Wuj Richin ri K'uxla'anik 3:32 - Kaqchiquel Bible

³² Stape' xuben chiqe chi xqaq'axaj tijoj-poqonal, xa kan nujoyowaj chik k'a qawech, roma ri rajowabal man jun bey xtik'is.

Wuj Richin ri K'uxla'anik 3:32 ပူးပေါင်းရင်းမြစ်များ

Wuj Richin Bix Chire ri Dios 78:38

Man rik'in ri' ri Dios kan nujoyowaj kiwech, kan nukuy k'a ri kimak y kan man yeruk'is ta; k'iy k'a mul xuq'et ri royowal y kan man xuya' ta pe pa kiwi'.

Wuj Richin Bix Chire ri Dios 103:11

Ri rajowabal rija' kan janila nim pa qawi' roj ri niqaqasaj-qi' chuwech. Ri kaj y ri ruwach'ulew man yetikir ta nikitemej ri nimalej rajowabal rija'.

Wuj Richin Bix Chire ri Dios 30:5

Ri royowal rija' kan xaxe k'a jun ti ramaj nuben. Jak'a ri rutzil xa kan man k'isel ta. Stape' k'o oq'ej ri chi'aq'a', toq niseqer-pe kan k'o chik ri kikoten.

Os 11:8

Rix winaqi' aj-Israel, ¿achi'el ta k'a toq xkixinmalij kan? ¿Kan xkixinjech kami pa kiq'a' ri e etzelanel iwichin? ¿Kan xkitikir kami xtinben chiwe achi'el xinben chike ri tinamit Admá y ri Seboim? Ri wánima kan achike na k'a nuben, kan janila k'a ninjoyowaj iwech.

Wuj Kichin ri To'onela' 10:16

Y rije' kan man xekisamajij ta chik ri dios ri ek'o chikikojol, y xkiya' ruq'ij ri Jehová. Y rija' xq'axon ránima roma ri ruk'ayewal ri nikiq'axaj ri rutinamit.

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

San Lucas 15:20

Roma ri' kan xuchop na wi el bey k'a chirachoch ri rutata'. K'a nej na k'a k'o-wi ri ala' chire ri rachoch, toq ri tata'aj xutz'et, y janila k'a xujoyowaj ruwech. Roma ri' junanin xbe chuk'ulik, xuq'etej y xutz'ubaj.

Wuj Richin ri Jeremías 31:20

Jak'a yin Jehová ninbij chi rix israelita ix achi'el jun nuk'ajol ri kan janila ninwajo'. Stape' k'iy mul ixinch'olin, kan jantape' k'a ixk'o chinuk'u'x. Y roma ri' kan janila ninjoyowaj iwech y yixinwajo'. Yin Jehová ri yibin.

2 Rey 13:23

Jak'a ri Jehová kan xujoyowaj kiwech ri aj-Israel, y kan xeruto' chupan ri ruk'ayewal ri' roma ri jikibel-tzij ri xuben ojer kik'in ri Abraham, ri Isaac y ri Jacob. Y k'a re wakami, man e rumalin ta kan, ni man e ruk'ison ta el chuwech re ruwach'ulew.

Wuj Richin ri K'uxla'anik 3:22

Chi ri rajowabal ri Jehová kan man jun bey xtik'is. Ri rutzil rija' kan richin tibe-q'ij tibe-seq.

Ex 2:23

Toq q'axineq chik k'iy q'ij, ri rey richin Egipto xken. Man rik'in ri' ri winaqi' israelita kan k'a yejilon na roma ri ilinri'il ri k'o pa kiwi' y xech'on k'a rik'in ri Dios. Y rija' kan xrak'axaj k'a ri kich'abel, roma kan janila nikitej poqon chupan ri ilinri'il ri'.

Wuj Richin ri Nahum 1:12

Roma ri' kere' nubij ri Jehová chire ri rutinamit Judá: Stape' ri e etzelanel awichin k'o janila kuchuq'a' y janila e k'iy, man rik'in ri' yin kan xkenchoy-el achi'el yechoy-el ri q'ayis. y man jun bey chik xkebek'ulun-pe. Yin kan janila k'a at nuya'on-pe pa poqon; jak'a re wakami kan man xkatinya' ta chik pa q'axo'n, rat nutinamit Judá.

Wuj Richin ri Isaías 27:8

Jak'a ri Dios xuya' ri rutojbalil pa kiwi' ri qawinaq achi'el ri k'atzinel. Y xuteq k'a pe jun nimalej kaq'iq' pa tz'iran ruwach'ulew richin xerutaluj-el, achi'el nuben ri kaq'iq' ri peteneq pa relebel-q'ij.

Wuj Richin ri Isaías 54:7

Kan xixinmalij kan juba', jak'a rik'in joyowanik xkixinmol chik jun bey.