Wuj Richin ri K'uxla'anik 3:22 - Kaqchiquel Bible

²² Chi ri rajowabal ri Jehová kan man jun bey xtik'is. Ri rutzil rija' kan richin tibe-q'ij tibe-seq.

Wuj Richin ri K'uxla'anik 3:22 ပူးပေါင်းရင်းမြစ်များ

Wuj Richin Bix Chire ri Dios 86:15

Jak'a rat ajaw kan at Dios joyowanel y koch'onel, man chi'anin ta k'a nipe awoyowal y ri awajowabal kan man jun bey xtik'is y rat man jun bey yojamalij kan.

San Lucas 1:50

Kan jantape' nujoyowaj kiwech konojel ri winaqi', ri kan k'o ruq'ij-ruk'ojlen rija' chikiwech.

Wuj Richin ri Nehemías 9:31

Jak'a man rik'in ri', rat xajoyowaj kiwech y man xe'ak'is ta, y chuqa' man xe'amalij ta kan, roma rat at jun Dios ri k'o koch'onik y joyowanik awik'in.

Wuj Richin ri Malaquías 3:6

Ri Dios nubij: Roma yin man jun bey yijalatej ta, roma ri' man ix k'isineq ta qa chuwech re ruwach'ulew. Kan pa kiq'ijul kan ri iwati't-imama' ich'aron kan iwi' chire ri nupixa', y man itaqen ta. Wakami k'a ninbij chiwe chi titzolej-pe ik'u'x wik'in, y yin xkitzolej chik iwik'in. Jak'a rix xa nibij: ¿Achike k'a rubanik chi yojtzolej awik'in?, yixcha'.

Wuj Richin Bix Chire ri Dios 78:38

Man rik'in ri' ri Dios kan nujoyowaj kiwech, kan nukuy k'a ri kimak y kan man yeruk'is ta; k'iy k'a mul xuq'et ri royowal y kan man xuya' ta pe pa kiwi'.

Wuj Richin Bix Chire ri Dios 106:45

Kan xuch'ob pa ruwi' ri jikibel-tzij ri rubanon kik'in. Y roma ri janila chi rajowabal kan ja ri utz ri xuben kik'in.

Wuj Richin Bix Chire ri Dios 77:8

¿Kan xk'is kami ri rajowabal ri man k'isel ta? ¿Kan xk'is kami chiri' jumul ri rusujun chuwe?

Wuj Richin Bix Chire ri Dios 103:10

Rija' man ruya'on ta k'a chiqe roj ri ruk'ayewal ri ruk'amon chi nuya'. Ni man ruya'on ta k'a pa qawi' ri rutojbalil ri qamak.

Wuj Richin ri Jeremías 3:12

Wakami k'a Jeremías, kabiyin y tabeya' re jun rutzijol re' chike ri winaqi' israelita ri ek'o pa xaman y tabij chike: Titzolin-pe ik'u'x wik'in rix ri xiniya' kan, yin kan xkixink'ul chi utzil y man xtipe ta woyowal chiwe richin jantape', xcha'.

Wuj Richin ri Jeremías 30:11

Yin kan ink'o iwik'in richin yixinkol. Kan xkenk'is k'a konojel tzobaj winaqi' ri akuchi xixintaluj-wi. Jak'a rix kan man xkixink'is ta y kan xtinq'et-tzij pan iwi' rik'in ruchojmilal, roma kan man xkixinya' ta kan choj keri'. Yin Jehová ri yibin.

2 Sam 24:14

K'ari' ri David xubij chire: Wakami xik'oje' pa latz'. Xa kan más k'a utz chi yojqaqa pa ruq'a' ri Jehová, roma rija' kan joyowanel-wi, ke chuwech yojqaqa pa kiq'a' ri e yakatajineq chiqij, xcha'.

Wuj Richin Bix Chire ri Dios 69:17

Man tawewaj-awi' chinuwech, yin ri in asamajel, roma ink'o pa nimalej bis; tabana' utzil kinawak'axaj chi'anin.

Wuj Richin ri Jeremías 31:20

Jak'a yin Jehová ninbij chi rix israelita ix achi'el jun nuk'ajol ri kan janila ninwajo'. Stape' k'iy mul ixinch'olin, kan jantape' k'a ixk'o chinuk'u'x. Y roma ri' kan janila ninjoyowaj iwech y yixinwajo'. Yin Jehová ri yibin.

Dn 9:9

Rat, kan at jun Dios joyowanel, y kan nakuy ronojel ri qamak, stape' kan oj yakatajineq chawij.