San Juan 8:33 - Kaqchiquel Bible

³³ Ri winaqi' ri' xkibij: Roj kan oj riy-rumam kan ri Abraham, y roma ri' man jun bey xojk'oje' ta chuxe' kitzij ch'aqa' chik, achi'el ta oj loq'on taq samajela'. ¿Achike k'a roma toq nabij chiqe chi xqojkolotej-el?, xecha'.

နောက်ထပ်ဗားရှင်းများ

Kaqchikel Santo Domingo (Xenacoj)

³³ Y rejeꞌ xkibꞌij: Roj, roj riy-rumam kan ri ojer qamamaꞌ Abraham, y ma jumbꞌey roj okuneq loqꞌon samajelaꞌ. ¿Achike roma ndabꞌij chi ngojel libre?

Kaqchikel Santa Maria de Jesus

³³ Y ri vinak reꞌ xquiꞌej: Ojreꞌ oj rumáma can ri Abraham, y rumareꞌ man jun bꞌay oj-acunak esclavos. ¿Karruma naꞌej chika chi xkujiel libres?

Kaqchikel Central Guatemala

³³ Y ri vinek ri' xquibij c'a: Roj can oj riy-rumam can ri Abraham, y romari' man xojc'oje' ta chuxe' quitzij ch'aka' chic, achi'el ta oj lok'on tak ajic'a'. ¿Achique c'a roma tok nabij chike chi xkojcolotej-el?

Re C'ac'a Testamento pa Kach'abal

³³ Y re nic'aj chic re man quiniman-ta xquibij: ¿Anchique roma tak nabij che xkojel libres? Roma re kamoma' Abraham can libre-va, y yoj, yoj rey-rumam can reja', man yoj ancha'l-ta re esclavos, sino can yoj libre-va.

Kaqchikel Western Solola

³³ Y ri winek ri' xquibij c'a: Riyoj can yoj riy rumam ca ri Abraham, y rumari' ma xojc'oje' ta chuxe' quitzij nic'aj chic winek. ¿Achique c'a ruma tek nabij chake chi yojtotej chuwech ronojel?

San Juan 8:33 ပူးပေါင်းရင်းမြစ်များ

Wuj Richin ri Rutikeribel 15:13

K'ari' ri Jehová xubij chire: Kan tawetamaj chi ri awijatzul xkebe'ok q'axel chupan jun chik ruwach'ulew ri man kichin ta rije'. Chiri' xkebexime-wi pa samaj, janila xketz'ilox y xtibekitija' poqon 400 juna'.

Wuj Richin ri Esdras 9:9

Stape' roj kan oj samajela' ri oj ximil pa samaj, stape' ojk'o chupan ri ilinri'il, rat man xojamalij ta kan. Xa kan xaya' k'a joyowanik chiqe chikiwech ri rey richin Persia. Y roma ri' xaya' kuqubabel-k'u'x qik'in richin niqapaba' chik q'anej ri awachoch. Y chuqa' niqayek chik q'anej ri e wulutajineq kan, y xojachajij wawe' pa Jerusalem y chupan ronojel ruwach'ulew richin Judá.

Wuj Richin ri Chojmirisabelri'il 25:42

Man k'a kek'ayix achi'el loq'on samajela' roma yin xixinwelesaj-pe chi'iwonojel rix pan Egipto; roma kan ix wichin yin.

San Mateo 3:9

Man k'a tich'ob-qa rix chi kan xaxe roma ix riy-rumam kan ri Abraham, xkixkolotej. Roma kan ta ri Dios nrajo' xa kan nuben ta chuqa' chike re abej re' chi ye'ok rijatzul ri Abraham.

San Lucas 3:8

Wi kan qitzij chi rix nitzolej-pe ik'u'x rik'in ri Dios, kan tiq'alajin k'a chupan ri ik'aslen. Man k'a tich'ob-qa rix chi kan xaxe roma ri ix riy-rumam kan ri Abraham, xkixkolotej. Roma, kan ta ri Dios nrajo', rija' yeruben ta riy-rumam ri Abraham chike re abej re yeqatz'et wawe'.

San Juan 19:25

Ri chiri' chuxe' apo ri cruz ri bajin-wi ri Jesús, k'o k'a apo ri María ri rute' y chuqa' jun rach'alal rija'. Chuqa' ek'o-apo ri María ri rixjayil ri achin rubini'an Cleofás y ri María aj-Magdala.

San Juan 8:37

Wetaman chi rix ix riy-rumam kan ri Abraham. Man rik'in ri' rix niwajo' yinikamisaj. Re' nuk'ut k'a chi rix man iya'on ta q'ij chire ri nuch'abel chi okineq ta ri pa taq iwánima.

San Juan 8:39

Rije' xkibij k'a chire ri Jesús: Ri Abraham jari' ri qatata' roj, xecha'. Y ri Jesús xubij chike: Wi rix ix riy-rumam ta kan ri Abraham, ye'ibanala' ta ri utz taq banobel achi'el ri xerubanala' rija'.

San Juan 8:43

¿Achike k'a roma toq man niq'ax ta chiwech ri ninbij chiwe? Roma rix man nikoch' ta niwak'axaj ri nuch'abel.

Romanos 9:7

Keri' chuqa' man konojel ta ri e rijatzul kan ri Abraham e ruwinaq ri Dios. Toqaqa chi'ik'u'x ri xubij*f16* ri Dios chire ri Abraham: Ri awijatzul xa rik'in ri Isaac xtel-wi-pe, xcha'.

Wuj Kichin ri To'onela' 2:18

Ri Jehová kan xujoyowala' k'a kiwech ri winaqi' toq rije' xesik'in roma janila k'iy bey xetz'ilox, y roma ri' xeruya' ri to'onela' chikikojol. Y ri Jehová kan xeruto' k'a ri to'onela', y rokik xek'ase-el rije', ri winaqi' kan xekolotej-wi pa kiq'a' ri eleq'oma'.

Wuj Kichin ri To'onela' 3:8

Y roma ri' ri Jehová kan xyakatej janila royowal chikij y xerujech pa ruq'a' ri Cusán-risataim, rey richin Mesopotamia; y kan xkisamajij waqxaqi' juna'.

Wuj Kichin ri To'onela' 4:3

K'ari' ri israelita xesik'in-q'anej rik'in ri Jehová, roma ri Jabín janila yerutz'ila', y keri' rubanon-pe chike juwineq juna' y chuqa' re achin re' ek'o e 900 ru-carruaje e banon rik'in ch'ich'.