Wuj Richin ri K'uxla'anik 2:20 - Kaqchiquel Bible

²⁰ Nimalej Jehová, tabana' utzil tatz'eta' y tach'obo' chi kan man jun chik achoq pa ruwi' aya'on-wi re jun ruk'ayewal re'. ¿Kan xkekitej kami qa ri teja' ri taq kal, ri k'a yetz'uman na? ¿Kan xtaya' ta kami q'ij richin yekamisex ri e sacerdote y ri e q'alajirisey ri ach'abel chupan ri awachoch?

Wuj Richin ri K'uxla'anik 2:20 ပူးပေါင်းရင်းမြစ်များ

Wuj Richin ri K'uxla'anik 4:10

Ri ojer kan, ri ixoqi' janila joyowanik k'o kik'in, jak'a re wakami xa xekichaq'arisaj-qa ri taq kal. Kan ja ri taq kal ri xk'atzin-qa chike richin xok-qa kiway chupan ri q'ij richin ruk'ayewal kichin ri nuwinaq.

Wuj Richin ri Jeremías 19:9

Xtinben k'a chi ri e etzelanel iwichin xtikisutij-rij ri itinamit y roma ri wayjal, xtitej-qa ri iwalk'ual y chi'ijujunal xtitej-qa-iwi' chi iwachibil-iwi', xkacha'.

Wuj Richin Bix Chire ri Dios 78:64

Ri e sacerdote chuqa' kan xekamisex k'a chi espada. y ri malka'n taq ixoqi' man xya'ox ta q'ij chike richin xekoq'ej ta.

Wuj Richin ri K'uxla'anik 4:13

Jak'a ronojel re' xk'uluwachitej roma ri kimak ri e q'alajirisey ruch'abel ri Dios. Re' xbanatej k'a roma ri e sacerdote xa xexotoxo'. Rije' xkiben chi xbiyin kik' pa taq bey chiri' pa Jerusalem. Rije' kan xekikamisaj ri choj kik'aslen.

Deut 9:26

Y xink'utuj k'a utzil chire ri Jehová y xinbij: ¡Ajaw Jehová!, nink'utuj utzil chawe chi man tak'is re tinamit re', roma re' kan awichin rat, rat xakolon-pe richin rik'in ri animirinen, rat xatelesan-pe richin chiri' pan Egipto rik'in ri nimalej awuchuq'a'.

Ex 32:11

Xeri' ri Moisés xch'on chik rik'in ri Jehová richin ta chi nuqasaj ruwi' ri royowal y xubij chire: Ajaw Jehová, ¿achike k'a roma kan xyakatej ri aq'aq'arinen chikij ri atinamit ri xawelesaj-pe rat pan Egipto rik'in ri nimalej awuchuq'a'?

Ez 5:10

Kan xtinben k'a chi jujun chiwe rix xtitej-qa ri iwalk'ual, y jujun chike ri ch'aqa' chik iwalk'ual xkixkitej-qa rix. Yin kan xtinya' k'a rutojbalil-mak pan iwi' y ri k'a xkek'ase' na kan xkentaluj chuwech re ruwach'ulew.

Wuj Richin ri K'uxla'anik 4:16

Ja ri Jehová xetalun-el ri e sacerdote. Kan man xkeruchajij ta k'a chik ri e q'alajirisey ruch'abel. Ri winaqi' kan man chik nikiya' ta kejqalen ri sacerdote, y man xkijoyowaj ta k'a kiwech ri e aj-raqen.

Wuj Richin ri K'uxla'anik 1:19

Xeqoyoj k'a ri xe'ajowan qichin richin yojkito', jak'a rije' xa xojkiq'ol. Ri qa-sacerdote y ri e tata'al, rokik e beneq chukanoxik ri k'atzinel richin nikiq'axbej-ki', xa xeken kan pa tinamit.

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Wuj Richin ri Chojmirisabelri'il 26:29

K'ari' k'a xke'itej-qa ri imi'al-ik'ajol roma wayjal.

Wuj Richin ri Isaías 22:2

Rix aj-Jerusalem, ri Dios nuk'utuj chiwe achike roma kan janila yixwosq'o'l y janila pan ichi'. rix ix jun tinamit ri niqa' chiwech ri etz'anen, y kan janila yixkikot Roma ri achi'a' ri xekamisex, man rik'in ta espada xekamisex-wi. Ri xeken, xa man pa labal ta xeken-wi.

2 Crón 36:17

K'ari' ri Jehová xuben chire ri rey richin ri Babilonia, richin xerukamisaj chi espada ri alaboni', stape' ek'o chupan ri rachoch ri Dios. Kan man xupoqonaj ta ri kik'aslen ri alaboni', ni ri xtani', ni ri rijita'q taq winaqi'. Konojel re' ri Jehová kan xerujech pa ruq'a' ri rey richin Babilonia.

Wuj Richin ri Jeremías 21:7

Chirij ri' yin Jehová xkenjech-el pa ruq'a' ri Nabucodonosor y ri ruwinaq; ri Sedequías, rey richin Judá, ri aj-raqen, ri aj-labal y ri winaqi' ri xek'oje' kan chire ri nima-yabil, ri man xekamisex ta chi espada y ri man xeken ta roma wayjal. Xkenjech pa kiq'a' ri e etzelanel kichin y pa kiq'a' ri ye'ajowan nikelesaj kik'aslen. Yin xtinben chi xkekamisex chi espada y kan man xtijoyowex ta kiwech. Yin Jehová ri yibin.

Ez 9:7

K'ari' xubij chike chi kekinojisaj rik'in kaminaqi' ri ruwa-jay y keri' k'a xtikiben chi xtok man ch'ajch'oj ta. Xeri' xeruteq-el pa tinamit ri kamisanela'. Y rije' kan xebekamisan kan.