Wuj Richin ri K'uxla'anik 3:16 - Kaqchiquel Bible

¹⁶ Ri wey ri ek'o pa nuchi' kan xerupaxij chi abej xinna' yin, ri rukiy kan xiruq'ututej y xiruqasaj k'a pan ulew.

Wuj Richin ri K'uxla'anik 3:16 ပူးပေါင်းရင်းမြစ်များ

Wuj Richin ri Achin Job 2:8

Y ri Job xbetz'uye' k'a chiri' pa ruwi' ri chaj ri akuchi poron-wi q'ayis. Xuchop jun ruchi' xot, y rik'in ri' nuk'aqatij-wi rij.

Wuj Richin ri Achin Job 4:10

Ri Dios kan xkeruk'is k'a ri achi'a', stape' kan yexibin achi'el nixibin jun koj toq niq'ajan y nureq ruchi'. Kan xtuben chike achi'el niban chire jun alaj koj; nitz'oq-el ri rey richin man jun chik nuben.

Wuj Richin Bix Chire ri Dios 102:9

Ronojel ri nintej, xa nuxol-ri' rik'in chaj. Y ronojel ri ninqum, xa kan nuxol k'a ri' rik'in ri ruya'al runaq'-nuwech.

Wuj Richin Bix Chire ri Dios 3:7

Jehová, ¡kayakatej k'a chikij! ¡Kinakolo' k'a nu-Dios yin. Tasoko' k'a ri kipalej ri e etzelanel wichin. Tawulaj k'a key ri e banoy taq etzelal.

Wuj Richin Bix Chire ri Dios 58:6

Nu-Dios yin, tawulaj-el key ri e banoy etzelal, tawulaj-el key ri kan achi'el koj nikiben chuwij.

Wuj Richin Etamabel-Tzij 20:17

Ri wineq kan ki' nuna' toq nutej-qa ruway, ri xa peteneq rik'in itzel ch'akonik; jak'a ri chua'q-kabij-apo, xa xtibenoj pa ruchi' chi wachawik sanayi'.

Wuj Richin ri Jeremías 6:26

K'ari' ri Dios xubij chike: Rix ri yixinwajo', tikusaj k'a itziaq richin bis retal richin k'o q'axo'n. Tibolqotila-iwi' pa chaj y kixk'oje' k'a pa bis achi'el toq yixbison chirij jun iwalk'ual ri kan xe'ok rija' y xken-el. Kixoq' k'a roma re jun bis re' kan janila nim, roma kan xtipe yan ri xtik'ison iwichin.

Wuj Richin ri Jonás 3:6

Chuqa' xapon rutzijol rik'in ri rey richin ri tinamit ri', y rija' xyakatej chupan ri ruch'akat, y xrelesaj ri rutziaq ri rukusan. Y xukusaj ri tzieq qiriqoj, y k'ari' xtz'uye' pa chaj.

San Mateo 7:9

¿Achike ta k'a achin ri nitikir nuya' jun abej pa ruq'a' ri ralk'ual, toq ri ak'ual xa jun ruway ri nuk'utuj chire?

San Lucas 11:11

Y rix ri ix tata'aj, ¿yixtikir kami niya' jun abej pa ruq'a' jun iwalk'ual, toq xa jun kaxlan-wey nuk'utuj chiwe? ¿O niya' ta kami jun itzel kumetz pa ruq'a', toq xa jun ker nuk'utuj chiwe?