Wuj Richin ri K'uxla'anik 3:40 - Kaqchiquel Bible

⁴⁰ Tiqach'obo-qa rij ri bey ri qak'uan; y titzolej k'a pe qak'u'x rik'in ri Jehová.

Wuj Richin ri K'uxla'anik 3:40 ပူးပေါင်းရင်းမြစ်များ

2 Crón 30:6

Y keri' ri rey xeruteq k'a el ri e taluy wuj richin nibekiya' kan chupan chijun ri ruwach'ulew Israel y chuqa' chupan chijun ri ruwach'ulew Judá. Y kere' nubij ri wuj: Rix ri ix rijatzul kan ri Israel, titzolin-pe ik'u'x rik'in ri Jehová ri qa-Dios, y ri ki-Dios ri Abraham, ri Isaac y ri Israel, richin rija' xtitzolin-pe ruk'u'x iwik'in ri k'a ixk'o kan, rix ri xixkolotej kan pa kiq'a' ri rey richin Asiria.

2 Crón 30:9

Wi rix kan xtitzolin-pe ri iwánima rik'in ri Dios, rija' xtuben chi ri ye'etzelan iwichin xtikijoyowaj k'a kiwech ri iwach'alal y ri iwalk'ual, y kan xkekiteq k'a pe chupan re ruwach'ulew re'. Kere' xtuben ri Jehová ri qa-Dios roma rija' kan koch'onel-wi y xtujoyowaj iwech. Y kan xkixrak'axaj chik, wi rix kan xtitzolin-pe ik'u'x rik'in, xcha-el.

Wuj Richin Bix Chire ri Dios 119:59

Yin kan xinquqa' k'a rij ri bey ri in beneq-wi; kan xitzolin k'a richin ninnimaj atzij.

Wuj Richin Bix Chire ri Dios 4:4

Tik'oje' k'a rukiy ri Dios chiwech y man chaq yixmakun. Toq ix kotz'ol y silan-silan chik, tiquqa' pa taq iwánima ri ibanobal chuwech rija'.

Wuj Richin ri Isaías 55:7

Ri winaqi' ri janila e itzel kan tikiya' kan ri itzel taq kibanobal; chuqa' ri kamisanela' kan tikiya' kan ri itzel kich'obonik. Kan titzolej k'a pe kik'u'x wik'in yin Jehová, y yin kan xtinjoyowaj kiwech y ninkuy ri kimak.

Ez 18:28

Wi xunojij y xutz'et jebel ri itzel ri najin chubanik y chirij ri' kan man nuben ta chik y ronojel ri nuben xa pa ruchojmilal, kan qitzij wi chi rija' xtik'ase' y man xtinwelesaj ta ri ruk'aslen.

Os 12:6

Rix nuwinaq israelita kan titzolej k'a pe ik'u'x rik'in ri qa-Dios Kan tibana' k'a ri qitzij y ri choj. Kan jantape' k'a tikuquba' ik'u'x rik'in ri qa-Dios.

Os 5:15

Xkitzolej k'a y xkibe akuchi ink'o-wi. Xkik'oje' chiri' k'a toq xtitzolej-pe kik'u'x chire ri kimak. K'a toq ri winaqi' xtikiya' chik wejqalen yin. Chupan k'a ri tijoj-poqonal xkinkikanoj, xcha' ri Jehová.

Os 6:1

Kixanpe y titzolej qak'u'x rik'in ri Jehová. Ja rija' ri xojya'on pa tijoj-poqonal, ja rija' ri xtik'achojirisan chik qichin. Ja rija' ri xojsokon, ja rija' ri xtaq'oman chik qichin.

Hechos 26:20

Roma ri' kan xinchop k'a rutzijoxik nabey chike ri winaqi' ri ek'o pa Damasco; k'ari' chike ri ek'o pa Jerusalem y chike k'a chuqa' ri ek'o pa ronojel tinamit pa Judea, y k'ari' chike k'a ri winaqi' ri man e judío ta, chi nej chi naqaj. Chike konojel k'a xinbij chi titzolej-pe kik'u'x rik'in ri Dios y tijalatej ri kik'aslen. Chuqa' xinbij chike chi kan tikiq'alajirisaj-ki' rik'in ri kibanobal chi e jalatajineq chik.

1 Corintios 11:28

Roma ri', tina-qa-iwi', y k'ari' titija' ri kaxlan-wey y tiqumu' ri vino.

1 Corintios 11:31

Jak'a wi ta rix nitz'et-qa ri ibanobal, ri Dios nuben chi man jun ta ruk'ayewal niqaqa pan iwi'.

2 Corintios 13:5

Jak'a re wakami, kan titzu-qa-iwi', wi kan qitzij chi kuqul ik'u'x rik'in ri Cristo. Titz'eta-qa iwi' jebel. ¿Man iwetaman ta k'a chi ri Jesucristo k'o pa taq iwánima? ¡Xaxe wi man iya'on ta kan chi nikuquba-ik'u'x rik'in!

Deut 4:30

Toq xkixk'oje' pa bis y toq xtipe pan iwi' ronojel re', y wi ri pa taq ruk'isibel q'ij xtitzolej-pe ik'u'x rik'in ri Jehová ri qa-Dios y kan xtiben ri nrajo' rija';