San Juan 6:56 - Kaqchiquel Bible

⁵⁶ Xabachike k'a ri nutej ri nuch'akul yin y nuqum chuqa' ri nukik'el, xa jun k'a ri xtiqaben rik'in. Rija' xtik'oje' wik'in yin y yin xkik'oje' rik'in.

နောက်ထပ်ဗားရှင်းများ

Kaqchikel Santo Domingo (Xenacoj)

⁵⁶ Ri ndikꞌuxu ri nu-cuerpo y ndutij ri nukikꞌel, jumul xe jun rubꞌanun wikꞌin y riyin jumul ngikꞌojeꞌ pa ránima.

Kaqchikel Santa Maria de Jesus

⁵⁶ Ri niquicꞌux ri nu-cuerpo y niquikun jeꞌ ri nuquiqꞌuiel, joꞌc jun xtakaꞌan quiqꞌuin. Ijejeꞌ xcaꞌcꞌujieꞌ viqꞌuin inreꞌ y inreꞌ quiqꞌuin ijejeꞌ.

Kaqchikel Central Guatemala

⁵⁶ Ri can niquitej c'a ri nuch'acul yin y niquikun chuka' ri nuquiq'uel, xa jun c'a ri xtikaben quiq'uin. Rije' xquec'oje' viq'uin yin y yin quiq'uin rije'.

Re C'ac'a Testamento pa Kach'abal

⁵⁶ Re ye'tijo re nu-cuerpo y ye'kumu chuka' re nuq'uiq'uel, xa jun xtakaban quiq'uin. Reje' xque'c'ue' viq'uin yen y yen quiq'uin reje'.

Kaqchikel Western Solola

⁵⁶ Ri niquitij c'a ri nuch'acul y niquikum chuka' ri nuquiq'uel, xa jun c'a ri xtikaben quiq'ui. Riye' xquec'oje' wuq'ui riyin y riyin quiq'ui riye'.

San Juan 6:56 ပူးပေါင်းရင်းမြစ်များ

Wuj Richin Bix Chire ri Dios 90:1

Ajaw, kan ja rat ri at qatobal, keri' jantape' oj peteneq ri chi wiq chi tanaj.

Wuj Richin Bix Chire ri Dios 91:1

Ri nikito-ki' rik'in ri nimalej rutzil ri Dios, kan kuqul k'a kik'u'x yek'oje' chuxe' ri rumujal rija'.

Wuj Richin Bix Chire ri Dios 91:9

Jak'a roj man jun xtiqak'uluwachij roma qakuquban qak'u'x rik'in ri Jehová. Roj kan rik'in k'a rija' niqato-wi-qi'.

Wuj Richin ri K'uxla'anik 3:24

Ri qánima kan nubij k'a chi ja ri Jehová niya'on ronojel ri nik'atzin chiqe. Roma ri' rik'in rija' niqakuquba-wi qak'u'x.

San Juan 14:20

Y chupan k'a ri q'ij ri' xtiq'alajin jebel chiwech chi yin kan ink'o-wi rik'in ri nata', rix ixk'o wik'in y yin iwik'in rix.

San Juan 14:23

Roma ri' ri Jesús xubij: Ri kan yirajo', kan nuben ri nubij ri nuch'abel. Ri jun ri xtibanon keri', kan xtajowex-wi roma ri nata' chuqa'. K'ari' ri nata' y yin kan xqojpe rik'in y xtiqaben k'a qachoch ri pa ránima.

San Juan 6:55

Roma ri nuch'akul yin jari' ri qitzij wey, y ri nukik'el jari' ri qitzij ya', ri kan nikik'en-pe k'aslen.

2 Corintios 6:16

¿Kan yek'oje' ta kami ri wachibel chupan ri rachoch ri Dios? Roma kan ja roj ri oj rachoch ri k'aslik Dios. Roma ri' rija' kan keri' wi k'a rubin:*f4* Jantape' k'a xkik'oje' chi'ikojol y kan ja yin ri i-Dios y rix kan ix nutinamit, nicha'.

Efesios 3:17

Ja ta ri Cristo xtik'oje' pa taq iwánima roma ri kuqubabel-k'u'x ri k'o iwik'in, y ronojel ri niben y ri nich'ob ja ta ri ajowabel ri ruxe'.

1 Juan 2:24

Roma ri' rix, kan tik'oje' pa taq iwánima ri ch'abel ri iwak'axan-pe toq xikuquba' ik'u'x rik'in ri Cristo. Y wi ri ch'abel ri' kan xtik'oje' pa taq iwánima, jun k'a niben rik'in ri K'ajolaxel y rik'in ri Tata'ixel.

1 Juan 3:24

Ri yebanon ri nubij ri rupixa' ri Dios, xa kan jun chik kibanon rik'in. Y chuqa' ri Dios kan k'o chik pa kánima. Y roj qetaman chi kan k'o chik rija' pa qánima, roma k'o ri Loq'olej Espíritu ri ruya'on chiqe.

1 Juan 4:12

Roma wi niqajowala-qi' chiqawech, kan niq'alajin chi ri Dios k'o pa taq qánima, stape' rija' man jun tz'eteyon richin. Y chuqa' ri ajowabel richin rija' nik'iy y niwachin pa qak'aslen.

Apocalipsis 3:20

Roma yin kan jare' k'a ink'o chik chuchi' ri iwachoch y yinoyon chik apo. Achike k'a ri xtak'axan-pe wichin y nujeq ri ruchi' jay chinuwech, xkinok-apo rik'in, xkiwa' rik'in y rija' xtiwa' wik'in yin.