Wuj Richin ri K'uxla'anik 3:15 - Kaqchiquel Bible

¹⁵ Ri Dios xunojisaj ri nuk'aslen rik'in ruk'eyul. Kan achi'el k'a ri ruya'al ri k'ayilej-q'os ri xuya' chuwe richin xinqum.

Wuj Richin ri K'uxla'anik 3:15 ပူးပေါင်းရင်းမြစ်များ

Wuj Richin ri Jeremías 9:15

Roma ri' yin kan xtinben k'a chike, richin xtikitej k'ayilej-q'os y xtikiqum ya' ri nikamisan. Yin Jehová ri in k'iytisanel richin ronojel ri yibin.

Wuj Richin ri K'uxla'anik 3:19

Noqaqa chinuk'u'x ri q'axo'n ri nink'owisaj, chuqa' ri ruk'eyul ri nuk'aslen y ri nimalej ruk'ayewal ri ninq'axaj.

Wuj Richin ri Jeremías 25:27

K'ari' ri Jehová ri k'iytisanel richin ronojel, ri Dios richin Israel, xubij chuwe chi kere' tinbij chiwe: Tiqumu' richin yixq'aber, xkixxa'a' y kixtzaq richin man yixtikir ta chik xkixyakatej chuwech ri nimalej ruk'ayewal ri xtinya' pan iwi' yin.

Wuj Richin ri Jeremías 23:15

Roma ri' yin Jehová ri k'o ronojel uchuq'a' pa nuq'a' kere' ninbij chiwe rix ri nibananej chi ix q'alajirisey nuch'abel: Xtinben chiwe chi xtitej xaqixaq. Chuqa' kan xtinya' k'a ya' chiwe ri yixrukamisaj. Iwoma rix qajineq ri etzelal pa ruwi' chijun ri ruwach'ulew.

Wuj Richin Bix Chire ri Dios 60:3

Xaben k'a chiqe roj ri atinamit chi xqatz'et ri nima'q taq ruk'ayewal; Xaben chiqe chi achi'el xa ta xqaqum k'iy vino richin xojq'aber.

Wuj Richin ri Achin Job 9:18

Kan k'ayew ri rubanon chuwe, kan man yiruya' ta kan juba'. Rija' nuben chuwe chi ruyon q'axo'n ri ninq'axaj.

Wuj Richin ri Rut 1:20

Jak'a rija' xubij chike: Man tibij chik Noemí chuwe; más utz nibij Mará chuwe,*f1* roma ja bi'aj re' ri más ruk'amon chuwe yin, roma ri Dios ri k'o ronojel uchuq'a' pa ruq'a', xuya' jun k'ayilej k'aslen chuwe.

Wuj Richin Bix Chire ri Dios 88:4

Yin xa kan ruk'amon chik chi yinajilex chikikojol ri kaminaqi'. Xa kan in lawalik chik k'a jumul.

Wuj Richin ri Jeremías 4:18

Ri itzel ibey y ri itzel taq ibanobal, jari' ri nibanon chiwe richin kere' xtik'uluwachij. Roma ri imak xtiqaqa re jun ruk'ayewal re' pan iwi'. Janila ruk'ayewal, roma kan xapon k'a pan iwánima, xcha' ri Dios.

Wuj Richin ri Jeremías 9:14

Xa xkiben k'a ri itzel rurayibel ri kánima y pa ruwi' ri' xkiya' k'a kiq'ij ch'aqa' chik dios achi'el xkiben ri kati't-kimama'.