Wuj Richin ri K'uxla'anik 3:17 - Kaqchiquel Bible

¹⁷ Yin xa kan xinmestaj yan ri uxlanibel-k'u'x. Man noqaqa ta chik chinuk'u'x achike ri' ri jebel yak'ase'.

Wuj Richin ri K'uxla'anik 3:17 ပူးပေါင်းရင်းမြစ်များ

Wuj Richin ri Rutikeribel 41:30

Y chirij re' xtipe wuqu' juna' wayjal y kan man jun chik k'a ri xtoqaqa ta chuk'u'x ri wuqu' juna' toq xk'ase' ri tiko'n pa ruk'iyal ri pan Egipto, roma chupan ri wayjal ri' xtik'is ronojel ri xuya' chupan ri wuqu' juna' nabey.

Wuj Richin ri Achin Job 7:7

Nu-Dios yin, toqaqa k'a chi'ak'u'x chi ri nuk'aslen xa achi'el kaq'iq' ri niq'ax; y kan man jun bey chik xtintz'et ri rutzil ri k'aslen.

Wuj Richin Bix Chire ri Dios 119:155

Ri akolotajik rat kan nej k'a k'o chike ri e banoy etzelal, roma kan man nikitaqej ta ri apixa'.

Wuj Richin ri Isaías 38:17

Xintej poqon richin yik'ase' pa ruchojmilal. Rat kan yinawajo', y roma ri' xaya' chik nuk'aslen. Roma ri awajowabal xakuy ronojel ri numak.

Wuj Richin ri Isaías 54:10

Stape' ri juyu' kan xkesilon, chuqa' ri ruwi' taq juyu' kan xketzaq-qa, jak'a yin kan man xtik'is ta ri wajowabal iwik'in. Chuqa' man xtik'is ta ri jikibel-tzij richin uxlanibel-k'u'x ri xinben iwik'in. Yin Jehová ri yijoyowan iwech ri yibin, ncha' ri Dios.

Wuj Richin ri Isaías 59:11

Rix kan yixjilon achi'el nikiben ri oso, chuqa' yixoq' achi'el nikiben ri taq paloma. Kan iwoyoben ri ruchojmilal, y xa maneq. Chuqa' kan iwoyoben ri kolotajik, y xa k'a nej k'o-wi, xcha'.

Wuj Richin ri Jeremías 12:12

Xkepe k'a ri itzel taq achi'a' pa ruwi' chijun ri juyu' richin ri tz'iran ruwach'ulew ri', roma rije' e achi'el jun nu-espada ri xtik'ison ri jun ruchi' k'a ri jun chik ruchi' ri ruwach'ulew y kan man jun chik nuwinaq ri xtikolotej kan.

Wuj Richin ri Jeremías 14:19

Jehová, ¿kan xawixowaj kami kan jumul ri tinamit Judá? ¿Kan itzel chik kami k'a natz'et ri tinamit Sión? ¿Achike roma janila xojaya' pa tijoj-poqonal? Qoyoben k'a uxlanibel-k'u'x, jak'a xa man utz ta ri qak'ulun. Qoyoben k'a raxnaqil, jak'a xa kan xaxe k'a xibinri'il ri k'o.

Wuj Richin ri Jeremías 16:5

Man katok-apo chupan jun jay ri akuchi ek'o pa bis ri winaqi', roma k'o kaminaqi' kik'in. Man katoq', ni man tak'ut chi yabison chirij, roma chupan re tinamit re' xinwelesaj yan el ri uxlanibel-k'u'x, ri wajowabal y ri nujoyowanik. Yin Jehová ri yibin.

Wuj Richin ri Jeremías 8:15

Qoyoben k'a roj chi k'o ta uxlanibel-k'u'x y xa man jun k'a utz ri qilon. Qoyoben k'a ri qaraxnaqil y xaxe k'a ri nimalej xibinri'il ri k'o.

Wuj Richin ri K'uxla'anik 1:16

Roma ri' kan janila yojoq'; kan nibiyin k'a ri ruya'al runaq' taq qawech. Roma xa maneq chik ri nikuquban qak'u'x, ri niya'on uxlanen pa qánima. Ri qalk'ual kan xek'is k'a konojel, roma ri e etzelanel kan xech'akon chiqij.

Wuj Richin ri Zacarías 8:10

Ri q'ij toq xya'ox-qa ri ruxe' ri wachoch ri ojer kan, ri winaqi' man jun kajel nikik'ul y ni ta ri qajibel kichin ri chikopi'. Chuqa' ri winaqi' man yetikir ta yek'ayin ni yeloq'on roma ri janila chi ruk'ayewal. Chuqa' xinben chi konojel xeyakatej chikij ri kachibil.