Wuj Richin ri K'uxla'anik 1:7 - Kaqchiquel Bible

⁷ Ri winaqi' aj-Jerusalem kan noqaqa k'a chikik'u'x ronojel ri beyomel ri xk'oje' kik'in ri ojer kan. Jak'a re wakami xa nikitej poqon juk'an chik ruwach'ulew. Toq xetzaq pa kiq'a' ri e etzelanel kichin, kan man jun xto'on kichin. Ri e etzelanel kichin xekitzu' y xetze'en chikij roma ri kiwululen.

Wuj Richin ri K'uxla'anik 1:7 ပူးပေါင်းရင်းမြစ်များ

Wuj Richin ri Achin Job 29:2

¡Janila ninrayij chi yitzolej ta chupan ri ka'i' oxi' ik' kan chuwij, chupan ri q'ij toq kan ja wi ri Dios ri chajiyon wichin!

Wuj Richin Bix Chire ri Dios 42:4

Toq noqaqa chinuk'u'x ronojel re', kan achike na k'a nuben ri wánima. Noqaqa k'a chinuk'u'x ri ojer toq in beneq kik'in ri tzobaj winaqi', y yenk'uaj k'a chupan ri awachoch. Y qonojel kan yojnimaq'ijun k'a, y ri qabix kan richin k'a kikoten y matioxinik.

Wuj Richin Bix Chire ri Dios 77:3

Xinch'ob k'a rij ri Dios y kan xusiloj ri wánima janila, y xinoq'; kan yijilo k'a y kan nimayamo' yan k'a qa ri wánima.

Wuj Richin Bix Chire ri Dios 79:4

Kan yojkiyojobej ri ek'o chiqanaqaj. Ri ch'aqa' chik ruwach'ulew yetze'en chiqij.

Wuj Richin ri Isaías 64:10

Ri tinamit ri ek'o pa qaruwach'ulew xa kan xetole' k'a kan. Ri tinamit Sión xa kan xok kan jun tz'iran ruwach'ulew, y tolan-tolan xuben kan.

Wuj Richin ri Isaías 64:11

Roj y ri qati't-qamama' xqaya' aq'ij chupan ri awachoch akuchi k'o-wi ri ak'ojlen. Jak'a re wakami xa kan xk'is yan roma ri q'aq'. Ronojel ri ek'o qik'in ri taq e jebel ok, kan xek'is.

Wuj Richin ri Jeremías 37:7

Kere' nubij ri Jehová, Dios richin ri tinamit Israel chi tabij chike ri e ka'i' ri e rutaqon-pe richin kere' nokik'utuj chuwe: Yin Jehová Dios richin Israel ninbij chawe rat rey Sedequías chi ri aj-labal aj-Egipto, ri kichapon chik pe bey richin yixokito-el, xa xetzolin chik pa kiruwach'ulew.

Wuj Richin ri Jeremías 48:27

roma rix aj-Moab, kan xixyojoben chikij ri israelita y xixch'on chikij rije' rik'in joyobenik, chi achi'el xa ta e eleq'oma'.

Wuj Richin ri K'uxla'anik 4:17

Kan xqakanoj k'a to'onik, jak'a man xqil ta. Roma ri' ri runaq' taq qawech xa kan xk'is yan k'a ruchuq'a'. Ri e chajinela' yetzu'un k'a nej koyoben to'onik jak'a man jun chike ri ruwach'ulew ri xpe ta richin xojkikol

Ez 25:3

Y jare' ri rutzijol ri xuya' chike ri aj-Amón: Tiwak'axaj ri nuch'abel yin Jehová. Rix kan xixkikot k'a xitz'et chi ri wachoch man xya'ox ta rejqalen y chuqa' toq ri ruwach'ulew Judá xa xwuluwu-qa y ri winaqi' aj chiri' xe'uk'uex-el pa ximonri'il.

Ez 25:6

Ja yin Jehová ri yibin. Y rix aj-Amón, toq ri ruwach'ulew Judá xa xwuluwu-qa, rik'in k'a kikoten xipaq'apa-iq'a' y chuqa' rik'in k'a ronojel iwánima xe'iwetzelaj.

Os 2:7

Ri ixoq ri' kan xkerutzeqelibej k'a el ri xe'ajowan richin jak'a xa man xkeberuq'i' ta. Xkerukanoj, jak'a xa man xkeril ta. K'ari' xtubij-qa: Kitzolej na rik'in ri nabey wachijil roma xa kan utz nubanon toq ink'o rik'in rija' ke chuwech re nubanon wakami, xticha-qa.

Wuj Richin ri Miqueas 4:11

Y toq xtapon ri q'ij ri', xa xtikimol-ki' e k'iy winaqi' richin xkeyakatej chiwij. Y rije' xtikibij: Jare' ri qarayibel pa ruwi' ri tinamit Sión. Kan xtiqasex k'a ruq'ij, xkecha'.

San Lucas 15:17

Y re ala' re', k'ari' xtzolin-pe ruk'u'x, y xuch'ob-qa: Konojel ri e rusamajela' ri nata' man nikitej ta wayjal, roma k'o k'iy kiway. Jak'a yin yiken yan qa roma wayjal wawe'.

San Lucas 16:25

Jak'a ri Abraham xubij chire: Toqaqa k'a chi'ak'u'x, chi toq xak'ase' chuwech ri ruwach'ulew, yalan jebel xak'owisaj ri ak'aslen, jak'a re Lázaro yalan tijoj-poqonal xuk'owisaj. Jak'a re wakami, rija' yalan jebel ri ruk'aslen ri xorila' wawe', y rat xa jun k'aslen richin tijoj-poqonal xawil.