Wuj Richin ri K'uxla'anik 2:16 - Kaqchiquel Bible

¹⁶ Konojel k'a ri e etzelanel qichin nikijeq pa kichi' chiqij; yojkitze'ej y nikiqach'ech'ila' key chiqij. Y nikibij chi yojkik'is jumul. Y chuqa' nikibij chi ja q'ij re' ri koyoben, y chi wakami kan xojqaqa pa kiq'a'. Rije' xkitz'et k'a ri qak'uluwachin.

Wuj Richin ri K'uxla'anik 2:16 ပူးပေါင်းရင်းမြစ်များ

Wuj Richin Bix Chire ri Dios 109:2

roma ri winaqi' ri xaxe q'oloj nikiben kan janila pa kichi' chuwij. Kan janila k'a tzij xkitz'uk chuwij.

Wuj Richin Bix Chire ri Dios 112:10

Jak'a toq ri wineq banoy etzelal nutz'et re', kan xtiyakatej royowal. Kan xtuqach'ach'ila' rey roma ri royowal y xa xtipe ruyabil. Keri' ri kirayibel ri e banoy taq etzelal, xa xtik'is.

Wuj Richin Bix Chire ri Dios 124:3

kan ta keri' oj k'es xojkibeq', toq yakatajineq janila koyowal chiqij.

Wuj Richin Bix Chire ri Dios 22:13

Kan yesik'in k'a chuwij, achi'el nikiben ri koj. Y kan nikik'eq k'a ki' chuwij.

Wuj Richin Bix Chire ri Dios 35:16

Kan janila k'a yinkiyojobej, y yetze'en chuwij. Yinkimeruj roma yinkixowaj.

Wuj Richin Bix Chire ri Dios 35:21

Xkijaq'aq'ila' k'a tze'en chuwij, y xkibij: Titzu', la xuben, kan rik'in runaq'-qawech xqatz'et, yecha'.

Wuj Richin Bix Chire ri Dios 35:25

Man tikibij-qa pa taq kánima: Qánima jare' ri niqajo', y man tikibij chuqa': Xojtikir chirij.

Wuj Richin Bix Chire ri Dios 37:12

Ri banoy etzelal nuch'ob richin nuben itzel chire ri choj ruk'aslen, y kan nuqach'ach'ej rey chirij.

Wuj Richin Bix Chire ri Dios 41:8

ri yabil ri in chapayon, xa yabil richin aj-tzay, y chi yin man xkiyakatej ta chik jumul.

Wuj Richin Bix Chire ri Dios 56:2

Kan chijun k'a q'ij ri e etzelanel wichin nikiqasaj nuq'ij. Janila k'a e k'iy ri yebanon oyowal wik'in, rik'in nimirisanen.

Wuj Richin Bix Chire ri Dios 57:3

Kan k'a chila' chikaj nateq-pe ri awutzil pa nuwi' y kan yirukol chuwech ri kich'abel ri e etzelanel wichin. Rat kan nateq k'a pe ri ajoyowanik pa nuwi' y kan naben wik'in ri nabij.

Wuj Richin ri Isaías 49:19

Ri itinamit xa xwuluwu' kan, y tz'iran xuben kan. Y ri iruwach'ulew tolan-tolan xuben kan. Jak'a re wakami ri iruwach'ulew kan janila ti ko'ol ok xtuben chiwe. Rokik ri' ri xek'ison iwichin kan janila nej ri xkebe-wi.

Wuj Richin ri Jeremías 26:6

Wi man xtiben ta ronojel re', k'ari' xtinben rik'in ri wachoch, achi'el xinben rik'in ri tinamit Siló. Xtinben chire re tinamit Jerusalem richin xtiqaqa itzel pa ruwi' y xtok jun k'ambel-na'oj chikiwech konojel ri tzobaj winaqi' richin re ruwach'ulew, xkacha' chike, xcha' ri Dios chuwe.

Wuj Richin ri Jeremías 50:17

Rix winaqi' israelita ri italun-iwi' achi'el karne'l ri e sachineq y e tzeqeliben koma koj. Ri nabey koj ja ri rey richin Asiria, ri xixrutej rix. K'ari' xpe ri Nabucodonosor rey richin Babilonia y xupaq'aq'ej ri ibaqil.

Wuj Richin ri Jeremías 50:7

Toq ri e etzelanel iwichin yixkil, kan yixkik'is. Y k'ari' rije' nikibij chi man kimak ta ri keri' xkiben iwik'in, roma rix kan xixmakun chinuwech, ri in qitzij yuq'unel, achoq ik'in xkikuquba-wi kik'u'x ri ite-itata'.

Wuj Richin ri Jeremías 51:34

Ri winaqi' aj-Jerusalem nikibij: Ri Nabucodonosor rey richin Babilonia kan xusech qak'u'x y kan xojruk'ux richin xojruk'is. Kan xuben k'a chiqe achi'el jun leq ri man jun chik rupan. Kan xojrubeq' achi'el nuben jun nimalej chikop ri k'o pa palou. Kan xnoj k'a rupan rik'in ri jebelej ri k'o qik'in y ri man xuk'is ta xuchubaj-el.

Wuj Richin ri K'uxla'anik 1:21

Ri winaqi' kan nikak'axaj ri qajiloj, jak'a kan man jun xkuquban ta juba' qak'u'x. Konojel ri e etzelanel qichin xkak'axaj k'a re qatijoj-poqonal, kan xekikot k'a roma re xaben chiqe. Jak'a kan xtapon na k'a ri q'ij ri abin-pe richin ruk'ayewal pa kiwi' rije', richin xtikik'uluwachij achi'el re qak'uluwachin roj re wakami.

Wuj Richin ri K'uxla'anik 3:46

Roma ri' konojel ri e etzelanel qichin nikijeq pa kichi' chiqij.

Ez 23:32

Yin Jehová ri ink'o pa ruwi' ronojel, ninjikiba-nutzij chi kan xtaq'axaj k'a ri ruk'ayewal achi'el xuq'axaj ri animal. Y re ruk'ayewal re' xtuben chawe achi'el xa ta xaqum vino chupan jun jomojik y nim qumbel. Y roma janila k'iy ruk'ayewal xtaqum, ri ch'aqa' chik ruwach'ulew xkatkitze'ej y xkatketzelaj.

Ez 25:15

Kere' xubij ri Jehová: Ri aj-Filistea rik'in janila koyowal xkiya' rutojbalil chike ri nuwinaq israelita, roma rije' kan ojer-pe-ri' ketzelan-ki' y kan xkijech k'a ki' richin chi xkekik'is jumul ri nuwinaq.

Ez 25:3

Y jare' ri rutzijol ri xuya' chike ri aj-Amón: Tiwak'axaj ri nuch'abel yin Jehová. Rix kan xixkikot k'a xitz'et chi ri wachoch man xya'ox ta rejqalen y chuqa' toq ri ruwach'ulew Judá xa xwuluwu-qa y ri winaqi' aj chiri' xe'uk'uex-el pa ximonri'il.

Ez 25:6

Ja yin Jehová ri yibin. Y rix aj-Amón, toq ri ruwach'ulew Judá xa xwuluwu-qa, rik'in k'a kikoten xipaq'apa-iq'a' y chuqa' rik'in k'a ronojel iwánima xe'iwetzelaj.

Ez 36:3

Xabakuchi k'a yixchap chi oyowal y yixkik'is, konojel tinamit richin ch'aqa' chik ruwach'ulew kan xkiben chi xok-qa kichin ri ruwach'ulew ri'. Y rije' kan yixkitze'ej k'a y yixketzelaj.

Ez 5:15

Kan konojel k'a ri winaqi' kichin ch'aqa' chik ruwach'ulew xtiketzelaj y xtikitze'ej. Chuqa' kan xtik'atzin richin k'ixbilal chike ri ch'aqa' chik ruwach'ulew ri ek'o chunaqaj, roma yin xtinq'et-tzij pa ruwi' rik'in oyowalen y rik'in ch'olinik.

Os 8:8

Ronojel ri k'o chuwech ri ruwach'ulew Israel xa xk'is-el xa kan xtitz'et koma ch'aqa' chik ruwach'ulew, achi'el jun bojo'y ri man jun nik'atzin-wi.

Wuj Richin ri Miqueas 4:11

Y toq xtapon ri q'ij ri', xa xtikimol-ki' e k'iy winaqi' richin xkeyakatej chiwij. Y rije' xtikibij: Jare' ri qarayibel pa ruwi' ri tinamit Sión. Kan xtiqasex k'a ruq'ij, xkecha'.

Hechos 7:54

Toq ri achi'a' ri yeq'aton-tzij xkak'axaj ri xubij-qa ri Esteban, xyakatej k'a koyowal, y kan nikiqach'ach'ela' k'a key chirij.