Wuj Richin ri K'uxla'anik 1:15 - Kaqchiquel Bible

¹⁵ Ri qajaw kan xeruk'is k'a el ri aj-labal ri e qichin roj. Y xeroyoj k'a winaqi' chiqij richin chi yojkik'is. Xepe richin xekikamisaj kan ri k'ajola'. Ri Jehová kan xuben k'a chiqe achi'el toq nipitz' ri uva.

Wuj Richin ri K'uxla'anik 1:15 ပူးပေါင်းရင်းမြစ်များ

2 Rey 9:33

K'ari' ri Jehú xubij-q'anej chike: Tik'aqa-pe la ixoq la', xcha'. Y rije' kan xbekinima-pe ri Jezabel ri k'o chiri' pa ventana. Y ri rukik'el xtzopin chirij ri tz'aq y chikij ri kiej. Y ri kiej kan xeq'ax k'a chirij ri ruch'akul ri Jezabel.

Wuj Richin Bix Chire ri Dios 119:118

Rat kan ye'awixowaj konojel ri nikich'er kan ki' chire ri apixa', roma ri kich'obonik xa man jun rejqalen.

Wuj Richin ri Isaías 28:18

Y kan xtinyoj k'a ri jikibel-tzij ri ibanon rik'in ri kamik; kan xtiyojtej ri itzij ri xiya' rik'in ri jul richin muqbel. Y toq xtipe ri nimalej ruk'ayewal, rix kan xkixruk'is, achi'el ri q'eqel-job nuqirirej-el ronojel.

Wuj Richin ri Isaías 41:2

¿Achike kami xbanon richin xbek'ulun-pe jun rey chiri' pa relebel-q'ij? ¿Achike kami xya'on ri ajawaren pa ruq'a'? ¿Achike kami xejachon-el ri tzobaj winaqi' richin ri ruwach'ulew pa ruq'a'? Y ¿Achike kami xq'aton kichin ri ch'aqa' chik rey? Ri rey ri xtipe kere' pa relebel-q'ij, xkerukamisaj ri winaqi' chi espada, y rije' xke'ok poqolaj. Chuqa' xkerukamisaj rik'in ri rute-ruch'ab, y ri rupoqolajul ri kich'akul ri winaqi' ri' xtuk'uex-el roma kaq'iq', achi'el nuben ri solot.

Wuj Richin ri Isaías 5:5

Wakami k'a xtinbenbij chiwe ri achike xtinbenbana' rik'in ri nutiko'n richin uva. Xa kan xtinwelesaj k'a ri qejoj chirij richin chi nik'is. Xtinwop k'a ri tz'aq ri rusutin-rij richin chi nipalibex kan.

Wuj Richin ri Isaías 63:3

Ja', yin xinpitz' kan uva, jak'a kan man jun k'o richin xto'on wichin. Kan rik'in woyowal xenxeq' chi'aqen ri e etzelanel wichin, y kan xenpalibej rik'in woyowal. Ri kikik'el xtzopin chuwij, y xok chirij ri nutziaq.

Wuj Richin ri Jeremías 13:24

Roma ri' kan xkixintaluj-el achi'el ri páxa ri ruk'uan-el kaq'iq' ri nipe pa tz'iran ruwach'ulew.

Wuj Richin ri Jeremías 14:17

Y ri Jehová xubij chuwe chi tinq'alajirisaj ri k'o wik'in. Y kere' xinbij: Kan nibiyin k'a ri ruya'al ri runaq' taq nuwech chi paq'ij chi chaq'a'. Kan man nitane' ta k'a, roma ri ruk'ayewal ri qajineq pa kiwi' ri nuwinaq.

Wuj Richin ri Jeremías 18:21

Jak'a re wakami nink'utuj utzil chawe richin xtaben ta chi xkeken ri kalk'ual roma wayjal y roma ri espada. Ri ixoqi' kan xkemalkanej ta kan y xkek'is ta el konojel kal. Ja ta ri nima-yabil xtikamisan kichin ri achi'a', y ri alaboni' xkeken ta pa taq labal.

Wuj Richin ri Jeremías 37:10

Roma stape' rix xke'ik'is konojel ri aj-labal aj-Babilonia y yek'oje' ta kan jujun achi'a' ri e sokotajineq, re achi'a' re' xkeyakatej k'a pe y xtikiya' ruq'aq'al ri itinamit, xcha' ri Dios chuwe.

Wuj Richin ri Jeremías 50:26

Y rix ri ix etzelanel kichin, kan ke'ik'ulu' k'a chi oyowal xabakuchi. Tijaqa' k'a ri kik'ujay. Timolo' ronojel ri k'o kik'in y ke'ik'isa', richin keri' man jun xtik'oje' kan.

Wuj Richin ri Jeremías 51:34

Ri winaqi' aj-Jerusalem nikibij: Ri Nabucodonosor rey richin Babilonia kan xusech qak'u'x y kan xojruk'ux richin xojruk'is. Kan xuben k'a chiqe achi'el jun leq ri man jun chik rupan. Kan xojrubeq' achi'el nuben jun nimalej chikop ri k'o pa palou. Kan xnoj k'a rupan rik'in ri jebelej ri k'o qik'in y ri man xuk'is ta xuchubaj-el.

Wuj Richin ri Jeremías 6:11

Kan woyowal achi'el rat y janila xikos yan richin ninkoch', xicha'. Roma ri' ri Dios nubij: Kan xtinya' k'a pa kiwi' ri taq ak'uala' ri ye'etz'an pa taq bey y chuqa' pa kiwi' ri alaboni' ri nikik'uaj-ki' pa taq tzobaj. Chuqa' chi achi'a' chi ixoqi' xke'uk'uex ta el pa ximonri'il, junan kik'in ri más taq e rijita'q.

Wuj Richin ri K'uxla'anik 2:21

Chi ak'uala', chi rijita'q e punupuxineq kan pa taq bey. Ri xtani' y ri alaboni' xekamisex kan chi espada. Roma ri awoyowal, xateq k'a pe ri kamik chiqij. Xe'akamisaj k'a konojel y man xajoyowaj ta kiwech.

Wuj Richin ri K'uxla'anik 3:34

Ri Jehová kan nutz'et ronojel banobel ri kan man e utz ta: Achi'el toq niqasex kiq'ij winaqi' ri ek'o pa cárcel;

Dn 3:13

Toq xrak'axaj keri', ri rey kan xyakatej k'a janila royowal, y roma ri' xuteq kik'amik ri Sadrac, ri Mesac y ri Abed-negó. Y kan chi'anin k'a xek'amer-pe chuwech ri rey.

Joel 3:13

Kan kekamisex, y ketzaq achi'el nitzaq ri trigo toq q'en chik y niq'at. Kan ke'ipitz'a' k'a achi'el nipitz' ri uva, roma ri kimak kan janila k'iy, achi'el ruk'iyal ri vino.

Wuj Richin ri Miqueas 7:10

Rix ri ix etzelanel qichin kan xtitz'et ri xtibanatej. Kan xkixk'ixbitej k'a janila, rix ri xixtze'en chiqij, ri kan nibila' chiqe chi akuchi k'o-wi ri Jehová ri qa-Dios. Wakami k'a xtiqatz'et ri xtiberuk'uluwachij ri iruwach'ulew. Rix kan xkixbexolq'otix achi'el ri ch'abeq ri k'o pa taq bey.

Wuj Richin ri Malaquías 4:3

Chupan k'a ri q'ij ri', kan xke'ipalibej ri e banoy taq etzelal achi'el nipalibex ri chaj. Yin Jehová ri in k'iytisanel richin ronojel kan ninjikiba'.

San Lucas 21:24

E janila k'a k'iy winaqi' xkeken pa kiq'a' ri aj-labal. Y ri ch'aqa' chik chike ri winaqi' xke'uk'uex-el pa ch'aqa' chik ruwach'ulew. Y re Jerusalem xtixeq'-xtipalibex koma winaqi' ri xa man e judío ta, k'a ja toq xtapon ri q'ij toq man xtikiq'et ta chik tzij ri winaqi' ri' pa ruwi' ri Jerusalem.

Deut 28:33

Ronojel ri itiko'n ri kan ja rix ix samajiyon-qa xketij koma ri winaqi' ri man jun bey iwetaman ta kiwech, y kan jantape' xtiban chiwe richin xtitej poqon.

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

Apocalipsis 19:15

Y ri pa ruchi' nik'ulun k'a pe jun achi'el espada ri janila rey. Y kan rik'in ri' xkeruch'ek ri winaqi' ri ek'o pa taq ruwach'ulew. Y kan ja rija' ri xtiq'aton-tzij rik'in ronojel uchuq'a' pa kiwi'. Kan nuq'alajirisaj ri nimalej royowal ri Dios achi'el toq niyitz' ri uva chupan ri yitz'bel.

Wuj Kichin ri To'onela' 10:8

Y re winaqi' re' waqxaqlajuj juna' xekiya' pa tijoj-poqonal ri israelita ri ek'o pa ruwach'ulew Galaad ri k'o pa relebel-q'ij chire ri raqen-ya' Jordán, ri nibix chuqa' ruwach'ulew kichin ri amorreo chire.