Wuj Richin ri K'uxla'anik 4:10 - Kaqchiquel Bible

¹⁰ Ri ojer kan, ri ixoqi' janila joyowanik k'o kik'in, jak'a re wakami xa xekichaq'arisaj-qa ri taq kal. Kan ja ri taq kal ri xk'atzin-qa chike richin xok-qa kiway chupan ri q'ij richin ruk'ayewal kichin ri nuwinaq.

Wuj Richin ri K'uxla'anik 4:10 ပူးပေါင်းရင်းမြစ်များ

Wuj Richin ri K'uxla'anik 2:20

Nimalej Jehová, tabana' utzil tatz'eta' y tach'obo' chi kan man jun chik achoq pa ruwi' aya'on-wi re jun ruk'ayewal re'. ¿Kan xkekitej kami qa ri teja' ri taq kal, ri k'a yetz'uman na? ¿Kan xtaya' ta kami q'ij richin yekamisex ri e sacerdote y ri e q'alajirisey ri ach'abel chupan ri awachoch?

Wuj Richin ri Isaías 49:15

¿Kan numestaj kami ri ti ral ri ixoq? ¿O man nrajo' ta kami ri ak'ual ri xalex rik'in rija'? Stape' rik'in juba' ek'o ri yetikir yebanon keri', jak'a yin kan man jun bey xkitikir xtinben keri'.

Wuj Richin ri Jeremías 19:9

Xtinben k'a chi ri e etzelanel iwichin xtikisutij-rij ri itinamit y roma ri wayjal, xtitej-qa ri iwalk'ual y chi'ijujunal xtitej-qa-iwi' chi iwachibil-iwi', xkacha'.

Ez 5:10

Kan xtinben k'a chi jujun chiwe rix xtitej-qa ri iwalk'ual, y jujun chike ri ch'aqa' chik iwalk'ual xkixkitej-qa rix. Yin kan xtinya' k'a rutojbalil-mak pan iwi' y ri k'a xkek'ase' na kan xkentaluj chuwech re ruwach'ulew.

Wuj Richin ri K'uxla'anik 4:3

Ri ixoqi' taq utiwa' kan nikiya' q'ij chi yetz'uman ri taq kal, jak'a ri nuwinaq xa yekimalij kan ri kalk'ual, achi'el nikiben ri avestruz pa tz'iran ruwach'ulew.

Wuj Richin ri K'uxla'anik 3:48

Kan nibiyin k'a ruya'al runaq'-nuwech, toq nintz'et chi ri nuwinaq xa kan xek'is.

Wuj Richin ri Chojmirisabelri'il 26:29

K'ari' k'a xke'itej-qa ri imi'al-ik'ajol roma wayjal.

2 Rey 25:3

Chupan ri q'ij beleje' richin ri rukaj ik' chire ri juna' ri', xkichop k'a nikiq'axaj jun nimalej wayjal chupan ri tinamit, y kan maneq chik wey richin nikitej ri winaqi'.

Wuj Richin ri K'uxla'anik 2:11

Ri woq'ej kan nuk'is k'a ruchuq'a' ri runaq'-nuwech. Ri nupan kan achike na k'a nuben roma ri q'axo'n. Kan niq'axon ri wánima roma nintz'et ri tijoj-poqonal ri nikik'owisaj ri nuwinaq; roma ri ak'uala' y ri neneya' e punupuxineq pa taq bey richin ri tinamit.

Wuj Richin ri Isaías 22:2

Rix aj-Jerusalem, ri Dios nuk'utuj chiwe achike roma kan janila yixwosq'o'l y janila pan ichi'. rix ix jun tinamit ri niqa' chiwech ri etz'anen, y kan janila yixkikot Roma ri achi'a' ri xekamisex, man rik'in ta espada xekamisex-wi. Ri xeken, xa man pa labal ta xeken-wi.