Wuj Richin ri K'uxla'anik 2:13 - Kaqchiquel Bible

¹³ Man jun yitikir ninben richin yixinto', rix nuwinaq aj-Jerusalem. Man jun yitikir ninbij richin ninkuquba' ik'u'x. Ri tinamit kan man jun bey chik xtibe pa jotol, roma ri wululen. Y roma ri' ¿achike ta k'a xtitikir xtelesan ri q'axo'n ri k'o iwik'in?

Wuj Richin ri K'uxla'anik 2:13 ပူးပေါင်းရင်းမြစ်များ

2 Sam 5:20

Y ri David kan xyakatej k'a el chikij, y xeruch'ek k'a. Y rija' xubij k'a: Ri Jehová kan xerumes k'a el ri ye'etzelan wichin achi'el nuben jun nimalej raqen-ya' ri nuqirirej-el ronojel, xcha'. Y roma ri' chiri' xubini'aj Baal-perasim.*f4*

2 Rey 19:21

Ja ch'abel re' ri xubij rija' pa ruwi' ri rey ri': Ri winaqi' aj-Sión xkebeyojoben chawij; Ri aj-Jerusalem xkebetze'en chawij toq rat xkatanimej.

Wuj Richin Bix Chire ri Dios 60:2

Kan xaben chi xsilon ri ruwach'ulew y xaben chire chi xjobojo-qa; Tabana' utzil tachojmirisaj chik ri xwopotej-qa, roma beneq ruwech nisilon.

Wuj Richin ri Isaías 37:22

Ja bix re' ri xubij ri Jehová pa ruwi' rija': Ri tinamit Sión kan xtimulun ruk'u'x chawij rat Senaquerib. Chuqa' ri tinamit Jerusalem kan xtitze'en chawij. Kan xtikiben kipalej chawij rokik rat xkatanimej.

Wuj Richin ri Jeremías 14:17

Y ri Jehová xubij chuwe chi tinq'alajirisaj ri k'o wik'in. Y kere' xinbij: Kan nibiyin k'a ri ruya'al ri runaq' taq nuwech chi paq'ij chi chaq'a'. Kan man nitane' ta k'a, roma ri ruk'ayewal ri qajineq pa kiwi' ri nuwinaq.

Wuj Richin ri Jeremías 14:19

Jehová, ¿kan xawixowaj kami kan jumul ri tinamit Judá? ¿Kan itzel chik kami k'a natz'et ri tinamit Sión? ¿Achike roma janila xojaya' pa tijoj-poqonal? Qoyoben k'a uxlanibel-k'u'x, jak'a xa man utz ta ri qak'ulun. Qoyoben k'a raxnaqil, jak'a xa kan xaxe k'a xibinri'il ri k'o.

Wuj Richin ri Jeremías 8:22

K'ate' ta k'o jun raq'omal richin yek'achoj, achi'el ri k'o chiri' pa ruwach'ulew Galaad. K'ate' ta k'o jun aq'omanel kichin. ¿Achike roma man yek'achoj ta q'anej ri nuwinaq?

Wuj Richin ri Jeremías 9:18

K'ari' ri winaqi' xkibij: Kan kepe chi'anin richin chi ye'oq' qik'in richin keri' roj kan más xqojoq', k'a toq yenoj ri runaq' taq qawech rik'in ri ruya'al y kan xtibiyin k'a ruya'al-qawech.

Wuj Richin ri K'uxla'anik 1:12

Y rix ri janipe' yixq'ax chupan ri bey, kixpa'e' y titz'eta'. Tich'obo-qa wi k'o ta chik jun q'axo'n, achi'el re q'axo'n re qajineq pa qawi' roj. Ri Jehová kan xuya' k'a pe re tijoj-poqonal re' pa qawi' toq xyakatej janila royowal chiqij.

Ez 32:31

Toq ri rey richin Egipto y ri aj-labal xtikitz'et ronojel re', xtikuqer k'a qa kik'u'x, roma ek'o ch'aqa' chik ri nikitej poqon junan kik'in. Yin Jehová ri yibin.

Dn 9:12

Rat kan xataqej k'a ronojel ri abin-pe pa qawi' roj y pa kiwi' ri aj-raqen y pa kiwi' ri e q'atoy taq tzij, roma kan xaya' pa qawi' ri jun nimalej ruk'ayewal. Kan man jun bey k'a banatajineq rik'in jun chik ruwach'ulew ri achi'el ri xuk'uluwachij ri tinamit Jerusalem.