Wuj Richin ri K'uxla'anik 1:9 - Kaqchiquel Bible

⁹ Ri kitziaq kan xtz'ilobitej roma ri mak ri', rije' kan man xkich'ob ta k'a ri nuk'en-pe pa kiwi'. Kan nak'en rukiy toq xechapatej chupan ri kimak. Y re wakami kan man jun k'a achike ta nikuquban kik'u'x. Nikik'utuj k'a chire ri Jehová chi tutzu' ri kiq'axo'n. roma ri e etzelanel kichin kan xkinimirisaj-ki'.

Wuj Richin ri K'uxla'anik 1:9 ပူးပေါင်းရင်းမြစ်များ

2 Sam 16:12

Rik'in juba' ri Jehová xtutz'et ri tijoj-poqonal ri ninq'axaj, y kan xtujoyowaj nuwech pa ruk'exel ri itzel oyonik ri xuya' ri Simí pa nuwi', xcha'.

2 Rey 14:26

Y ri Jehová xutz'et k'a ri nimalej poqonal ri nuk'owisaj ri tinamit Israel, y chiri' kan man jun nikolon kichin, stape' jun samajel yuqul pa samaj o man samajel ta.

Wuj Richin ri Nehemías 9:32

Roma ri' nimalej qa-Dios, ri k'o ronojel uchuq'a' awik'in y kan xaxe chawech rat ruk'amon chi yojbaybot. Rat ri xajikiba-atzij chiqawech y kan xaben ri xabij. Man ta ti ko'ol ok chawech re tijoj-poqonal re niqaq'axaj roj, ri e qa-rey, ri e qatata'al, ri e qa-sacerdote, ri e q'alajirisey ri ach'abel, ri e qawinaq y ri qate-qatata'. Ri qawinaq kan xkitej-pe poqon kan ja toq xepe ri aj-Asiria, k'a chupan re q'ij re'.

Wuj Richin Bix Chire ri Dios 119:153

Jehová tatzu' ri nutijoj-poqonal y kinajech'ej chuwech, roma yin kan man in mestawineq ta chire ri apixa'.

Wuj Richin Bix Chire ri Dios 140:8

Tabana' utzil man taya' chike ri winaqi' e itzel ri nikirayij rije'. Man taben chike chi yebe pa jotol, richin chi man nikinimirisaj-ki'.

Wuj Richin Bix Chire ri Dios 25:18

Tatzu' ri nuq'axo'n y re ruk'ayewal re ninq'axaj, y takuyu' ronojel ri numak.

Wuj Richin Bix Chire ri Dios 69:21

Chupan ri nuway xkixol kamisanel aq'om, y toq xchaqi'j nuchi', xa xkiya' k'ayilej-vino chuwe.

Ex 3:17

Xubij k'a chi yixrelesaj-el chupan ri tijoj-poqonal, y yixruk'uaj k'a chupan ri ruwach'ulew ri wakami k'o pa kiq'a' ri winaqi' aj-Canaán, ri heteo, ri amorreo, ri ferezeo, ri heveo, y ri jebuseo, ruwach'ulew akuchi niwachin-wi ronojel ruwech tiko'n, kere' xubij chuwe, xkacha' chike.

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Ex 4:31

Ri israelita xkinimaj k'a. Y toq xkak'axaj chi ri Jehová yeruk'uxla'aj y xutz'et ri kitijoj-poqonal, rije' kan xkiqasaj-qa-ki' k'a pan ulew y xkiya' ruq'ij ri Jehová.

Wuj Richin ri Molojri'il 4:1

Y xeri' xintz'et chuqa' ronojel ri ch'a'oj ri yebanatej chuwech re ruwach'ulew y xentz'et k'a ri winaqi' ri ye'oq' pa kiq'a' ri yetz'ilo kichin y man jun k'a nikuquban ta kik'u'x. Ri winaqi' ri' kan man jun k'a utz ri nikoyobej ta, roma ri q'atbel-tzij xa pa kiq'a' ri yeya'on pa tijoj-poqonal k'o-wi.

Wuj Richin ri Isaías 3:8

Ri tinamit Jerusalem k'o pa wululen; chuqa' ronojel ri ruwach'ulew Judá xa xch'akatej. Ri kich'abel y ri kibanobal kan nuq'alajirisaj chi e yakatajineq chirij ri Jehová.

Wuj Richin ri Isaías 37:17

Roma ri' kan jebel k'a taya' axikin rat Jehová, y tawak'axaj. Kan jebel tajaqa' ri runaq' taq awech y tatz'eta'. Tawak'axaj k'a ronojel ri ruch'abel ri Senaquerib, ri rutaqon-pe rubixik richin nuya' ak'ix rat, ri k'aslik Dios.

Wuj Richin ri Isaías 37:23

¿Achike ta k'a ri xaya' ruk'ix, y kan xaqasaj ruq'ij? ¿Achoq chirij xajeq pan achi', y kan janila xanimirisaj-awi' chuwech? Kan chuwij yin ri in Loq'olej ri ink'o wawe' pan Israel.

Wuj Richin ri Isaías 37:29

Roma xayakatej chuwij, y xanimirisaj-awi', roma ri' re wakami kan xtinya' k'a jun ch'ich' pan atza'n y jun chik ch'ich' pan achi' richin yaruq'et. Rik'in ri' kan xtinben chawe richin yatzolin ri akuchi at peteneq-wi, xcha' ri Dios chire ri Senaquerib.

Wuj Richin ri Isaías 37:4

Rik'in juba' ri Jehová ri qa-Dios xrak'axaj ri ch'abel ri xubij ri aj-raqen pa kiwi' ri aj-labal aj-Asiria, richin noruya' ruk'ix ri k'aslik Dios. Y rik'in juba' ri Dios xtuya' rutojbalil pa ruwi' roma ri ch'abel ri'. Wakami kach'on k'a rik'in ri qa-Dios pa qawi' roj y pa kiwi' ri k'a ek'o kan, xecha'.

Wuj Richin ri Isaías 40:2

Kach'on kik'in ri aj-Jerusalem, y katzijon kik'in rik'in ajowabel. Taya' rutzijol chike chi ri ximonri'il ri ek'o-wi, kan xtik'is, y ri kimak xa xinkuy yan. Kan k'iy yan bey xkik'ul ri rutojbalil ri kimak.

Wuj Richin ri Isaías 47:7

Rix xich'ob chi ri itinamit kan xtik'oje' richin q'asen, achi'el jun reina ri nik'ase' richin jantape'. Jak'a kan man xich'ob ta juba' ri xiben, ni man xoqaqa ta chi'ik'u'x ri nuk'en-pe chiwe.

Wuj Richin ri Isaías 51:19

Y roma re ruk'ayewal re', man jun k'o richin xtukuquba' ik'u'x. Xa ja ri wululen, ri oyowal, ri wayjal y ri kamik ri xpe chiwij, y roma ri', ¿wakami achike k'a xtikuquban ik'u'x?

Wuj Richin ri Isaías 54:11

Rix winaqi' aj-Jerusalem kan janila ix tz'ilon, roma kan achi'el ixk'o pa jun nimalej kaq'iq'. Rix kan man jun nikuquban ik'u'x, jak'a yin kan xtinpaba' chik ri itinamit rik'in jebelej taq abej. Y ri tz'aq kan xtinya' pa ruwi' ri jebelej abej zafiro.

Wuj Richin ri Jeremías 13:27

Kan nutz'eton ri itzel irayibel, achi'el nikiben ri achi'a' y ri ixoqi' ri nikikanola-ki' richin yemakun, kan nutz'eton k'a ri ruk'ixbilal ri ik'aslen, ri itzel taq ibanobal ri niben pa ruwi' ko'ol taq juyu' y pa taq juyu'. Roma ri' toq'ex iwech rix aj-Jerusalem ¿K'a janipe' k'a nich'ajch'ojirisaj-iwi'?, xcha' ri Jehová.

Wuj Richin ri Jeremías 16:7

Man jun k'a xtik'amon-pe q'utun richin yekiq'ejela' ri ek'o pa bis. Chuqa' man jun xtik'amon-pe vino, stape' kan ja ri te'ej o ri tata'aj ri niken.

Wuj Richin ri Jeremías 2:34

Y rix kan e ikamisan winaqi' ri xa man jun kimak kibanon y man xe'iwil ta chubanik jun eleq'. Stape' chirij ri itziaq kan xtz'etetej k'a kik',

Wuj Richin ri Jeremías 48:26

Rix kan xkixbiyin achi'el q'abarela' roma xixyakatej chuwij yin Jehová. Rix kan xtikich-iwi' chupan ri ixa'oj y konojel winaqi' xkeyojoben chiwij,

Wuj Richin ri Jeremías 5:31

Ri nikibananej chi e q'alajirisey nuch'abel xa ruyon tz'ukun taq tzij ri xkiben; ri e sacerdote nikiq'et-tzij achi'el ri nikajo' rije' y ri nutinamit ja ri keri' ri nikajo'. ¿Achike k'a xtiben rix toq xtapon ri q'ij richin ri q'atoj-tzij?

Wuj Richin ri Jeremías 50:29

Ke'iwoyoj k'a konojel ri aj-ch'ab, richin chi nibekibana' oyowal kik'in ri aj-Babilonia. Tisutij k'a rij ri tinamit richin chi man jun nanimej-el. Tiya' k'a ri rutojbalil pa kiwi' achi'el ri ruk'amon. Tibana' k'a kik'in achi'el ri xkiben rije', roma kan xkinimirisaj-ki' chinuwech yin, Jehová ri loq'olej Dios richin ri tinamit Israel.

Wuj Richin ri K'uxla'anik 1:17

Ri tinamit Sión kan xuk'utuj to'onik, jak'a kan man jun xto'on richin. Ri Jehová kan jare' k'a ri ruchojmilal ri ruya'on kan pa ruwi'; chi ri tinamit ri ek'o chunaqaj xke'ok etzelanel richin. Roma ri' ri Jerusalem kan itzel k'a xtz'et koma rije'.

Wuj Richin ri K'uxla'anik 1:21

Ri winaqi' kan nikak'axaj ri qajiloj, jak'a kan man jun xkuquban ta juba' qak'u'x. Konojel ri e etzelanel qichin xkak'axaj k'a re qatijoj-poqonal, kan xekikot k'a roma re xaben chiqe. Jak'a kan xtapon na k'a ri q'ij ri abin-pe richin ruk'ayewal pa kiwi' rije', richin xtikik'uluwachij achi'el re qak'uluwachin roj re wakami.

Wuj Richin ri K'uxla'anik 2:13

Man jun yitikir ninben richin yixinto', rix nuwinaq aj-Jerusalem. Man jun yitikir ninbij richin ninkuquba' ik'u'x. Ri tinamit kan man jun bey chik xtibe pa jotol, roma ri wululen. Y roma ri' ¿achike ta k'a xtitikir xtelesan ri q'axo'n ri k'o iwik'in?

Wuj Richin ri K'uxla'anik 4:1

Ri q'anapueq xa kan janila k'a xq'eqer. Ri jebelej q'anapueq xa man nitz'intz'ot ta chik. Ri jebelej taq abej richin ri rachoch ri Dios xa kan e talutajineq k'a kan pa taq krusin-bey.

Wuj Richin ri K'uxla'anik 5:1

Nimalej Jehová, tabana' jun utzil chiqe. Katzu'un-pe y tatzu' re k'ixbilal re ojk'o-wi.

Os 2:14

Ri Jehová xubij chik chuwe: Jak'a yin kan xtinbochi'ij chik k'a el ri nutinamit Israel. Y xtink'uaj k'a el pa tz'iran ruwach'ulew, chiri' xkitzijon-wi rik'in chi utzil.

Wuj Richin ri Sofonías 2:10

Jak'a rajel ruk'exel re' ri xtikik'ul ri moabita y ri amonita, roma kan xkinimirisaj-ki', y kan xekik'ixbisaj ri e nutinamit; yin Jehová ri k'iytisanel richin ronojel ri yibin.

San Juan 11:19

E k'iy k'a winaqi' aj-Judea ri xe'apon chikiq'ejeloxik ri Marta y ri María, roma ri rukamik ri kixibal.

Deut 26:7

Roma ri' xkik'utuj chawe rat Jehová ri qa-Dios, xkik'utuj richin chi ye'ato'. Rat kan xe'awak'axaj y xajoyowaj kiwech. Xawetamaj ri kowilej taq samaj y xatz'et ri tijoj-poqonal ri xya'ox pa kiwi'.

Deut 32:27

Jak'a yin xintz'et yan chi ri e etzelanel iwichin xa xketze'en, roma ri' man xinya' ta q'ij richin nikiqasaj nuq'ij y nikibij ta chuwij: Re' man ja ta ri Jehová ri xya'on ruk'ayewal pa kiwi', xa kan ja roj ri xojbanon, xkecha', keri' xintz'et yan yin, xcha' ri Jehová

Deut 32:29

Y k'ate' ta k'o ina'oj, richin chi niq'ax ta chiwech, y niwetamaj ta ri achike chuqa' peteneq chiwij.

1 Pedro 4:17

Xa kan juba' chik ok q'ij richin ri Dios nuq'et-tzij pa ruwi' ri ruwach'ulew. Nabey nuq'et-tzij pa qawi' roj ri oj ralk'ual chik rija'. Y wi nabey nuq'et-tzij pa qawi' roj, ¿achike chik k'a ruwech chi tijoj-poqonal ri xtiqaqa pa kiwi' ri man xkinimaj ta ri nubij ri utzilej ch'abel richin kolotajik?

1 Sam 1:11

Y xuben k'a jun jikibel-tzij rik'in ri Dios y kere' xubij: Wi rat Jehová kan at qitzij k'iytisanel richin ronojel, xtaya-pe jun ti wal ala', y yin kan xtinya' k'a chawe y kan xtok awichin chijun ruk'aslen y man xtisokex ta rusumal-ruwi', xcha'.