Wuj Richin ri K'uxla'anik 3:57 - Kaqchiquel Bible

⁵⁷ Kan xape k'a wik'in ri q'ij toq xatinwoyoj. Xabij k'a chuwe chi man tinxibij-wi'.

Wuj Richin ri K'uxla'anik 3:57 ပူးပေါင်းရင်းမြစ်များ

Wuj Richin ri Isaías 41:10

Roma ri' man tixibij-iwi' roma yin kan ink'o iwik'in. Man timalij ik'u'x, roma ja yin ri in i-Dios. Kan xtinya' iwuchuq'a'; y chuqa' kan xkixinto'. Chuqa' kan xtinya' ri nimalej nuq'a' pan iwi'.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

Wuj Richin ri Isaías 58:9

K'ari' toq xkixinwoyoj, yin kan xtink'uluba-pe ri ich'abel. Toq xkixsik'in richin nik'utuj to'onik, yin xkik'oje' iwik'in. Jak'a kan nik'atzin chi man niya' ta chik iwi' pa poqon. Chuqa' man ke'iyoq' ri ch'aqa' chik winaqi', y man ke'iq'abaj tzij chikij,

Apocalipsis 2:10

Man tixibij-iwi' chuwech ri tijoj-poqonal ri xtipe pan iwi' ri chiwech-apo. Roma ri Itzel-Wineq xtuben chi ek'o jujun chiwe rix xkeruya' pa cárcel richin chi yerutejtobej. Lajuj k'a q'ij ri xkixk'oje' pa tijoj-poqonal. Jak'a kan kow kixk'oje' k'a toq xkixapon na chuwech ri kamik. Y yin xtinya' jun sipanik richin ch'akonik chiwe y ri' ja ri k'aslen ri man k'isel ta.

Wuj Richin ri Isaías 41:14

Man tixibij-iwi' rix ri ix rijatzul kan ri Jacob, stape' rix nina-iwi' chi man jun iwejqalen. Man timalij-qa ik'u'x, stape' kan ix juba' ok y kan maneq iwuchuq'a', roma ja yin ri xkixinto'. Yin ri in Loq'olej, ri ink'o pan iwi' kan xkixinkol.

Wuj Richin Bix Chire ri Dios 145:18

Kan naqaj atk'o chike konojel ri ye'ajowan awichin, roma rik'in ronojel kánima at koyoben.

Hechos 27:24

Y ri ángel ri' xubij chuwe: Pablo, man k'a taxibij-awi'. Rat kan k'o k'a chi yatapon na ri pa Roma chuwech ri César. Roma ri' man jun k'a xtak'uluwachij. Y awoma k'a rat, ri Dios xkerukol k'a chuqa' ri e awachibilan-el chupan re jun barco re'. Kan man jun k'a xtiken kan chiwe, xinuche'ex roma ri ángel.

Hechos 18:9

Ri Dios xch'on k'a rik'in ri Pablo pa jun chi'aq'a', y xuk'ut-ri' chuwech pa jun achik', y xubij k'a chire: Man taxibij-awi' y man tatanaba' rubixik ri nuch'abel chike ri winaqi'.

Wuj Richin ri Jeremías 1:17

Wakami k'a tachojmirisaj-el awi' y kabiyin y tabebij chike ronojel ri xinbij chawe. Kan kow k'a kapa'e' y man taxibij-awi', roma wi man kow ta xkapa'e' y xtaxibij-awi', xtinben chawe chi xkatzaq chikiwech rije'.

Wuj Richin Bix Chire ri Dios 69:18

Kajel k'a pe wik'in, y kinakolo'. Kinato' k'a chikiwech ri e etzelanel wichin.

Apocalipsis 1:17

Toq yin xintz'et ri', achi'el jun kamineq xitzaq-qa chiraqen. Jak'a rija' xuya' ri rijkiq'a' pa nuwi' y xubij chuwe: Man taxibij-awi', roma ja yin ri in k'o pe pa nabey y ja yin in k'o pa ruk'isibel.

Hebreos 7:19

Roma ri pixa' xa kan man xtikir ta xuben chike ri winaqi' chi tz'aqet ta ri kik'aslen. Jak'a re wakami k'o chik ri jun ri achoq ik'in niqoyobej-wi ri utzil y nuben chiqe chi yojtikir yojjel-apo rik'in ri Dios.

Wuj Richin ri Rutikeribel 26:24

Chupan ri aq'a' ri' ri Jehová xuk'ut-ri' chuwech y xubij chire: Ja yin ri in ru-Dios ri atata' Abraham. Man taxibij-awi' roma yin kan ink'o awik'in y xtinya' urtisanik pan awi' y kan xtik'iyer ri awijatzul roma janila xinwajo' ri Abraham ri nusamajel.

2 Rey 19:6

rija' xubij chike: Tibij chire ri Ezequías chi ri Jehová nubij chi man tixibij-iwi' roma ri itzel taq ch'abel ri xkibij ri aj-raqen richin ri rey richin Asiria.

Wuj Richin Bix Chire ri Dios 138:3

Ri q'ij toq yin xich'on awik'in, kan xak'uluba-pe ri nuch'abel; kan xaya' k'a ri wuchuq'a'.