aq'a' chuxe' re wa',

2 Rey 10:15

Y toq ri Jehú xel-el chiri', xuk'ul-ri' rik'in ri Jonadab ruk'ajol ri Recab. Y toq xuq'ejela' yan, ri Jehú xubij chire: ¿Kan choj ri awánima wik'in, achi'el ri wánima yin awik'in?, xcha'. Y ri Jonadab xubij chi kan keri'. K'ari' ri Jehú xubij chi tuya' ri ruq'a' chire. Y ri Jonadab kan xuya' k'a ri ruq'a' chire ri Jehú richin xbe rik'in pa ru-carruaje.

Wuj Richin ri Isaías 57:9

Rix kan xiya-el aceite y jebelej aq'om chiwij, y k'ari' xixbe rik'in ri dios Mélec richin xiya' ruq'ij. Xe'iteq-el nej ri itaqonela' richin nikikanoj pixabanik; y jujun chike rije' xe'apon k'a akuchi e muqun-wi ri kaminaqi'.

Wuj Richin ri Jeremías 2:18

Rix ikuquban ik'u'x kik'in ri aj-Egipto y ri aj-Asiria y kik'in ri ki-dios, y niwajo' niqum ri ya' chupan ri raqen-ya' Nilo y ri Éufrates.

Wuj Richin ri Jeremías 2:36

¿Achike k'a roma kan chaq jantape' niwajo' yixbe-kela' yixbe-kela', richin nikanoj to'onik? Ri ruwach'ulew Egipto chuqa' xkixruk'ixbisaj achi'el xixruk'ixbisaj ri ruwach'ulew Asiria.

Wuj Richin ri Jeremías 50:15

Tiraqa' k'a ichi' chikij xabakuchi, roma ri aj-Babilonia nikijech yan ki' pan iq'a'. Xketzaq k'a ri kachoch ri chajinela' ri k'o pa ruwi' ri tz'aq, y xkewulatej k'a ri tz'aq. Tiya' k'a ri ruk'exel chike rije'. Tibana' k'a kik'in rije' achi'el xkiben kik'in ri ch'aqa' chik.

Wuj Richin ri K'uxla'anik 4:17

Kan xqakanoj k'a to'onik, jak'a man xqil ta. Roma ri' ri runaq' taq qawech xa kan xk'is yan k'a ruchuq'a'. Ri e chajinela' yetzu'un k'a nej koyoben to'onik jak'a man jun chike ri ruwach'ulew ri xpe ta richin xojkikol

Ez 17:18

Rija' xujikiba' rutzij, jak'a xa man xuya' ta rejqalen y man xutaqej ta y roma ri' man xtitikir ta k'a xtanimej-el.

Os 12:1

Ri winaqi' aj-Israel achi'el xa ta ja ri kaq'iq' ri nikitej, kan jak'a ri kaq'iq' ri nipe pa relebel-q'ij ri rutzeqeliben. Xa kan xkinimirisaj k'a q'anej chikij ri tz'ukuj-tzij y ri wululen. Xa xkiben jikibel-tzij rik'in ri Asiria, y ronojel ri aceite ri k'o kik'in xa nikik'uaj pan Egipto.

Os 5:13

Ri Israel kan xtuna' k'a rukiy ri ruk'ayewal, keri' chuqa' ri Judá kan xtuna' k'a rukiy ri ruyabilal. Xtibekik'utuj k'a to'onik pan Asiria, xtibekik'utuj k'a utzil chire ri nimalej rey. Jak'a rija' xa man xtitikir ta xkeraq'omaj y man xkeruto' ta.

Os 7:11

Ri tinamit Israel achi'el xa ta jun paloma nakanik, ri maneq runa'oj. Roma xa chire ri Egipto y ri Asiria xkik'utuj-wi to'onik.

Os 9:3

Rix kan man k'a xkixk'oje' ta kan chupan ri ruwach'ulew ri richin ri Jehová. Rix aj-Israel xa kan xkixtzolej chik k'a chupan ri ruwach'ulew Egipto, xkixbek'oje' k'a pan Asiria, chiri' kan xtitej k'a ronojel ri man ch'ajch'oj ta.