San Juan 7:22 - Kaqchiquel Bible

²² Y ri Moisés, toq xuya' ri pixa', xubij k'a chi tiya'ox ketal ri taq alaboni'. Jak'a xa man ja ta rija' ri xtikeriban-pe, xa ja ri qati't-qamama'. Roma ri pixa' ri', rix toq napon ri waqxaqi' q'ij talex jun ak'ual ti ala', stape' pa jun q'ij richin uxlanen, kan niya' k'a ri etal ri' chire.

နောက်ထပ်ဗားရှင်းများ

Kaqchikel Santo Domingo (Xenacoj)

²² Ri Moisés chupan ri ley xubꞌij kan chi kebꞌan circuncidar ri chꞌuteq kꞌajolaꞌ. Pero ma ja ta rijaꞌ xtzꞌuku kan chi keriꞌ tibꞌan, xa ja ri ojer teq iwatit-imamaꞌ ri más eꞌojer ke chuwech ri Moisés. Y rix hasta pa uxlanibꞌel qꞌij ngeꞌibꞌen circuncidar ri chꞌuteq kꞌajolaꞌ.

Kaqchikel Santa Maria de Jesus

²² Pero chupan ri ru-ley ri Moisés nuꞌej chi tiꞌan ri circuncisión. Pero man ja ta ri Moisés ri xtzꞌucu-pa ri circuncisión, xa ja ri kateꞌt-kamamaꞌ ri xaꞌtzꞌucu-pa. Y rumareꞌ ixreꞌ vacame, mesque chupan jun kꞌij richin uxlanien, can ntiꞌan ri circuncisión cha jun xuluꞌ alaꞌ.

Kaqchikel Central Guatemala

²² Y ri Moisés tok xuya' ri ley xubij c'a chi tiban ri circuncisión chique ri alabon. Pero xa man ja ta c'a rija' ri xtiquiriban-pe, xa ja ri ojer tak kati't-kamama' ri xetiquiriban-pe. Y romari' rix, tok napon ri vakxaki' k'ij talex jun ac'ual ti ala', stape' pa jun k'ij richin uxlanen, can niben-vi c'a ri circuncisión chire.

Re C'ac'a Testamento pa Kach'abal

²² Y re Moisés tak xuya' re ley xubij che tiban re circuncisión. Pero xa mana-ta reja' re xtz'ucu-pa, xa ja re kavinak xe'c'ue' ajuer can re xe'tz'ucu-pa. Y mare' yex, tak napon re vakxaki' k'ij talax-va jun ac'ual ala', astapa' pa jun k'ij chin uxlanen, can niban-va re circuncisión cha.

Kaqchikel Western Solola

²² Y ri Moisés tek xuya' ri ley, xubij c'a chi tiban ri circuncisión chique ri tak c'ajola' (alaboni'). Pero xa ma ya ta c'a riya' ri xtiquiriban pe, xa ye ri ojer tak kati't kamama' ri xetiquiriban pe. Y rumari' riyix, tek napon ri wakxaki' k'ij talex wi jun ac'al ti c'ajol (ala'), astape' pa jun uxlanibel k'ij, can niben wi c'a ri circuncisión chare.

San Juan 7:22 ပူးပေါင်းရင်းမြစ်များ

Wuj Richin ri Rutikeribel 21:4

Y rija' xuqupij k'a ri Isaac richin jun retal, toq k'o waqxaqi' ruq'ij achi'el rubin kan ri Dios chire.

Wuj Richin ri Chojmirisabelri'il 12:3

Y toq ri ak'ual k'o waqxaqi' ruq'ij, nik'atzin chi niban ri retal chi rija' kan jun israelita-wi.*f3*

Hechos 7:8

Rija' kan xuben k'a chuqa' jun jikibel-tzij rik'in ri Abraham. Ri jikibel-tzij ri' kan k'o k'a jun retal pa kich'akul ri achi'a'.*f16* Toq ri Isaac xalex, ri Abraham kan xuben k'a ri retal chire toq xa k'ari' waqxaqi' ruq'ij. Keri' chuqa' xuben ri Isaac toq xalex ri Jacob ri ruk'ajol. Y ja chuqa' xuben ri Jacob kik'in ri e kablajuj ruk'ajol ri xe'ok tata'aj richin re qatinamit Israel.

Gálatas 3:17

Y ninwajo' ninchojmirisaj chiwech ri rubanik ronojel re'. Pa nabey, ri Dios k'o jun rusujun chire ri Abraham. Y toq q'axineq chik 430 juna', ri Dios xuya' ri pixa' chire ri Moisés. Jak'a roma ri Dios kan k'o rusujun chire ri Abraham, ri pixa' ri xuya' ri Dios man xuyoj ta ri rusujun chire pa nabey.