Wuj Richin ri K'uxla'anik 2:3 - Kaqchiquel Bible

³ Rik'in ri royowal xrelesaj k'a ri uchuq'a' ri k'o qik'in. Chuqa' kan man xojruto' ta chik toq xeyakatej ri e etzelanel qichin chiqij. Ri royowal ri xyakatej chiqij roj, kan achi'el ri q'aq' ri nuk'is ronojel ri k'o chunaqaj.

Wuj Richin ri K'uxla'anik 2:3 ပူးပေါင်းရင်းမြစ်များ

Wuj Richin Bix Chire ri Dios 74:11

¿Achike roma man jun naben chike? ¿Achike roma chaq aq'eten aq'a' chiri', y man jun naben chike?

Wuj Richin ri Isaías 42:25

Roma ri' yin kan xinya' k'a ri woyowal pan iwi', y kan xinya' labal pan iwi'. Y ri labal ri' kan xixruk'is, achi'el nuben ri q'aq', man rik'in ri' man xq'ax ta chiwech, y man xixniman ta chuwe.

Wuj Richin Bix Chire ri Dios 75:10

Ri kuchuq'a' ri e banoy etzelal kan xtich'akatej k'a. Jak'a ri kuchuq'a' ri kan choj kik'aslen kan tinimirisex.

Wuj Richin Bix Chire ri Dios 75:5

Ninbij chike ri k'o kuchuq'a', chi man tikinimirisaj-ki'. Y toq yech'on, man tikiben chi kan janila e nima'q, yacha'.

Wuj Richin ri Jeremías 48:25

Yin Jehová ninbij chi ri ruchuq'a' ri ruwach'ulew Moab xa xtik'is y ri q'atbel-tzij ri k'o pa ruq'a' kan xtiwulatej.

Wuj Richin Bix Chire ri Dios 89:46

Nimalej Jehová, ¿kan jantape' kami xtawewaj-awi'? ¿Jantape' kami xtik'a'on ri awoyowal achi'el nuben ri q'aq'?

Wuj Richin Bix Chire ri Dios 79:5

Jehová, ¿kan jantape' ta k'a xtik'oje' ri awoyowal pa qawi'? ¿K'a janipe' xtitane' ri awoyowal richin nik'a'on achi'el nuben ri q'aq'?

San Lucas 3:17

Rija' kan xtuben k'a achi'el jun achin toq nujosq'ij ri ru-trigo, ri nukusaj jun pielca richin nuk'eq chuwa-kaq'iq' ri trigo ch'ayon chik. Ri runaq' ri trigo xtuk'ol richin nuyek kan, jak'a ri páxa xa xtuk'eq kan pa q'aq', jun q'aq' ri man jun bey xtichup, xcha'.

San Lucas 1:69

Ri Dios nuya' jun nimalej qakolonel; jun ri kan riy-rumam kan ri David, ri rusamajel ri xk'oje' ojer.

Wuj Richin ri Malaquías 4:1

Yin Jehová ninbij chi kan jujik-wi noqaqa ri q'ij richin niqaqa ri woyowal pa ruwi' ri iruwach'ulew, achi'el jun horno toq nijinon pa q'aq'. Konojel ri kan nim nikina-ki' y ri yebanon ri etzelal kan xkebe'ok achi'el solot, y chupan ri q'ij ri' kan man jun chik xtikolotej kan achi'el ri q'aq' toq nuk'is ronojel.

Wuj Richin ri Jeremías 21:14

Yin kan xtinya' rutojbalil pan iwi' achi'el ri ibanobal. Kan xtinya' ruq'aq'al ri rachoch ri i-rey y ri q'aq' ri' kan xtuk'is ronojel ri ek'o chunaqaj. Yin Jehová ri yibin, xcha'.

Wuj Richin ri Jeremías 7:20

Roma ri' yin Jehová ninbij chi kan ninwisq'opej k'a ri woyowal pa ruwi' re tinamit re', pa kiwi' re winaqi', pa kiwi' ri kichikop, pa kiwi' ri kiche' y ri kitiko'n ri ek'o pa taq juyu' y ri woyowal xtuben achi'el jun q'aq' ri man nichup ta k'a toq xtuk'is na ronojel.

Wuj Richin ri Jeremías 4:4

Titzolij-iwi' chiwij y tibana' chuwe richin chi ja yin ri iwajaw. Tiya' k'a pan iwánima ri retal richin ri nujikibel-tzij. Man xa rik'in juba', roma ri itzel taq ibanobal ri ye'ibanala', ri woyowal kan nibejinijo-pe achi'el q'aq', ri man jun nitikir nichupun.

Wuj Richin ri Isaías 1:31

Ri k'o janila ruchuq'a' xa xtok achi'el páxa y ri rusamaj xa xtok rubix q'aq'. Re' junan k'a xkejinon pa q'aq' y kan man jun k'a xtichupu, nicha' ri Dios.

Wuj Richin Bix Chire ri Dios 132:17

Xabij chi wawe' xtaben chi xtibejotayin-pe ri ruchuq'a' ri David; y xtaben chike chi rije' man jun bey xkek'is, achi'el jun saqil ri man jun bey xtik'is.

Wuj Richin Bix Chire ri Dios 89:24

Man jun bey k'a xtinmalij kan, ri wajowabal pa ruwi' rija' man jun bey xtik'is. Pa nubi' yin xtibe pa jotol ri ruchuq'a' rija'.

Wuj Richin ri Achin Job 16:15

Y jari' xbanon chuwe chi janila yibison y nukusan ri tzieq richin bis. Xa maneq chik nuq'ij; xa jare' nutikiliben nik'aj-nuwech pan ulew.

Deut 32:22

Ri ruq'aq'alen ri woyowal ri yakatajineq kan achi'el k'a jun nimalej q'aq'. re q'aq' re' kan xtapon k'a ri ruchuq'a' k'a akuchi ek'o-wi-qa ri kaminaqi'. kan xtuk'is ri iruwach'ulew y ri tiko'n ri ek'o chuwech, y chuqa' xtuq'i' y xtuk'is ri kixe' ri juyu'.

2 Crón 34:25

Roma ri winaqi' xa xinkimalij kan, y xa xkisuj kamelabel chikiwech ch'aqa' chik dios, y xkiben chuwe chi xpe woyowal chirij ronojel ri kisamaj ri kibanon; roma ri' xtiqaqa k'a ri woyowal pa ruwi' re tinamit re', y ri woyowal kan man xtik'o ta qa, nicha' ri Jehová.

Wuj Richin ri K'uxla'anik 1:13

K'a chila' chikaj xuteq-pe q'aq' pa qawi' y ri q'aq' ri' kan yeruk'et ri qabaqil. Xuya' k'a pikbel pa qabey, y re' kan xojrujaq'mayij kan chiqij. Xojrumalij kan, y xojruya' kan rik'in q'axo'n ronojel q'ij.

Wuj Richin ri K'uxla'anik 4:11

Ri Jehová kan xuteq-pe ronojel ri royowal pa qawi'. Kan xuq'ej k'a pe pa qawi' ri nimalej royowal achi'el niq'ej ri ya'. Xutzij k'a jun q'aq' pa ruwi' ri tinamit Sión, y ri q'aq' ri' kan xuk'is ronojel.

Ez 7:14

Stape' xtixupux-pe ri trompeta richin nikichojmirisaj-ki' richin yebe pan oyowal, xa man jun xtibe, roma ri woyowal xa kan qajineq chik pa kiwi' rije'.

Ez 13:13

Rik'in janila woyowal xtinben chi xtipe jun nimalej surkum, jun nimalej kaq'iq'-job y nima'q taq saqboch, richin keri' xtik'is ronojel.

Wuj Richin ri Nahum 1:6

¿Achike kami nitikir nikoch'on ri royowal rija'? ¿Achike ta k'a nitikir nikoch'on ri ruq'aq'al ri royowal? Roma ri royowal rija' kan nitix achi'el ri ch'ich' ri ya'erisan pa q'aq', y chuwech k'a rija' yepax ri nima'q taq abej.