Wuj Richin ri K'uxla'anik 2:17 - Kaqchiquel Bible

¹⁷ Ri Jehová kan xuben k'a ri rubin-pe pa qawi'. Kan xutaqej k'a ri ruch'abel ri xubij-pe chiqij ri ojer kan. Xuk'is k'a ronojel y man xujoyowaj ta qawech. Xunimirisaj k'a ri kuchuq'a' ri nich'upun kik'u'x chiqij.

Wuj Richin ri K'uxla'anik 2:17 ပူးပေါင်းရင်းမြစ်များ

Ez 5:11

Rix xitz'ilobisaj ri wachoch rik'in ri kiwachibel ri i-dios y ri itzel taq ibanobal ri kan nuben chuwe chi itzel nintz'et. Roma ri' yin Jehová ri in rajaw ronojel, kan ninya' nutzij y ninbij chi yin kan xkixinwixowaj chuqa'. Man xtinya' ta chik wutzil pan iwi' y man xtinjoyowaj ta chik iwech.

Wuj Richin Bix Chire ri Dios 89:42

Kan xaya' k'a ri ch'akonik pa kiq'a' ri e etzelanel richin. Xaya' k'a q'ij chi xekikot chirij ri David.

Ez 8:18

Y roma ri' yin chuqa' kan xkiyakatej k'a chikij rik'in janila woyowal, y kan man xtinjoyowaj ta k'a kiwech. Stape' xkech'on wik'in rik'in raqoj-chi'ij, yin kan man xkenwak'axaj ta k'a, xcha'.

Wuj Richin ri K'uxla'anik 1:5

Ri e etzelanel richin xa kan xe'ok-q'anej tata'al pa ruwi'. Ri itzel yetz'eton richin, wakami xa xebe pa jotol. Ronojel re tijoj-poqonal re' xuya' ri Jehová pa kiwi' ri winaqi', kere' xkik'uluwachij roma ri kimak kan pa ruk'iyal ri xkiben. Ri winaqi' kan xe'uk'uex-el pa ximonri'il koma ri e etzelanel kichin.

Wuj Richin ri Miqueas 2:3

Roma ri' ri Jehová ruch'obon chik chi, xtiberuya' jun ruk'ayewal pa kiwi' re winaqi' re', y kan man xketikir ta xtikikol-ki'. Y stape' rije' yebiyin rik'in nimirisanen, ri Dios xtuben k'a chike chi kan xtiqaqa kiq'ij, roma toq xtapon ri q'ij ri' kan richin ruk'ayewal y tijoj-poqonal.

Ez 9:10

Roma ri' kan man xtinjoyowaj ta k'a kiwech, jak'a xa xtiqaqa ri ruk'ayewal pa kiwi' roma ri kibanobal, xcha'.

Wuj Richin ri K'uxla'anik 2:8

Ri Jehová kan xuben chi xwulex-el ri tz'aq chirij ri tinamit Sión, Xuben chi kan achi'el xa ta xretaj richin xuk'is ronojel. Ri tinamit kan xmalin-xmalin kan; roma ri tz'aq xa kan xetzaq k'a qa.

Wuj Richin ri Jeremías 18:11

Tiwak'axaj k'a rix aj-Judá: Kan tiwetamaj k'a chi yin ninch'ob ninteq-pe jun nimalej ruk'ayewal pan iwi'. Tiya' k'a kan ri itzel bey y tichojmirisaj ri ik'aslen.

Wuj Richin Bix Chire ri Dios 38:16

Roma ri' nink'utuj chawe chi man taya' q'ij chi rije' yekikot chuwij, y toq yin yijilijo', man taya' q'ij chi rije' xtikinimirisaj-ki'.

Wuj Richin Bix Chire ri Dios 35:24

Tabana' utzil taq'alajirisaj chi yin maneq numak. Tabana' richin man ta xkekikot chuwij.

Wuj Richin Bix Chire ri Dios 35:26

Xa kan ke'ak'ixbisaj y tasacha' kik'u'x konojel ri yekikot chuwij roma ink'o pa q'axo'n. Taqasaj kiq'ij ri xkinimirisaj-ki' chinuwech yin.

Wuj Richin ri Isaías 14:29

Man kixkikot k'a rix aj-Filistea, stape' ri rey Acaz xa xken achi'el jun q'ajineq che'. Roma ri q'ajineq che' ri' xa xtok jun kumetz kamisanel, y ri chiwech-apo ri kumetz ri' kan xtok-el jun ruwech kumetz ri k'o ruxik'.

Wuj Richin ri Jeremías 4:28

Y roma ri wululen ri', ri ruwach'ulew xtik'oje' pa bis y ri kaj kan xtiq'equmer ruwech. Roma xinbij, xinch'ob y man xtintzolij ta wi' chuwij, kan man xtinjel ta chik ri nuch'obonik.

Wuj Richin ri K'uxla'anik 3:43

Jehová kan xik'o chik ruwi' ri awoyowal chiqij y roma ri' xojatzeqelibej. Rat kan janila k'a e k'iy ri xe'akamisaj, y kan man xajoyowaj ta qawech.

Wuj Richin ri K'uxla'anik 4:11

Ri Jehová kan xuteq-pe ronojel ri royowal pa qawi'. Kan xuq'ej k'a pe pa qawi' ri nimalej royowal achi'el niq'ej ri ya'. Xutzij k'a jun q'aq' pa ruwi' ri tinamit Sión, y ri q'aq' ri' kan xuk'is ronojel.

Dn 9:12

Rat kan xataqej k'a ronojel ri abin-pe pa qawi' roj y pa kiwi' ri aj-raqen y pa kiwi' ri e q'atoy taq tzij, roma kan xaya' pa qawi' ri jun nimalej ruk'ayewal. Kan man jun bey k'a banatajineq rik'in jun chik ruwach'ulew ri achi'el ri xuk'uluwachij ri tinamit Jerusalem.

Wuj Richin ri Zacarías 1:6

Ri nuch'abel ri xinbij chike ri nusamajela' e q'alajirisey nuch'abel kan xbanatej kik'in ri ite-itata'. Jak'a toq rije' xtzolej-pe kik'u'x wik'in, xkibij chi yin kan xinben kik'in achi'el ri ruk'amon, roma rije' kan itzel ri kibanobal. Y roma ri' xinben kik'in achi'el ri xinch'ob, xcha' ri Dios.

1 Rey 9:7

wi keri' xtiben, yin xkixinwelesaj-el chupan re ruwach'ulew re nuya'on chiwe. Y ri itinamit Israel kan xtitze'ex y chuqa' itzel rutzijoxik xtiban koma ri winaqi' kichin ch'aqa' chik tinamit chuwech re ruwach'ulew. Chuqa' re jay re akuchi niya-wi nuq'ij, xa kan xtinmalij kan.

Wuj Richin Bix Chire ri Dios 89:43

Pa ruwi' ri' kan man xato' ta chik toq nibe pan oyowal. Xaben chire chi xch'akatej.

Wuj Richin ri Jeremías 40:3

Y kan xuben achi'el xubij, roma rix xixmakun chuwech y man xiwak'axaj ta ri xubij chiwe. Roma ri' xpe re ruk'ayewal re' pan iwi' rix.

Wuj Richin ri Sofonías 1:2

Jare' k'a ri rutzijol ri xuya' ri Jehová chuwe: Xkenk'is-el konojel ri ek'o chuwech re ruwach'ulew. Yin Jehová ri yibin.