San Juan 7:33 - Kaqchiquel Bible

³³ Jari' k'a toq ri Jesús xubij: K'a k'o na juba' q'ij ri yik'oje-el iwik'in. K'ari' xkitzolin rik'in ri achike taqayon-pe wichin.

နောက်ထပ်ဗားရှင်းများ

Kaqchikel Santo Domingo (Xenacoj)

³³ Romariꞌ, ri Jesús xubꞌij: Xe chik jubꞌaꞌ qꞌij ngikꞌojeꞌ chiꞌikajal, kꞌateriꞌ ngitzolij e apeꞌ kꞌo ri taqayon pe wichin.

Kaqchikel Santa Maria de Jesus

³³ Entonces ri Jesús xuꞌej: Cꞌa cꞌo jubꞌaꞌ tiempo ri nquicꞌujieꞌ iviqꞌuin. Después xquitzalaj riqꞌuin ri takayuon-pa vichin.

Kaqchikel Central Guatemala

³³ Jac'ari' tok xubij ri Jesús: C'a c'o na juba' tiempo ri yic'oje-el iviq'uin. C'ari' xquitzolin riq'uin ri achique takayon-pe vichin.

Re C'ac'a Testamento pa Kach'abal

³³ Jare' tak xubij re Jesús: C'a c'o chic ba' tiempo re yinc'ue-a iviq'uin. C'are' xquintzolaj riq'uin re anchique takayom-pa vichin.

Kaqchikel Western Solola

³³ Yac'ari' tek ri Jesús xubij: Xa juba' chic c'a ri yic'oje' el iwuq'ui. C'ac'ari' xquitzolin riq'ui ri achique yin takayon pe.

San Juan 7:33 ပူးပေါင်းရင်းမြစ်များ

Marcos 16:19

Toq ri ajaw Jesús ch'owineq chik kan kik'in ri rutijoxela', xbe y ri chila' chikaj xk'ul roma ri Dios, y xtz'uye-apo pa rijkiq'a'.

San Juan 13:1

Toq noqaqa yan ri q'ij richin ri nimaq'ij toq nikinataj toq ri Dios xuya' ri Solbelri'il, ri Jesús retaman chik k'a chi noqaqa yan ri hora richin chi rija' nel-el wawe' chuwech re ruwach'ulew y nitzolin chila' chikaj rik'in ri Dios, ri rutata'. Ri Jesús kan janila wi e rajowan-pe konojel ri kan e richin chik rija' ri ek'o wawe' chuwech re ruwach'ulew, y kan keri' xuben janipe' xk'oje-el.

San Juan 13:3

Ri Jesús kan retaman-wi chi ronojel jachon pa ruq'a' roma ri Dios ri rutata', y chiri' rik'in ri Dios peteneq-wi y chiri' chik nitzolej-wi-el.

San Juan 13:33

Juba' chik k'a ok re yik'oje' iwik'in rix ri kan achi'el taq walk'ual nubanon chiwe. K'ari' xkinikanoj. Jak'a wakami kan ninbij k'a kan chiwe, achi'el ri nubin chike ch'aqa' qawinaq judío, chi ri akuchi yibe wi yin, man xkixtikir ta xkixbe rix.

San Juan 14:12

Kan qitzij wi k'a ninbij chiwe: Ri kan xtukuquba' ruk'u'x wik'in, kan xkerubanala' k'a chuqa' ri samaj ri' ri xenben yin. Y kan más k'a nima'q taq samaj xkerubanala', roma jari' toq yin ink'o chik rik'in ri nata' chila' chikaj.

San Juan 14:19

Jak'a ri winaqi' ri k'a kikuquban na kik'u'x rik'in re ruwach'ulew, xa juba' chik k'a ok re xkinkitz'et. Jak'a rix kan xkinitz'et-wi. Y roma kan k'o-wi nuk'aslen, rix chuqa' xtik'oje' ik'aslen kere'.

San Juan 14:28

Xa kan iwak'axan wik'in chi nubin chi yin kan xkibe-wi, jak'a yipe chik iwik'in. Y wi rix yalan ta yiniwajo', nikikot ta ri iwánima, roma yin kan rik'in k'a ri nata' yitzolin-wi-el, roma rija' kan más wi k'a ruq'ij ke chinuwech yin.

San Juan 16:10

Kan xtuq'alajirisaj k'a chuqa' chikiwech, chi yin kan in choj, roma yin rik'in ri nata' yinapon-wi. Jari' k'a toq rix man xkinitz'et ta chik.

San Juan 16:28

Kan rik'in-wi k'a ri nata' Dios in peteneq-wi, richin xinoqaqa chuwech re ruwach'ulew. Y re wakami, kan rik'in k'a chuqa' rija' yitzolin-wi, y ninya' kan re ruwach'ulew, xcha' ri Jesús.

San Juan 16:5

Re wakami, kan jare' k'a yitzolin rik'in ri taqayon-pe wichin. Y man jun chik chiwe rix nutijoxela' ri nik'utun ta pe chuwe ri akuchi xkibe-wi.

San Juan 17:11

Loq'olej nata' Dios, yin yitzolin k'a el awik'in. Jak'a rije' kan k'a yek'oje' na kan chuwech re ruwach'ulew, roma ri' ke'achajij k'a re winaqi' re' rik'in ri uchuq'a' ri k'o pan abi', y xaya' chuwe yin. Keri' rije' kan junan ta k'a kiwech y jun ta k'a nikiben, achi'el qabanon roj.

San Juan 17:13

Yin kan ja yan k'a re' yitzolin awik'in, jak'a k'a yik'oje' na el juba' chuwech re ruwach'ulew, ninbij ronojel re' richin chi ri yinkitzeqelibej yin, tz'aqet ta ri kikoten ri nik'oje' kan pa taq kánima, achi'el ri kikoten ri k'o wik'in yin.

San Juan 20:17

K'ari' ri Jesús xubij chire ri María: Man kinaq'etej roma man jani kibe rik'in ri nata' ri chila' chikaj. Xa kabiyin chubixik chike ri e nutijoxela', chi yin kan yibe k'a rik'in ri nata', ri kan itata' chuqa' rix. Kan yibe k'a rik'in ri nu-Dios, ri i-Dios chuqa' rix, xcha'.

San Juan 9:4

Rokik ri paq'ij, kan utz wi chi ninben ri rusamaj ri taqayon-pe wichin roma toq nok-pe ri aq'a', konojel man yetikir ta chik yesamej.