Wuj Richin ri K'uxla'anik 4:7 - Kaqchiquel Bible

⁷ Ri e tata'al ri xek'oje' pa Jerusalem kan janila k'a e ch'ajch'oj. Kan más k'a kiloxil chuwech ri leche. Jebel k'a xtzu'un ri kibanikil. Rije' kan xeyok'olin achi'el yeyok'olin ri jebelej taq abej.

Wuj Richin ri K'uxla'anik 4:7 ပူးပေါင်းရင်းမြစ်များ

Wuj Richin Bix Chire ri Dios 51:7

Tabana' utzil tawelesaj ri numak, richin keri' xkinok ch'ajch'oj chawech. Kinajosq'ij, richin chi ri nuk'aslen xtok más seq chuwech ri chuma-tew.

Wuj Richin ri Nimalej Bix 5:10

Ri wajowanel yin kan janila jebel ok, kan jebel rubanik y kan tz'aqet. Kan man jun chik achi'el rija' chikikojol e 10,000 achi'a'.

Wuj Richin Bix Chire ri Dios 144:12

Tabana' chi ri qak'ajol kan chi'anin xkek'iy, achi'el jun ti che' ri rex-rex nitzu'un; ri qami'al kan xkek'iy ta choj-choj achi'el ri pilar ri e chapayon richin ri rachoch ri rey.

1 Sam 16:12

K'ari' ri Isaí xuteq k'a royoxik, y toq xapon xukusaj-apo. Y ri David kan kaqkoj ri ruwi' y ri runaq'-ruwech kan janila jebel ok y kan jebel ok ri nitzu'un. Y ri Jehová xubij chire ri Samuel: Kayakatej y taqasaj ri aceite pa ruwi', roma ja rija' ri nucha'on richin nok kan rey, xcha'.

Dn 1:15

Y toq xtz'aqet ri lajuj q'ij, ri kaji' alaboni' ri' kan más jebel yetzu'un y kan q'alaj chi k'o kuchuq'a' chikiwech ri alaboni' ri xkitej ri q'utun ri rubin ri rey.

Wuj Kichin ri To'onela' 16:17

Y rija' kan xuq'alajirisaj k'a ronojel chuwech ri Dalila y xubij: Yin man jun bey sokan ta ri rusumal-nuwi'; roma yin kan in jachon chire ri Dios toq k'a man jani kinalex. Wi ta nisokex ri rusumal-nuwi', ri uchuq'a' xa xtel-el wik'in y xtik'is ri janila wuchuq'a' y xkinok achi'el xabachike achin, xcha'.

Wuj Kichin ri To'onela' 13:7

Y kere' k'a xubij ri achin chuwe: Wakami xtipe alanik chawij y xtibe'alex jun ti awal; roma ri' re wakami man xtaqum ta vino, ni man jun ri ch'amirisan, ni man tatej xabachike ri man e ch'ajch'oj ta, roma re ak'ual re' kan k'a pa rusanti'il nuch'aron chuwe yin chijun ruk'aslen k'a toq xtiken na. Keri' xubij chuwe, xcha' chire ri rachijil.

Wuj Kichin ri To'onela' 13:5

Wakami k'a, xtipe alanik chawij y xtik'oje' jun ti awal. Ri ak'ual ri' man xtabesokaj ta rusumal-ruwi', roma kan pa rusanti'il ch'aron-pe chire ri Dios, richin kan ja rija' xtikolon kichin ri awinaq israelita, pa kiq'a' ri aj-Filistea, xcha'.

San Lucas 1:15

Roma re alk'ual re' kan xtok nimalej samajel chuwech ri Dios. Roma ri' k'o chi man xtuqum ta vino, ni ch'aqa' chik kiwech ya' ri yeq'abarisan, roma kan k'a man jani nalex kan nojineq chik rik'in ri Loq'olej Espíritu.

Ex 24:10

Y rije' xkitz'et k'a ri Dios richin ri Israel ri chiri' y ri akuchi pa'el-wi rija' jun k'a nimalej ripirik abej rubini'an zafiro, niyok'olin y ch'ajch'oj-ch'ajch'oj nitzu'un ri ruwi', kan achi'el ri kaj toq ch'ajch'oj-ch'ajch'oj ri ruwech.

Wuj Richin ri Achin Job 28:16

Ri na'oj janila rejqalen y stape' nawajo' natoj rik'in q'anapueq ri nipe pan Ofir, man nuq'i' ta ri rajel, chuqa' stape' nawajo' naya' cornalina o zafiro chuwech, kan man nuq'i' ta chuqa' ri rejqalen.

Wuj Richin ri Achin Job 28:18

Kan más wi rejqalen ri na'oj ke chuwech ri wiqobel ri yeban rik'in jalajoj ruwech abej achi'el ri coral, ri abej chay yetzu'un y ri perla.

Wuj Richin ri Nimalej Bix 5:15

Ri raqen kan k'o janila kuchuq'a' achi'el ri pilar ri e banon rik'in mármol, ri ek'o pa ruwi' ri ch'okolibel ri e banon rik'in q'anapueq. Ri rupalen kan achi'el rujotolen ri juyu' Líbano, kan nim rupalen achi'el rujotolen jun tiox-che'.