Wuj Richin ri K'uxla'anik 4:20 - Kaqchiquel Bible

²⁰ Ri ojer, xqakuquba' qak'u'x rik'in ri rey Sedequías, jak'a rija' xa xuya-ri' pa pikbel. Xqach'ob chi rik'in rija' niqato-wi-qi' chikiwech ri ch'aqa' chik winaqi'.

Wuj Richin ri K'uxla'anik 4:20 ပူးပေါင်းရင်းမြစ်များ

Wuj Richin ri Rutikeribel 2:7

Ri Dios xuben ri achin rik'in ri ulew y k'ari' xuxupuj pa rutza'n richin xuya' ruk'aslen y Adán ri rubi' ri xuya'. Y keri' k'a xbanatej toq xya'ox ruk'aslen ri achin.

Wuj Richin ri Rutikeribel 44:30

Jak'a re wakami achike xtiqaben re xqojtzolin-el rik'in ri qatata', wi man qak'uan ta ri qachaq', roma ri qatata' kan rik'in ri qachaq' k'o-wi ri ránima roma janila nrajo'.

2 Sam 1:14

Y ri David xubij k'a chire: ¿Man xak'en ta k'a rukiy toq xakamisaj ri rey ri rucha'on ri Jehová?, xcha'.

2 Sam 1:21

Ri Dios xtuben ta k'a chi man ta chik xtiqaqa raxq'ab pa ruwi' ri juyu' Guilboa. Xtuben ta chi man ta chik xtiqaqa ri job pa ruwi'. Ri tiko'n man ta chik xtiwachin richin maneq ta chik xtikikusaj richin ri kisipanik. Roma chiri' xepune-wi kan ri kitobal ri maneq xibinri'il chikiwech; ri rutobal ri Saúl xa man xtz'intz'ot ta chik chiri'.

2 Sam 18:3

Jak'a ri aj-labal xkibij chire chi más utz nik'oje' kan chiri' pa Mahanaim, roma wi rije' k'o chi ye'animej, ri e etzelanel kichin man xkekitzeqelibej ta. Chuqa' chike ri e etzelanel kichin xa man jun, stape' ta wi yeken nik'aj chike rije', roma ri David xa kan rejqalen jun e 10,000 aj-labal. Roma ri' xkibij chik chi más utz tik'oje' kan pa tinamit, y kan k'a chiri' yeruto-wi-el.

2 Sam 19:21

Jak'a ri Abisai ral ri Seruiá xubij-apo chi ri achin ri' kan ruk'amon richin niken roma kan xroyoj itzel pa ruwi' ri rey ri cha'on roma ri Jehová.

2 Crón 35:25

Y ri Jeremías kan xuben k'a jun bix richin bis. Y k'a re q'ij re' konojel ri bixanela' chi alaboni' chi xtani' noqaqa chikik'u'x ri rey Josías toq nikibixaj ri bix richin bis; y re' kan xok k'a kan jun ruchojmilal chiri' pan Israel, y re bix re' xtz'ibatej kan chupan ri wuj richin bis.

Wuj Richin ri Isaías 32:2

Chikijujunal rije' xke'ok achi'el tobel chuwech jun kaq'iq', y xke'ok achi'el jun jay, ri kan xtikito-ki' chupan chuwech jun q'eqel-job. Rije' kan xtikiben chike ri winaqi' richin xkech'uch'u', achi'el nuben jun ti raqen-ya' ri nibiyin chupan ri tz'iran ruwach'ulew, y achi'el rumujal jun nimalej abej chupan ri tz'iran ruwach'ulew.

Wuj Richin ri Jeremías 39:5

Jak'a ri aj-labal richin Babilonia xekitzeqelibej y xebekiq'i' ri Sedequías pa taq'aj richin Jericó. Xkichop y xkik'uaj-q'anej pa tinamit Riblá ri k'o pa ruwach'ulew Hamat, akuchi k'o-wi ri Nabucodonosor. Y chiri' xuq'et-tzij pa ruwi' ri Sedequías.

Wuj Richin ri Jeremías 52:8

Jak'a ri aj-labal aj-Babilonia xkitzeqelibej-el ri Sedequías y xbekiq'i' pa taq'aj kojol juyu' chire ri Jericó. Konojel k'a ri aj-labal aj-Judá xkimalij kan ri Sedequías y xkitaluj-el-ki'.

Wuj Richin ri Jeremías 52:9

Jak'a ri aj-Babilonia xkichop kan ri rey Sedequías y xkik'uaj-el chuwech ri rey richin Babilonia chiri' pa tinamit Riblá ri k'o pa ruwach'ulew Hamat. Y chiri', ri Nabucodonosor xubij achike niban rik'in rija'.

Wuj Richin ri K'uxla'anik 2:9

Ri che' richin ri okibel xetzaq y xemuqutej yan; y ri ch'ich' ri e q'ebalon chirij xa xetalutej. Ri rey y ri e tata'al ek'o nej chupan ri ximonri'il, chikikojol ri winaqi' ri maneq Dios chikiwech. Ri pixa' ri xya'ox chiqe xa maneq chik, y ri e q'alajirisey ruch'abel ri Dios kan man jun chik ri xk'ut chikiwech.

Ez 12:13

Jak'a yin Jehová kan xtinben k'a chire ri rey achi'el xa ta xtinrik' jun ya'l chirij y xtiqaqa pa pikbel. Y stape' rija' xtik'amer-pe pa Babilonia, man xtutz'et ta kan ri ruwach'ulew y wawe' k'a xtiken-wi.

Ez 17:18

Rija' xujikiba' rutzij, jak'a xa man xuya' ta rejqalen y man xutaqej ta y roma ri' man xtitikir ta k'a xtanimej-el.

Ez 31:17

Chuqa' ri winaqi' ri xkikuquba-kik'u'x iwik'in kan xkeken richin xtikik'ul-ki' kik'in ri xeken pan oyowal.

Dn 4:12

Kan e jebel ok ri ruxaq y kan janila k'iy ruwech. Y ri chikopi' richin pa juyu' kan ye'uxlan pa rumujal y ri pa taq ruq'a' e kibanalon kisok ri aj-xik' taq chikopi'. Ri ruwech ri che' ri' jari' ri nitzuqun kichin konojel ri ek'o chuwech re ruwach'ulew.

Os 13:10

¿Akuchi k'a k'o-wi ri a-rey richin ta chi yaruchajij rat y ri atinamit? ¿Akuchi k'a ek'o-wi ri to'onela' ri xe'ak'utuj chuwe, toq xabij: Taya' jun qa-rey y ke'aya' aj-raqen richin yek'oje' pa qawi'?, xacha'.

Wuj Kichin ri To'onela' 9:15

Y ri k'ix ri' xubij chike ri che' chi wi qitzij chi ja rija' xkicha' richin nok rey pa kiwi', kan kepe k'a konojel richin nikito-ki' chuxe' ri rumujal. Y wi man keri' ta, kan tel k'a q'aq' chire ri k'ix ri', y tuk'isa' k'a ronojel ri tiox-che' richin ri Líbano, xcha' ri Jotam.

1 Sam 12:3

Wakami k'a jare' ink'o chiwech. Tiq'alajirisaj ronojel chuwij chuwech ri Jehová y chuwech ri rey. Wi jun chiwe rix ri weleq'an ri rubóyix o ri rubur, tubij. O wi k'o jun nutz'ukun-tzij chirij o nuyoq'on ta, o wi k'o jun ri in rupuaqin, tibij-pe; y xtintzolij chire, xcha' ri Samuel chike.

1 Sam 12:5

K'ari' ri Samuel xubij: Ri Jehová jari' ri xtz'eton ronojel ri xibij rix. Wakami k'a chuqa' ri rey xutz'et ronojel chuwij yin chi rix man jun itzel xiwil ta chuwij chupan re q'ij re', xcha'. Y konojel ri winaqi' xkibij chi kan keri' wi.

1 Sam 16:6

Ri Eliab jun chike ri ruk'ajol, y toq ri Samuel xutz'et, xubij-qa: Jik jare', ri rucha'on ri Jehová richin nok kan rey, xcha-qa.

1 Sam 24:10

Re q'ij re', rat kan xatz'et chi ri Jehová kan xarujech pa nuq'a' chiri' pa jul; y ri wachibil xkibij chuwe richin xatinkamisaj ta. Jak'a yin xinkuy amak, y man xinben ta, roma xinch'ob chi rat kan at cha'on roma ri Jehová, y roma ri' man xinjeluj ta nuq'a' chawij.

1 Sam 24:6

K'ari' xubij chike ri aj-labal: Kan ja ta k'a ri Jehová xkito'on richin man jun ta itzel xtinben chire ri rey, roma rija' kan cha'on roma ri Jehová, xcha' ri David.

1 Sam 26:16

Re xaben, kan man utz ta. Pa rubi' ri Jehová, ninbij chi rat y ri achi'a' ri e awachibilan-pe kan ruk'amon ta richin yixkamisex, roma kan man ichajin ta ri rey ri iwajaw, ri kan cha'on roma ri Jehová. Wakami, tatz'eta' akuchi k'o-wi ri rukum ri rey y ri k'ojelibel ruya' ri k'o kan chunaqaj ri ruch'akat-ruwi', xcha'.

1 Sam 26:9

Jak'a ri David xubij chire: Man takamisaj roma ri achike xtikamisan richin ri rey ri kan cha'on roma ri Jehová, kan xtiqaqa rutojbalil pa ruwi'.