Wuj Richin ri K'uxla'anik 3:31 - Kaqchiquel Bible

³¹ Ri Jehová kan man oj rumalin ta kan jumul.

Wuj Richin ri K'uxla'anik 3:31 ပူးပေါင်းရင်းမြစ်များ

Wuj Richin Bix Chire ri Dios 94:14

Rat Jehová kan man xqojamalij ta k'a kan roj ri oj atinamit. Kan man xqojamalaba' ta kan roj ri xojacha' richin xojok awichin.

Wuj Richin Bix Chire ri Dios 77:7

¿Kan xkirixowaj kami richin q'asen? ¿Kan man chik xtujoyowaj ta kami nuwech?

Wuj Richin ri Jeremías 32:40

Xtinben k'a kik'in rije' jun jikibel-tzij richin q'asen. Kan xtinya' nutzij chi jantape' xtinben utz kik'in. Xtinben k'a chike richin nikiya' nuq'ij jantape' y man jun bey chik xtikijech'ej kan ki' wik'in.

Wuj Richin ri Isaías 57:16

Man chaq xtinya' ta rejqal ri nutinamit, ni man chaq xtinben ta oyowal kik'in ronojel mul. Wi keri' xtinben, xa xtimayamo-qa ri kánima ri winaqi' ri e nuk'iytisan yin.

1 Sam 12:22

Ri Jehová kan man xtumalij ta kan ri rutinamit, roma ri nimalej rubi'; roma kan xrajo' richin xojok rutinamit rija'.

Wuj Richin ri Miqueas 7:18

Kan man jun chik Dios k'o achi'el rat Jehová, roma rat kan nakuy k'a ri qamak, roj ri xojkolotej kan. Man naya' ri awoyowal pa qawi' richin jantape', roma rat kan at jun Dios joyowanel.

Wuj Richin ri Jeremías 33:24

¿Man awetaman ta k'a chi ri winaqi' nikibij chi ri Israel y ri Judá xerucha' ri Jehová, jak'a wakami man xerajo' ta chik?, yecha'. Roma ri' kan xkiben chike ri nutinamit richin maneq kejqalen y man e jun ruwach'ulew ta.

Wuj Richin ri Jeremías 31:37

Chuqa' ninjikiba' chi rokik man jun nitikir netan ri kaj, y man jun nitikir nunik'oj ruxe' ri ruwach'ulew, yin kan man xkenwixowaj ta ri e rijatzul kan ri Israel, stape' janila chi mak ri xkiben. Yin Jehová ri yibin.

Wuj Richin ri Nahum 1:12

Roma ri' kere' nubij ri Jehová chire ri rutinamit Judá: Stape' ri e etzelanel awichin k'o janila kuchuq'a' y janila e k'iy, man rik'in ri' yin kan xkenchoy-el achi'el yechoy-el ri q'ayis. y man jun bey chik xkebek'ulun-pe. Yin kan janila k'a at nuya'on-pe pa poqon; jak'a re wakami kan man xkatinya' ta chik pa q'axo'n, rat nutinamit Judá.

2 Sam 14:14

Kan qitzij wi chi qonojel k'o chi yojken, roma roj xa oj achi'el ya' ri nitix pan ulew, ri xa nichaqi'j-qa. Jak'a ri Dios man nrajo' ta nrelesaj ruk'aslen jun wineq. Xa kan nukanoj rubanik richin nitzolej jun ri animajineq-el richin nik'oje' chik kik'in ri rach'alal.

1 Rey 11:39

Y ri Jehová nubij chuqa' chi ri e rijatzul kan ri David xtuya' tijoj-poqonal pa kiwi', roma ri rumak ri Salomón, jak'a re tijoj-poqonal re' man richin ta q'asen, kere' rubin ri Jehová, xcha' ri Ahías.

Wuj Richin ri Isaías 27:8

Jak'a ri Dios xuya' ri rutojbalil pa kiwi' ri qawinaq achi'el ri k'atzinel. Y xuteq k'a pe jun nimalej kaq'iq' pa tz'iran ruwach'ulew richin xerutaluj-el, achi'el nuben ri kaq'iq' ri peteneq pa relebel-q'ij.