Wuj Richin ri K'uxla'anik 3:36 - Kaqchiquel Bible

³⁶ toq nijal rubanik ri qitzij toq k'o jun ch'ojikil, ronojel re banobel re' kan man utz ta nutz'et ri Jehová.

Wuj Richin ri K'uxla'anik 3:36 ပူးပေါင်းရင်းမြစ်များ

Wuj Richin ri Habacuc 1:13

Rat Jehová kan at ch'ajch'oj y man nakoch' ta natz'et ri mak. Chuqa' man nakoch' ta natz'et ri etzelal ri yebanatej. ¿Achike k'a roma xtaya' q'ij chike ri aj-Babilonia richin xtikiben ri etzelal? ¿Achike k'a roma kan man jun xtabij, toq rije' xqojkiya' pa tijoj-poqonal, stape' roj más choj qak'aslen chikiwech rije'?

Wuj Richin ri Isaías 59:15

Ri qitzij xa maneq chik qik'in, y ri nujech'ej kan ri' chubanik ri etzelal xa kan ruyon rija' nukanoj rukamik, yecha'. Ri Jehová xutz'et ronojel re', y kan man xqa' ta chuwech, roma maneq ruchojmilal.

Wuj Richin ri Jeremías 22:3

Kere' nubij ri Jehová: Tiq'ata-tzij pa ruchojmilal y tikolo' ri nitz'ilox roma jun chik wineq y man ke'iq'ol. Man kixeleq' kik'in ri man e iwinaq ta, ni kik'in ri meba'i', ni kik'in ri malkani'. Chuqa' man ke'ikamisaj ri winaqi' ri xa maneq kimak.

2 Sam 11:27

Toq xq'ax yan ri q'ij richin bis, jari' toq ri David xuteq ruk'amik ri Betsabé richin xbek'oje' pa rachoch. Xok k'a rixjayil y xalex jun kalk'ual. Jak'a ri xuben ri David, kan itzel xutz'et ri Jehová.

Deut 25:1

Toq k'o jun oyowal chikikojol e ka'i' achi'a', k'o chi ye'uk'uex chuwech ri q'atbel-tzij, richin niq'at-tzij pa kiwi'. Y ri to'onela' nikiq'alajirisaj ri achike ri aj-mak y nikiya' ri rutojbalil pa ruwi'.

Wuj Richin Bix Chire ri Dios 94:5

Re winaqi' re' kan janila k'a poqon nikiben chiqe roj ri oj atinamit rat. Kan yojkitz'ila' k'a roj ri xojacha' rat.

Wuj Richin Etamabel-Tzij 24:12

Y stape' rat xtabij: Xa man xqetamaj ta, roma ri' man xojto'on ta. ¿Kan man niq'ax ta kami chuwech ri retaman ri achike k'o pan awánima? Ri jun ri kan rutzuliben ri achike rubanik ri ak'aslen, kan retaman ri achike ri nach'ob; y rija' kan xtuya' ruk'exel chawe, roma ri rubanik ri ak'aslen.

Wuj Richin ri K'uxla'anik 3:59

Jehová, rat xatzu' k'a ri itzel ri kibanon chuwe. Tabana' k'a ri ruchojmilal wik'in yin.