Wuj Richin ri K'uxla'anik 4:14 - Kaqchiquel Bible

¹⁴ Ri e sacerdote xa xemaqmo'x k'a pa taq bey. Y ri e q'alajirisanela' ri xa man qitzij ta ri nikibij, xa xebiyin achi'el nikiben ri moyi'. Xe'ok man e ch'ajch'oj ta roma ri kik'. Y roma ri' man jun chik xajowan xjel-apo kik'in.

Wuj Richin ri K'uxla'anik 4:14 ပူးပေါင်းရင်းမြစ်များ

Wuj Richin ri Jeremías 2:34

Y rix kan e ikamisan winaqi' ri xa man jun kimak kibanon y man xe'iwil ta chubanik jun eleq'. Stape' chirij ri itziaq kan xtz'etetej k'a kik',

Wuj Richin ri Isaías 56:10

Rix ix chajinela' pa kiwi' ri israelita, ri ixk'o pa ruwi' ri tz'aq, rix ix moyirineq. Chi'iwonojel rix xa kan man jun nitz'et. Iwonojel rix ix achi'el tz'i' ri yechajin, jak'a man yixtikir ta yixba'on. Xa kan choj ixk'o keri', kan jebel nina' y xaxe waran niben.

Wuj Richin ri Isaías 1:15

Toq rix nitzeqej ri iq'a' chikaj richin yixch'on wik'in, yin kan ninwelesaj ri nutzubal pan iwi'. Stape' janila chi ch'owen niben, yin kan man xkixinwak'axaj ta, roma ri iq'a' kan tz'ilobitajineq rik'in kik'.

Wuj Richin ri Q'axanri'il 19:16

Y wi ta jun wineq ri beneq pa juyu' y chaq k'ate' niberuchapa-pe jun ch'akulaj richin jun wineq ri kamisan kan, o richin jun wineq ri choj xken o chaq k'ate' niberuchapa-pe rubaqil jun kamineq o jun muqbel, ri wineq ri' xtok man ch'ajch'oj ta richin wuqu' q'ij.

Efesios 4:18

Rije' xa q'equmatajineq ri kich'obonik. Kan q'alaj-wi chi man jun ketaman y kowirineq ri kánima pa mak. Roma ri' man nikik'ul ta ri k'aslen ri nipe rik'in ri Dios.

San Mateo 15:14

Xa ke'iya' kan la winaqi' la', roma rije' xa kan e moyirineq rik'in ri etamabel ri k'o kik'in, y yekiyuqej ch'aqa' chik ri xa e moyi' chuqa'. Y wi ri e moyi' yekiyuqej ri ch'aqa' chik moyi', xa kan junan k'a xketzaq pa taq jul, xcha' ri Jesús.

Os 4:2

Ri Dios nubij: Xa kan ruyon k'a tz'ukuj taq tzij k'o chikikojol, xaxe yekamisan, ye'eleq', nikibanala' ixoqinik y ch'aqa' chik itzel taq banobel. Kan jantape' k'a chi kamik nibanatej chupan ri ruwach'ulew Israel.

Wuj Richin ri Q'axanri'il 35:33

Y man tiben chire ri itinamit ri akuchi yixbek'oje-wi richin nok man ch'ajch'oj ta roma ri kamik ri xiben, roma ri kik' nuben chi ri ruwach'ulew nok man ch'ajch'oj ta. Y ri ruwach'ulew xtok ch'ajch'oj k'a toq xtiken na ri kamisanel.

Wuj Richin ri Jeremías 26:8

Y toq xitane' yan qa chire ronojel rutzijoxik ri xubij ri Jehová chuwe, jari' toq rije' xinkichop y xkibij chuwe: Wakami rat Jeremías yatibeqakamisaj.

Ez 23:45

Roma ri' ri achi'a' ri choj kik'aslen, ja rije' ri xkeq'aton-tzij pan iwi' achi'el ri ruchojmilal ri ya'on pa kiwi' ri ixoqi' ri itzel kik'aslen y pa kiwi' kamisanela', roma qitzij na wi chi rix ix ixoqi' ri itzel ik'aslen y ix kamisanela'.

Wuj Richin ri Sofonías 1:17

Ri Jehová xkeruya' janila pa k'ayew ri winaqi', y xtuben chike chi xke'ok moy roma ri kiq'axo'n, roma kan xemakun chuwech rija'. Ri kikik'el rije' kan xtibebiyin achi'el nibiyin ri ya', y ri kixkolob kan xtel-pe jumul.