Wuj Richin ri K'uxla'anik 2:15 - Kaqchiquel Bible

¹⁵ Konojel ri winaqi' ri yeq'ax keri' qik'in, kan yojkitze'ej kan. Chuqa' yexuban y nikisiloj ri kijolon chiqij. Ri e etzelanel qichin yetze'en y nikibij: Jak'a tinamit re' ri nikibij chi kan janila jebel, Kan jare' ri ruwaq'ijaj richin chijun ruwach'ulew, yecha'.

Wuj Richin ri K'uxla'anik 2:15 ပူးပေါင်းရင်းမြစ်များ

2 Rey 19:21

Ja ch'abel re' ri xubij rija' pa ruwi' ri rey ri': Ri winaqi' aj-Sión xkebeyojoben chawij; Ri aj-Jerusalem xkebetze'en chawij toq rat xkatanimej.

2 Crón 7:21

Y stape' wakami re wachoch kan jun nimalej jay, rik'in juba' jun q'ij ri winaqi' ri xkeq'ax xa jun wuluwik jay ri xtikitz'et. Xtikimey y xtikik'utula' chikiwech: ¿Achike roma kere' xuben ri Jehová rik'in re ruwach'ulew re'? ¿Y Achike roma kere' xuben chire re jay re kan richin rija'?, xkecha'.

Wuj Richin Bix Chire ri Dios 109:25

Yin xa kan xinok k'a chike ri winaqi' jun in yakol tze'en. Rije' yinkitzu', yetze'en y nikisilola' ri kijolon chuwij.

Wuj Richin Bix Chire ri Dios 22:7

Konojel k'a ri yetz'eton wichin, kan yetze'en chuwij; Nikiyumumula' kichi', nikisilola' ri kijolon y nikibij:

Wuj Richin Bix Chire ri Dios 48:2

Ri juyu' Sión kan k'a pa jotol k'o-wi-el y jebel ok rubanon ri chiri' pa xaman. Ja rija' ri rukikoten ri ruwach'ulew, re tinamit re' kan richin ri nimalej rey,

Wuj Richin Bix Chire ri Dios 48:3

Ri Dios kan k'o k'a chupan ri rachoch, kan xuk'ut k'ari' chi kan ja rija' ri qato'onel.

Wuj Richin Bix Chire ri Dios 50:2

Ri Dios, rik'in ri rusaqil nuk'ut chi rija' kan k'o chiri' pa tinamit Sión, chupan ri tinamit ri kan jebel nitzu'un.

Wuj Richin Bix Chire ri Dios 64:8

Kan ja ri kaq' rije' ri nibanon chike richin yetzaq. Ri xketz'eton kichin kan xketze'en chikij.

Wuj Richin ri Isaías 28:21

Ri Jehová kan xtiyakatej achi'el xuben chiri' pa juyu' Perasim; kan xtuben achi'el toq xyakatej royowal pa taq'aj richin Gabaón. Xtuben jun samaj ri kan man jun bey tz'eton.

Wuj Richin ri Isaías 37:22

Ja bix re' ri xubij ri Jehová pa ruwi' rija': Ri tinamit Sión kan xtimulun ruk'u'x chawij rat Senaquerib. Chuqa' ri tinamit Jerusalem kan xtitze'en chawij. Kan xtikiben kipalej chawij rokik rat xkatanimej.

Wuj Richin ri Isaías 64:11

Roj y ri qati't-qamama' xqaya' aq'ij chupan ri awachoch akuchi k'o-wi ri ak'ojlen. Jak'a re wakami xa kan xk'is yan roma ri q'aq'. Ronojel ri ek'o qik'in ri taq e jebel ok, kan xek'is.

Wuj Richin ri Jeremías 18:16

Jak'a re wakami ri iruwach'ulew xtok jun tz'iran. Konojel winaqi' richin ch'aqa' chik ruwach'ulew ri xkeq'ax keri' kan janila xtikimey y kan xtikisiloj ri kijolon. Y jantape' k'a xtikiyojobej.

Wuj Richin ri Jeremías 19:8

Kan xtinben chire ri Jerusalem chi konojel ri winaqi' ri xkeq'ax chiri' xtikixibij-ki' chuwech y xtikiyojobej roma wulatejineq chik kan ronojel.

Wuj Richin ri Jeremías 25:18

Xinya' k'a chire ri rey richin Judá, chike ri aj-raqen, chike ri aj-Jerusalem y chike ri ch'aqa' chik winaqi'. Xinya' k'a chike richin yek'is y kan xtitole' kan jumul ri kitinamit. Koma rije' ri ch'aqa' chik winaqi' xtisach kik'u'x, kan xtiban tze'en chikij y xtiqaqa itzel pa kiwi'. Y keri' k'a kan xke'ok jun k'ambel-tzij achi'el nitz'et re wakami.

Wuj Richin ri Jeremías 25:9

roma ri' yin xtinteq koyoxik konojel tzobaj taq winaqi' ri ek'o pa xaman y ri nusamajel Nabucodonosor rey richin Babilonia, richin yepe y nokichapa' chi oyowal re jun ruwach'ulew re' y konojel ri ek'o chupan y konojel tzobaj winaqi' ri ek'o chunaqaj. Kan xkenk'is k'a jumul xtinben chi xkeyojobex, xkek'ixbitej. Y iwoma rix ri ch'aqa' chik winaqi' xtisach kik'u'x.

Wuj Richin ri Jeremías 26:6

Wi man xtiben ta ronojel re', k'ari' xtinben rik'in ri wachoch, achi'el xinben rik'in ri tinamit Siló. Xtinben chire re tinamit Jerusalem richin xtiqaqa itzel pa ruwi' y xtok jun k'ambel-na'oj chikiwech konojel ri tzobaj winaqi' richin re ruwach'ulew, xkacha' chike, xcha' ri Dios chuwe.

Wuj Richin ri Jeremías 48:27

roma rix aj-Moab, kan xixyojoben chikij ri israelita y xixch'on chikij rije' rik'in joyobenik, chi achi'el xa ta e eleq'oma'.

Wuj Richin ri Jeremías 51:37

Ri kitinamit kan xtok k'a jun tzubaj ulew y xtok k'a kachoch ri utiwa'. Y konojel ri xketz'eton kichin kan xtikik'en rukiy y xtikixibij-ki' chuwech.

Wuj Richin ri K'uxla'anik 1:21

Ri winaqi' kan nikak'axaj ri qajiloj, jak'a kan man jun xkuquban ta juba' qak'u'x. Konojel ri e etzelanel qichin xkak'axaj k'a re qatijoj-poqonal, kan xekikot k'a roma re xaben chiqe. Jak'a kan xtapon na k'a ri q'ij ri abin-pe richin ruk'ayewal pa kiwi' rije', richin xtikik'uluwachij achi'el re qak'uluwachin roj re wakami.

Wuj Richin ri K'uxla'anik 1:8

Ri aj-Jerusalem kan janila nim ri kimak ri kibanon. Roma ri' xa xe'ok man ch'ajch'oj ta. Konojel ri xeya'on kiq'ij, wakami xa xeketzelaj kan, roma xkitz'et chi xa xqasex kiq'ij. Rije' kan yejiq'ijo'x, y kan xkewaj-ki' roma ri kik'ix.

Wuj Richin ri K'uxla'anik 2:16

Konojel k'a ri e etzelanel qichin nikijeq pa kichi' chiqij; yojkitze'ej y nikiqach'ech'ila' key chiqij. Y nikibij chi yojkik'is jumul. Y chuqa' nikibij chi ja q'ij re' ri koyoben, y chi wakami kan xojqaqa pa kiq'a'. Rije' xkitz'et k'a ri qak'uluwachin.

Wuj Richin ri K'uxla'anik 2:6

Ri rachoch rija' kan xuwulaj k'a el, achi'el niban chire jun ti mo'k ri k'o chupan ri tiko'n. Xuwulaj k'a el ri akuchi niban-wi molojri'il. Ri Jehová xrelesaj k'a el chupan ri tinamit Sión ri nimaq'ij y ri q'ij richin uxlanen. Roma ri royowal kan xerixowaj k'a kan ri rey y ri e sacerdote.

Ez 16:13

Keri' xatinwiq rik'in q'anapueq y saqipueq y ri atziaq kan e banon rik'in jebelej lino ri kan jebel e tz'ison y kan jebejoj ok ri yetzu'un. Y keri' jebel ok xaben. Xatinwilij rik'in jebelej kaxlan-wey, rik'in kab ri nikiya' ri taq chikopi' y ri aceite banon rik'in olivo. Kan janila jebel ok xaben-q'anej y kan janila xk'oje' awejqalen, achi'el jun reina.

Ez 16:14

Roma ri' xtalutej ri utzilej atzijol k'a pa taq ruwach'ulew, roma ja yin xiwiqon*f3* awichin. Yin Jehová ri yibin.

Ez 23:32

Yin Jehová ri ink'o pa ruwi' ronojel, ninjikiba-nutzij chi kan xtaq'axaj k'a ri ruk'ayewal achi'el xuq'axaj ri animal. Y re ruk'ayewal re' xtuben chawe achi'el xa ta xaqum vino chupan jun jomojik y nim qumbel. Y roma janila k'iy ruk'ayewal xtaqum, ri ch'aqa' chik ruwach'ulew xkatkitze'ej y xkatketzelaj.

Ez 25:6

Ja yin Jehová ri yibin. Y rix aj-Amón, toq ri ruwach'ulew Judá xa xwuluwu-qa, rik'in k'a kikoten xipaq'apa-iq'a' y chuqa' rik'in k'a ronojel iwánima xe'iwetzelaj.

Ez 5:15

Kan konojel k'a ri winaqi' kichin ch'aqa' chik ruwach'ulew xtiketzelaj y xtikitze'ej. Chuqa' kan xtik'atzin richin k'ixbilal chike ri ch'aqa' chik ruwach'ulew ri ek'o chunaqaj, roma yin xtinq'et-tzij pa ruwi' rik'in oyowalen y rik'in ch'olinik.

Dn 9:16

Qajaw Dios, rat kan at choj-wi, y roma ri' tabana' utzil chi tik'o-qa ri awoyowal pa ruwi' ri atinamit Jerusalem, ri juyu' ri ch'aron chawe rat. Roma ri kimak ri qate-qatata', ri tinamit Jerusalem xa k'o pa jun nimalej ruk'ixbilal, chikiwech ri ch'aqa' chik tinamit.

Wuj Richin ri Miqueas 6:16

Xtibanatej ronojel re' roma xitzeqelibej achi'el xuben kan ri pa ruq'atbal-tzij ri Omrí. y xa ibanon achi'el xkiben ri e aj pa rachoch kan ri Acab. Roma ri' xtitole' kan ri itinamit. Y ri winaqi' richin ri ch'aqa' chik ruwach'ulew xketze'en chiwij, y kan ja k'a rix xkixejqalen ri ruk'ixbilal.

Wuj Richin ri Nahum 3:19

Rat Nínive kan maneq chik raq'omal ri asokotajik; ri sal ri k'o chawij kan man jun nitikir nik'achojirisan. Konojel k'a ri ye'ak'axan chi rat natej poqon kan nikipaq'apa' k'a ri kiq'a' chawij roma kikoten. Roma konojel winaqi' richin ri ruwach'ulew kitijon poqon pan aq'a'; konojel xkina' yan ri awetzelal ri man k'isel ta.

Wuj Richin ri Sofonías 2:15

Ri ojer kan ri tinamit ri' janila xkikot, y kan kuqul ruk'u'x xk'ase'. Ri winaqi' ri xek'oje' chiri' xkibij chi kan man jun chik tinamit achi'el rije', jak'a re wakami xa tolan-tolan chik kan. Xa ja chik ri chikopi' richin pa k'echelaj e chajiyon kan. Ri wineq ri xtiq'ax-el keri', xtitze'en kan chirij, y kan janila xtuyojobej kan.

San Mateo 27:39

Ri winaqi' k'a ri yeq'ax-el y ye'apon rik'in ri Jesús, nikisilola' ri kijolon. Y k'o chuqa' itzel taq ch'abel ri yekibila' kan chire:

Marcos 15:29

Ri winaqi' ri yeq'ax-el rik'in ri Jesús, nikisilola' k'a kijolon chuwech, y nikibila' k'a chire: Rat ri xabin chi kan nawulaj ri rachoch ri Dios y pan oxi' q'ij napaba' chik jun bey;