Wuj Richin ri K'uxla'anik 1:4 - Kaqchiquel Bible

⁴ Ronojel ri bey richin Sión, kan bis, bis nitzu'un. Kan man jun chik wineq napon ta chiri' richin ninimaq'ijun. Ri pa taq ronojel okibel kan man jun chik nok-apo chupan. Ri e sacerdote kan yejilon janila, ri xtani' ri yebixan chiri' kan e poqonatajineq, ri ruk'aslen ri tinamit xa k'ey-k'ey rubanon.

Wuj Richin ri K'uxla'anik 1:4 ပူးပေါင်းရင်းမြစ်များ

Wuj Richin ri Isaías 3:26

Y ri tinamit xa xtitole-xtitole' kan. Kan xtik'oje' pa bis, y ri winaqi' kan xketz'uye' pa poqolaj roma bis.

Wuj Richin ri Jeremías 10:22

Kan peteneq k'a jun rutzijol kere' pa xaman chi peteneq jun nimalej ruk'ayewal, richin chi nuben chire ronojel tinamit richin Judá chi man jun chik nik'oje' kan chuwech y nuben chi chiri' xkebek'ase-wi ri utiwa', xecha' rije'.

Wuj Richin ri Jeremías 14:2

Ri winaqi' aj-Jerusalem y ri ch'aqa' chik richin ri tinamit Judá ek'o pa bis, ri tinamit kan e poqonatajineq y ri winaqi' kan kitorin-ki' pan ulew roma ri q'axo'n. Rije' nikireq kichi' roma ri ruk'ayewal.

Wuj Richin ri Jeremías 9:11

Y ri Dios xubij chi xtiberubana' chire ri tinamit Jerusalem chi xtipe jun wululen pa ruwi'. Chuqa' xtuben chire chi xtok kijul ri chikopi' achi'el utiwa'. Y chike ri ch'aqa' chik tinamit richin ri Judá xtuben richin xke'ok tz'iran taq ruwach'ulew y kan man jun chik wineq ri xtik'oje' chiri'.

Wuj Richin ri K'uxla'anik 1:21

Ri winaqi' kan nikak'axaj ri qajiloj, jak'a kan man jun xkuquban ta juba' qak'u'x. Konojel ri e etzelanel qichin xkak'axaj k'a re qatijoj-poqonal, kan xekikot k'a roma re xaben chiqe. Jak'a kan xtapon na k'a ri q'ij ri abin-pe richin ruk'ayewal pa kiwi' rije', richin xtikik'uluwachij achi'el re qak'uluwachin roj re wakami.

Wuj Richin ri K'uxla'anik 5:13

Ri alaboni' xe'ukusex richin nikisiloj ri abej ri nike'en. Ri k'ajola' kan xk'is k'a kuchuq'a' chi reraxik si'.

Wuj Richin ri K'uxla'anik 5:14

Ri e tata'al kan e maneq chik k'a pan okibel chire ri qatinamit. Kan man nak'axatej ta chik ri kibix ri alaboni'.

Os 2:13

Xtinya' k'a rutojbalil-mak pa ruwi' roma ri janipe' q'ij xkamela'an chuwech ri Baal. Kan nuwiq-el-ri' rik'in ri ruwi-ixkinaj y ri richinaj richin nitzeqe-el chikij ri ch'aqa' chik achi'a', richin chi xirumestaj kan yin, nicha' ri Jehová.

Wuj Richin ri Chojmirisabelri'il 26:22

Kan xtinben chi xkepe k'uxunela' taq chikopi', kan xkekitej ri iwalk'ual, chuqa' xkekitej ri iwawej y kan xkixk'is, y kan xtitole' kan ri bey.

Wuj Richin ri Miqueas 3:12

Roma ri kimak re winaqi' re', ri tinamit Sión xa xtok kan jun qasanbel-ulew. Ri Jerusalem xa xtok kan wuluwik abej. Y ri pa ruwi' ri juyu' ri akuchi k'o-wi ri rachoch ri Dios, xa xtok kan k'echelaj ri nojineq chi che'.