Wuj Richin ri K'uxla'anik 2:21 - Kaqchiquel Bible

²¹ Chi ak'uala', chi rijita'q e punupuxineq kan pa taq bey. Ri xtani' y ri alaboni' xekamisex kan chi espada. Roma ri awoyowal, xateq k'a pe ri kamik chiqij. Xe'akamisaj k'a konojel y man xajoyowaj ta kiwech.

Wuj Richin ri K'uxla'anik 2:21 ပူးပေါင်းရင်းမြစ်များ

2 Crón 36:17

K'ari' ri Jehová xuben chire ri rey richin ri Babilonia, richin xerukamisaj chi espada ri alaboni', stape' ek'o chupan ri rachoch ri Dios. Kan man xupoqonaj ta ri kik'aslen ri alaboni', ni ri xtani', ni ri rijita'q taq winaqi'. Konojel re' ri Jehová kan xerujech pa ruq'a' ri rey richin Babilonia.

Ester 3:13

Xetaqalox k'a el ri wuj pa ronojel tinamit ri ek'o chuxe' ri ruq'atbal-tzij ri rey. Y chupan ri wuj nubij k'a chi chupan ri q'ij oxlajuj chire ri ik' Adar, kan pa jun q'ij kek'is konojel ri winaqi' judío; chi rijita'q, chi achi'a', chi ixoqi', chi alaboni', y chi ak'uala'. Y ronojel ri kibeyomel nok kan kichin ri winaqi' ri xkekamisan.

Wuj Richin ri Isaías 27:11

Y toq ri ruq'a' ri che' ri' xtiq'aj-el roma nichaqi'j-qa, k'ari' xkepe ri ixoqi' richin nikisik'-el, y nikibox kiq'aq' rik'in. Xtibanatej ronojel re' roma ri qawinaq maneq kinojibal. Roma ri' ri Dios ri xbanon qichin man xtujoyowaj ta kiwech, ni man jun utzil xtuben chike.

Wuj Richin ri Jeremías 11:22

Y ri Jehová k'iytisanel richin ronojel xubij: Xtinbenya' rutojbalil pa kiwi'. Ri achi'a' ri kan k'o kuchuq'a' xkeken chupan ri labal y ri kimi'al-kik'ajol xkeken roma wayjal.

Wuj Richin ri Jeremías 13:14

Chirij re' yin kan xtinben k'a chiwe achi'el toq nikipaxij-ki' ri bojo'y. Y k'ari' xkixwulex iwonojel, nitiker-el kik'in ri rijita'q taq winaqi' y napon k'a kik'in ri taq kokoj alk'ualaxela'. Y yin man xkixinpoqonaj ta rix, jak'a kan xkixink'is y man xtinjoyowaj ta iwech, nicha' ri Jehová.

Wuj Richin ri Jeremías 18:21

Jak'a re wakami nink'utuj utzil chawe richin xtaben ta chi xkeken ri kalk'ual roma wayjal y roma ri espada. Ri ixoqi' kan xkemalkanej ta kan y xkek'is ta el konojel kal. Ja ta ri nima-yabil xtikamisan kichin ri achi'a', y ri alaboni' xkeken ta pa taq labal.

Wuj Richin ri Jeremías 21:7

Chirij ri' yin Jehová xkenjech-el pa ruq'a' ri Nabucodonosor y ri ruwinaq; ri Sedequías, rey richin Judá, ri aj-raqen, ri aj-labal y ri winaqi' ri xek'oje' kan chire ri nima-yabil, ri man xekamisex ta chi espada y ri man xeken ta roma wayjal. Xkenjech pa kiq'a' ri e etzelanel kichin y pa kiq'a' ri ye'ajowan nikelesaj kik'aslen. Yin xtinben chi xkekamisex chi espada y kan man xtijoyowex ta kiwech. Yin Jehová ri yibin.

Wuj Richin ri Jeremías 4:31

Roma xinwak'axaj jun raqoj-chi'ij richin q'axo'n, achi'el richin jun ixoq ri nalex yan ri nabey ti ral. Ri raqoj-chi'ij ri' kichin ri ri winaqi' richin tinamit Sión, ri nijilon y nuya-apo ruq'a' y nubij: Toq'ex qawech roj, roma ri qánima nimayamo' chikiwech ri kamisanela', xkixcha'.

Wuj Richin ri Jeremías 51:22

Ja rix ri xixinkusaj richin xenk'is ri achi'a' y ri ixoqi', richin xenk'is ri e rijita'q y ri k'a e k'ajola' na, chuqa' richin xenk'is ri alaboni' y ri xtani'.

Wuj Richin ri Jeremías 6:11

Kan woyowal achi'el rat y janila xikos yan richin ninkoch', xicha'. Roma ri' ri Dios nubij: Kan xtinya' k'a pa kiwi' ri taq ak'uala' ri ye'etz'an pa taq bey y chuqa' pa kiwi' ri alaboni' ri nikik'uaj-ki' pa taq tzobaj. Chuqa' chi achi'a' chi ixoqi' xke'uk'uex ta el pa ximonri'il, junan kik'in ri más taq e rijita'q.

Wuj Richin ri Jeremías 9:20

Rix ixoqi' tiwak'axaj k'a ri rutzijol ri xuya-pe ri Jehová. Tik'utu' chikiwech ri iwal xtani' richin keri' chuqa' rije' nikibixaj re jun bix re' richin bis y chikiwech chuqa' ri kachibil.

Wuj Richin ri Jeremías 9:21

Ri kamik kan xok yan apo pa taq qachoch, chuqa' xok yan apo chiri' pa taq tobel. Chuqa' ri pa taq bey; ja ri taq ak'uala' ri yeken kan y pa taq nima'q ruwech bey richin molojri'il, ja ri alaboni' ri yeken kan.

Wuj Richin ri K'uxla'anik 1:15

Ri qajaw kan xeruk'is k'a el ri aj-labal ri e qichin roj. Y xeroyoj k'a winaqi' chiqij richin chi yojkik'is. Xepe richin xekikamisaj kan ri k'ajola'. Ri Jehová kan xuben k'a chiqe achi'el toq nipitz' ri uva.

Wuj Richin ri K'uxla'anik 1:18

Rat Jehová kan pa ruchojmilal ri xaben. Roj kan xqapaba-qi' chuwech ri ach'abel. Y rix winaqi' tiwak'axaj k'a, chi qonojel roj niqatej poqon. Konojel k'a ri qalk'ual, chi xtani', chi alaboni' xe'uk'uex-el pa ximonri'il.

Wuj Richin ri K'uxla'anik 1:4

Ronojel ri bey richin Sión, kan bis, bis nitzu'un. Kan man jun chik wineq napon ta chiri' richin ninimaq'ijun. Ri pa taq ronojel okibel kan man jun chik nok-apo chupan. Ri e sacerdote kan yejilon janila, ri xtani' ri yebixan chiri' kan e poqonatajineq, ri ruk'aslen ri tinamit xa k'ey-k'ey rubanon.

Wuj Richin ri K'uxla'anik 2:17

Ri Jehová kan xuben k'a ri rubin-pe pa qawi'. Kan xutaqej k'a ri ruch'abel ri xubij-pe chiqij ri ojer kan. Xuk'is k'a ronojel y man xujoyowaj ta qawech. Xunimirisaj k'a ri kuchuq'a' ri nich'upun kik'u'x chiqij.

Wuj Richin ri K'uxla'anik 2:2

Xuben k'a chi kan man jun chik jay richin ri Judá ri xpa'e' ta kan. Xeruwulaj ronojel ri jay richin tobel richin ri ruwach'ulew Judá. Xeruqasaj k'a pan ulew ri ajawaren y ri e tata'al.

Wuj Richin ri K'uxla'anik 3:43

Jehová kan xik'o chik ruwi' ri awoyowal chiqij y roma ri' xojatzeqelibej. Rat kan janila k'a e k'iy ri xe'akamisaj, y kan man xajoyowaj ta qawech.

Ez 24:21

Stape' janila nikajo' ri wachoch ri k'o pa Jerusalem y kan janila kikuquban kik'u'x rik'in, yin kan xtinya' jun nimalej ruk'ayewal pa ruwi'. Y ri imi'al y ri ik'ajol ri xe'iya' kan pa Jerusalem xa xkekamisex.

Ez 5:11

Rix xitz'ilobisaj ri wachoch rik'in ri kiwachibel ri i-dios y ri itzel taq ibanobal ri kan nuben chuwe chi itzel nintz'et. Roma ri' yin Jehová ri in rajaw ronojel, kan ninya' nutzij y ninbij chi yin kan xkixinwixowaj chuqa'. Man xtinya' ta chik wutzil pan iwi' y man xtinjoyowaj ta chik iwech.

Ez 7:4

Kan man xtinjoyowaj ta chik iwech toq xtinya' rutojbalil-mak pan iwi', roma ri itzel taq ibanobal ri xe'ibanala', kan man niqa' ta k'a chinuwech. K'ari' k'a xtiwetamaj in achike yin.

Ez 7:9

Y kan man xtinjoyowaj ta k'a iwech toq xtinya' rutojbalil-mak pan iwi' roma ronojel re'. K'ari' k'a xtiwetamaj chi ja yin Jehová ri yibanon ronojel re'.

Ez 8:18

Y roma ri' yin chuqa' kan xkiyakatej k'a chikij rik'in janila woyowal, y kan man xtinjoyowaj ta k'a kiwech. Stape' xkech'on wik'in rik'in raqoj-chi'ij, yin kan man xkenwak'axaj ta k'a, xcha'.

Ez 9:10

Roma ri' kan man xtinjoyowaj ta k'a kiwech, jak'a xa xtiqaqa ri ruk'ayewal pa kiwi' roma ri kibanobal, xcha'.

Am 4:10

Xinteq-pe nimalej taq yabil pan iwi' achi'el ri xinya' pa kiwi' ri aj-Egipto, Xinben chi ri alaboni' xeken kan chupan ri labal. Chuqa' ri e etzelanel iwichin xkimej kan ri ikiej. Xinben chi xiseq kichuwil ri kaminaqi' ri chiri' ri akuchi ixk'o-wi-qa. Man rik'in ri' man xtzolej ta pe ik'u'x wik'in. Yin Jehová ri yibin.

Am 8:13

Ri jebelej taq xtani' y ri alaboni' ri janila kuchuq'a' xkemayamo-qa. Chupan ri q'ij ri' xkemayamo-qa roma chaqi'j-chi'ij.

Wuj Richin ri Zacarías 11:6

Roma ri' man xtinjoyowaj ta kiwech ri nuwinaq. Y xkenjech k'a el pa kiq'a' ri kachpochel y pa kiq'a' ri ki-rey. Kan xtikitoloba' kan ri kiruwach'ulew, y kan man xkenkol ta pa kiq'a', xcha' ri Jehová.

Deut 28:50

Rije' kan e itzel taq winaqi' y kan man jun kiq'ij ri e rijita'q taq achi'a' chikiwech y man xtikijoyowaj ta kiwech ri ak'uala'.

Deut 32:25

Ri pa taq bey xabachike xtikamisex kan chi espada, y ri pa taq jay k'o janila xibinri'il. Xkeken k'a chi xtani', chi alaboni', chi ak'uala'; ri k'a yetz'uman na y keri' chuqa' ri seq chik rusumal-kiwi'.

Wuj Richin ri Josúe 6:21

Y ronojel ri xkil chupan ri tinamit ri', xekikamisaj rik'in espada; chi achi'a', chi ixoqi', chi ak'uala' y ri taq rijita'q, chuqa' ri bóyix, ri kokoj taq awej y konojel ri bur.

1 Sam 15:3

Kixbiyin k'a y tibebana' oyowal kik'in. Tik'isa' kan ronojel ri k'o kik'in, y man tijoyowaj kiwech. Ke'ikamisaj kan chi achi'a', chi ixoqi', chi ak'uala', y chuqa' ri ak'uala' ri k'a yetz'uman na, chuqa' ri kiwákix, ri kikarne'l, ri ki-camello, ri kibur y ronojel ri kawej, rubin ri Jehová, xcha'.