Wuj Richin ri K'uxla'anik 5:21 - Kaqchiquel Bible

²¹ Tajoyowaj chik k'a qawech Jehová, richin kan xtitzolej chik k'a qak'u'x awik'in. Tabana' chi xqojkikot achi'el ri ojer kan.

Wuj Richin ri K'uxla'anik 5:21 ပူးပေါင်းရင်းမြစ်များ

1 Rey 18:37

Kinawak'axaj, Jehová, kinawak'axaj; richin keri' tiketamaj re winaqi' re' chi kan ja rat ri at Jehová Dios, y tabana' chike chi xtitzolej-pe ri kánima awik'in rat, xcha'.

Wuj Richin Bix Chire ri Dios 80:19

Nimalej Dios tabana' utzil, tabana' chik qik'in achi'el ri abanon-pe. Taya' ri awutzil pa qawi', y qojakolo'.

Wuj Richin Bix Chire ri Dios 80:3

Nimalej Dios tabana' utzil, tabana' chik qik'in achi'el ri abanon-pe. Taya' ri awutzil pa qawi', y qojakolo'.

Wuj Richin Bix Chire ri Dios 80:7

Nimalej Dios k'iytisanel richin ronojel, tabana' utzil tabana' chik qik'in achi'el ri abanon-pe. Taya' ri awutzil pa qawi' richin yojakol.

Wuj Richin Bix Chire ri Dios 85:4

Qa-Dios y qakolonel roj, tabana' utzil qojakolo' chik wakami, y taq'ata' ri awoyowal ri aya'on pa qawi'.

Wuj Richin ri Isaías 60:20

Roma yin Jehová xkisaqirisan iwichin richin jantape', roma ri' ri q'ij richin bis kan xtik'is. Y keri' rix man xkixbe ta qa pa xulan, achi'el ri q'ij man jun bey chik xtitzaq pan iwi', y chuqa' ri ik' man jun bey chik xtik'is ri ruchuq'a'.

Wuj Richin ri Jeremías 30:20

Rix winaqi' aj-Israel kan xtiben achi'el pa nabey. Ri itinamit kan xkejike' k'a chinuwech yin y yin kan xtinya' ri rutojbalil pa kiwi' ri yetz'ilo iwichin.

Wuj Richin ri Jeremías 31:18

Yin kan wak'axan k'a ri koq'ej ri winaqi' israelita toq xkibij: Roj ri pa nabey kan man oj choj ta, achi'el k'a jun nima-alaj achij wákix ri man choj ta nisamej. Jak'a rat kan xaben chiqe richin choj xojsamej. Tabana' k'a chiqe richin yojtzolin pa qaruwach'ulew, roma ja rat Jehová ri at qa-Dios.

Wuj Richin ri Jeremías 31:4

Kan xtinpaba' chik q'anej jun bey ri iruwach'ulew rix aj-Israel. Kan xtiq'ojomaj chik jun bey ri i-pandereta y xkixropilan rik'in kikoten.

Wuj Richin ri Jeremías 33:10

Yin Jehová kere' ninbij: Rix nibij chi chupan re tinamit re' kan man jun chik wineq k'o, ni chikop. Pa taq tinamit richin Judá y pa taq bey richin Jerusalem xa kan tolan chik.

Wuj Richin ri Jeremías 33:13

Xkeq'ax chik jun bey ri taq karne'l pa ruq'a' ri yuq'unel richin yerajlaj chiri' pa taq tinamit ri ek'o chiri' chuwi' taq juyu', pa taq kixikin ri taq juyu', pa xokon chire ri Judá, pa ruwach'ulew ri Benjamín, chunaqaj ri Jerusalem y pa taq tinamit richin Judá, xcha' ri Jehová.

Ez 36:37

Yin Jehová ri ink'o pa ruwi' ronojel ninbij chi xtinben ri achike ri xtikik'utuj ri nuwinaq israelita. Kan xtinben chike chi xkewinaqir achi'el ri kajlabal ri karne'l

Wuj Richin ri Habacuc 3:2

Nimalej Jehová, yin kan xinwak'axaj k'a ronojel ri nima'q taq abanobal, y kan xink'en akiy. Nimalej Jehová, tak'utu' chik k'a ri nimalej awuchuq'a' chiqakojol roj. Kan tak'utu' chik k'a chiqawech roj re ojk'o re q'ij re' ri nima'q taq banobel ri xe'aben ri ojer kan. Tabana' utzil chi chupan ri awoyowal xtajoyowaj ta qawech.

Wuj Richin ri Malaquías 3:4

K'ari' xtik'awomex chik chiwech ri isipanik ri xtisuj rix aj-Judá y rix aj-Jerusalem, achi'el rubanon ojer kan.