Wuj Richin ri K'uxla'anik 4:22 - Kaqchiquel Bible

²² Jak'a roj ri oj aj-Sión xtik'is ri ruk'ayewal pa qawi'. Ri Jehová kan xqojruk'en-pe jun bey chik chupan ri qaruwach'ulew. Jak'a pa kiwi' ri winaqi' edomita kan xtuya' k'a ri rutojbalil. Ri mak ri xekiben xa kan xtuq'alajirisaj k'a ronojel.

Wuj Richin ri K'uxla'anik 4:22 ပူးပေါင်းရင်းမြစ်များ

Wuj Richin Bix Chire ri Dios 137:7

Nimalej Jehová, ke'oqaqa chi'ak'u'x ri winaqi' aj-Edom, ri janila xekikot toq xch'akatej ri Jerusalem, toq xkibij: ¡Tiwulaj kan jumul, tiwulaj kan jumul ri ruxe' ri chapayon richin!, xecha'.

Wuj Richin ri Isaías 40:2

Kach'on kik'in ri aj-Jerusalem, y katzijon kik'in rik'in ajowabel. Taya' rutzijol chike chi ri ximonri'il ri ek'o-wi, kan xtik'is, y ri kimak xa xinkuy yan. Kan k'iy yan bey xkik'ul ri rutojbalil ri kimak.

Wuj Richin ri Isaías 52:1

Kixk'astej, kixk'astej rix aj-Sión, kan tik'oje' iwuchuq'a'. Rix aj-Jerusalem kan tikusaj ri itziaq ri más jebel ok, roma kan man jun bey chik xtok jun wineq iwik'in ri man iwinaq ta o man ch'ajch'oj ta.

Wuj Richin ri Isaías 60:18

Chupan ri iruwach'ulew man xtibebanatej ta chik kamik; ni man jun bey chik xtipe wululen. Xa kan xtibij chike ri tz'aq richin ri itinamit, chi rije' e achi'el ri kolonel, y ri chiri' pa taq okibel niya' nuq'ij yin.

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

Wuj Richin ri Jeremías 33:7

Kan xkenk'en-pe ri aj-Judá y ri aj-Israel ri e nutalun-el y kan xtinya' uchuq'a' kik'in achi'el ri pa rutikeribel.

Wuj Richin ri Jeremías 33:8

Kan xkench'ajch'ojirisaj rik'in ronojel kimak ri xkiben chinuwech; kan xtinkuy k'a ri kimak ri xkiben roma ri kiyakatajinenri'il chuwij.

Wuj Richin ri Jeremías 49:10

Jak'a rix kan man jun xtik'oje' kan chiwe. Y yin kan xinwil ronojel ri akuchi iwewan-wi-iwi' y man yixtikir ta chik niwewaj-iwi' chiri'. Ri iwalk'ual, ri iwachpochel y ri iwachk'uljay xkek'is y man jun chik ri xtik'oje' kan ri nubij ta:

Wuj Richin ri Jeremías 50:20

Yin Jehová ri yibin. Y chupan ri q'ij ri', wi jun wineq nukanoj richin nubij ri imak, man xtril ta, roma yin xkenkuy ri juba' ri xekanej kan.

Wuj Richin ri K'uxla'anik 4:21

Wakami kixkikot rix winaqi' aj-Edom. Kixnimaq'ijun k'a rix ri ixk'o pa ruwach'ulew Us, roma xa kan xtapon na k'a ri iq'ij. Xtiqaqa k'a ri ruk'ayewal pan iwi' rix, y xkixbiyin k'a achi'el nuben jun q'abarel. Y ri e etzelanel iwichin xtikelesaj k'a ri itziaq richin niya' ik'ix.

Wuj Richin ri K'uxla'anik 4:6

Ri nuwinaq kan xeya'ox pa tijoj-poqonal. Kan xik'o k'a ruwi' chuwech ri ruk'ayewal ri xya'ox pa kiwi' ri aj-Sodoma, roma ri aj-Sodoma kan pa jun ramaj xeruk'is ri Dios.

Ez 37:28

Toq ri wachoch xtik'oje' chikikojol richin q'asen, jari' toq ri ch'aqa' chik tzobaj winaqi' richin re ruwach'ulew kan xtiketamaj k'a chi ja yin ri xicha'on ri tinamit Israel richin xke'ok jun ruwach'ulew ch'ajch'oj, xcha'.

Ez 6:12

Jujun chike rije' xkeken roma yabil, ch'aqa' chik xkeken pa labal y ri winaqi' ri xketotej kan, xkeken roma wayjal; richin keri' xtik'is ri woyowal chikij rije'.

Wuj Richin ri Abdías 1:10

Ronojel re' xtibanatej roma xe'iwetzelaj y xe'ikamisaj ri iwach'alal e rijatzul kan ri Jacob. Roma ri' xkixk'ixbitej y xkixk'is jumul.

Wuj Richin ri Malaquías 1:3

Man xincha' ta ri Esaú, roma ri' xinben chire ri rulew chi man xwachin ta chik; y ri rujuyu' xok tz'iran ruwach'ulew richin xok kan kichin ri k'uxunela' taq chikopi'.

Wuj Richin ri Malaquías 1:4

Ri e rijatzul kan ri Esaú nikich'ob-qa chi stape' man jun xk'oje' kan kik'in, rije' kan yetikir chik nikipaba-q'anej ri kitinamit Edom. Jak'a yin Jehová ri in k'iytisanel richin ronojel, ninbij chi stape' xtikipaba' chik q'anej jun bey ri kitinamit, yin kan xtinwulaj chik jun bey. Y ri ruwach'ulew ri' xtubini'aj Ri Itzel Ulew, y yin kan man jun bey xtik'is woyowal pa kiwi' ri winaqi' ri'.