Wuj Richin ri K'uxla'anik 4:16 - Kaqchiquel Bible

¹⁶ Ja ri Jehová xetalun-el ri e sacerdote. Kan man xkeruchajij ta k'a chik ri e q'alajirisey ruch'abel. Ri winaqi' kan man chik nikiya' ta kejqalen ri sacerdote, y man xkijoyowaj ta k'a kiwech ri e aj-raqen.

Wuj Richin ri K'uxla'anik 4:16 ပူးပေါင်းရင်းမြစ်များ

Wuj Richin ri K'uxla'anik 5:12

Ri e aj-raqen kan xetzeqebex k'a chikiq'a'. Ri e tata'al, kan man jun kejqalen xban chike.

Hebreos 8:9

Y ri k'ak'a' jikibel-tzij ri' man achi'el ta k'a ri jikibel-tzij ri xinben kik'in ri kati't-kimama', toq xenwelesaj-pe chupan ri ruwach'ulew Egipto, roma rije' xa man xkitaqej ta ri jikibel-tzij ri', roma ri' yin xenmalij.

Wuj Richin ri Jeremías 24:9

Kan koma k'a rije', ri winaqi' richin ri ch'aqa' chik ruwach'ulew kan xtisach kik'u'x. Chuqa' e ya'ol k'ix, kan xkeyojobex y kan xtiqaqa itzel pa kiwi' ri akuchi xkenteq-wi-el.

Deut 32:26

Yin xitikir ta xixintaluj-el richin xixtalutej ta chi nej chi naqaj chuwech re ruwach'ulew richin chi man jun chik tinatan iwichin.

Deut 28:25

Ri Jehová kan xtuben chi xkixrujech pa kiq'a' ri e etzelanel iwichin, y rix xkixanimej-el chikiwech. Xa kan itzel k'a xkixtz'et koma konojel ri winaqi' richin ri ruwach'ulew.

Wuj Richin ri Jeremías 15:4

Xtinben chi konojel tzobaj winaqi' richin ri ruwach'ulew xtikik'en rukiy rik'in ri xtinbenbana' kik'in, roma ri rumak ri xuben ri rey Manasés, ri ruk'ajol ri Ezequías chiri' pa Jerusalem.

Wuj Richin Bix Chire ri Dios 106:44

Man rik'in ri' rija' kan xrak'axaj k'a toq xesik'in-q'anej rik'in, y rija' kan xeruto' toq ek'o pa tijoj-poqonal.

2 Crón 36:17

K'ari' ri Jehová xuben chire ri rey richin ri Babilonia, richin xerukamisaj chi espada ri alaboni', stape' ek'o chupan ri rachoch ri Dios. Kan man xupoqonaj ta ri kik'aslen ri alaboni', ni ri xtani', ni ri rijita'q taq winaqi'. Konojel re' ri Jehová kan xerujech pa ruq'a' ri rey richin Babilonia.

Wuj Richin ri Rutikeribel 49:7

Kan tiqaqa-wi k'a itzel pa kiwi' roma ri koyowal, roma ri koyowal kan nik'uxun, ri etzelal ri k'o pa kánima, kan maneq juba' joyowanik chupan; roma ri' kan xkenwelesaj k'a el chikikojol ri walk'ual yin, Jacob, kan xkentaluj k'a el chikiwech ri walk'ual yin, Israel, xcha'.

Wuj Richin ri Jeremías 52:24

Ri Nebuzaradán xeruchop kan chuqa' ri Seraías ri nimalej sacerdote, ri Sofonías ri ruka'n sacerdote y ri e oxi' achi'a' ri yechajin ruchi' ri rachoch ri Dios.

Wuj Richin ri K'uxla'anik 2:6

Ri rachoch rija' kan xuwulaj k'a el, achi'el niban chire jun ti mo'k ri k'o chupan ri tiko'n. Xuwulaj k'a el ri akuchi niban-wi molojri'il. Ri Jehová xrelesaj k'a el chupan ri tinamit Sión ri nimaq'ij y ri q'ij richin uxlanen. Roma ri royowal kan xerixowaj k'a kan ri rey y ri e sacerdote.

Wuj Richin Bix Chire ri Dios 106:27

Xerutaluj pa ch'aqa' chik tinamit, y chiri' xerukamisaj-wi chikikojol ri winaqi' ri'.

Wuj Richin ri Isaías 24:2

Kan keri' xtibanatej kik'in ri winaqi' ri maneq kiq'ij, chuqa' kik'in ri sacerdote; kik'in ri samajela', chuqa' kik'in ri e ajaw; kik'in ri ixoqi' ri e rajaw ri jay, chuqa' kik'in ri aj-ik'a' ri yesamej kik'in; kik'in ri loq'onela', chuqa' kik'in ri k'ayinela'; kik'in ri yeya'on méro pa qajik, chuqa' kik'in ri yeqajo-el; kik'in ri yeya'on k'as y chuqa' kik'in ri yetojo k'as.

Wuj Richin ri Isaías 47:6

Yin kan xpe woyowal chike ri nuwinaq israelita, y roma ri' kan xinben chike chi man jun rejqalen ri kiruwach'ulew. Kan xenjech pan iq'a' rix. Jak'a rix xa man xijoyowaj ta kiwech rije'. Kan jajun ri e rijita'q taq winaqi' xe'iya' pa kow taq samaj.

Wuj Richin ri K'uxla'anik 2:20

Nimalej Jehová, tabana' utzil tatz'eta' y tach'obo' chi kan man jun chik achoq pa ruwi' aya'on-wi re jun ruk'ayewal re'. ¿Kan xkekitej kami qa ri teja' ri taq kal, ri k'a yetz'uman na? ¿Kan xtaya' ta kami q'ij richin yekamisex ri e sacerdote y ri e q'alajirisey ri ach'abel chupan ri awachoch?

Ez 5:10

Kan xtinben k'a chi jujun chiwe rix xtitej-qa ri iwalk'ual, y jujun chike ri ch'aqa' chik iwalk'ual xkixkitej-qa rix. Yin kan xtinya' k'a rutojbalil-mak pan iwi' y ri k'a xkek'ase' na kan xkentaluj chuwech re ruwach'ulew.