San Juan 6:45 - Kaqchiquel Bible

⁴⁵ Kan tz'ibatel k'a chuqa' koma ri xeq'alajirisan ruch'abel ri Dios ojer kan, chi konojel k'a winaqi' xketijox roma ri Dios.*f8* Y ri achike k'a ri nrak'axaj ri ruch'abel ri nata' Dios y nretamaj, kan xtipe k'a chinukanoxik.

နောက်ထပ်ဗားရှင်းများ

Kaqchikel Santo Domingo (Xenacoj)

⁴⁵ Chupan ri kitzꞌibꞌan kan ri profetas ndubꞌij: Konojel ngetijox roma ri Dios. Keriꞌ tzꞌibꞌan kan. Romariꞌ, konojel ri ndikakꞌaxaj y ndiketamaj ri xubꞌij ri Nataꞌ Dios, ngepuꞌun wikꞌin chin nginikitaqij.

Kaqchikel Santa Maria de Jesus

⁴⁵ Ri tzꞌibꞌan can cuma ri profetas ojier can tiempo nuꞌej: Y quinojiel ri vinak xcaꞌtijox ruma ri Dios. Quireꞌ ri tzꞌibꞌan can. Y ri nraꞌxaj ri nuꞌej ri Nataꞌ Dios y nratamaj, can nipa viqꞌuin.

Kaqchikel Central Guatemala

⁴⁵ Y can tz'ibatel c'a chuka' coma ri achi'a' ri xek'alajirisan ri ruch'abel ri Dios ojer can, chi conojel c'o c'a ri xtic'ut chiquivech roma ri Dios, queri' ri nubij. Y ri achique c'a ri nrac'axaj ri ruch'abel ri Nata' Dios y nretamaj, can xtipe c'a chinucanoxic.

Re C'ac'a Testamento pa Kach'abal

⁴⁵ Y can tz'iban-va can coma re rusamajela' re Dios re xe'c'ue' ajuer can, re xbex profetas chique, che conojel c'o xtic'ut chiquivach roma re Dios. Y re anchique nuc'axaj re ruch'abal re Nata' Dios y nutamaj, can xtipa chinucanoxic yen.

Kaqchikel Western Solola

⁴⁵ Y tz'ibatal chuka' ca cuma ri profetas ri xek'alajsan ri ruch'abel ri Dios ojer ca, chi quinojel ri winek xquetijox na ruma ri Dios, queri' ri nubij. Y ri achique c'a ri nrac'axaj ri ruch'abel ri Nata' Dios y nretamaj, can xtipe c'a chinucanoxic.

San Juan 6:45 ပူးပေါင်းရင်းမြစ်များ

Wuj Richin ri Isaías 2:3

Janila chi winaqi' xke'apon y xtikibij k'a chikiwech: Kixanpe, qojjote-el pa ruwi' la juyu' richin ri Jehová. Jo' chupan ri rachoch ri ki-Dios ri israelita. Chiri' ri Jehová xtiberuk'utu' ri rubey chiqawech, y roj kan xqojtikir xqojbiyin chupan. Roma chiri' pa Sión xtel-wi-pe ri rutijonik ri Jehová, y chiri' pa Jerusalem xtibeq'alajin-wi ri ruch'abel, xkecha'.

Wuj Richin ri Isaías 54:13

Yin kan xkentijoj k'a konojel ri iwinaq; konojel k'a rije' xkek'ase' rik'in ch'uch'ujil.

Wuj Richin ri Miqueas 4:2

Xkepe k'a janila chi winaqi' richin ch'aqa' chik ruwach'ulew, y xtikibixaj re bix re': Qojjote-el pa ruwi' ri juyu' ri richin ri Jehová. Xqojapon k'a pa rachoch ri ki-Dios ri winaqi' israelita. Y rija' xtuk'ut chiqawech ri bey ri niqa' chuwech, richin niqatzeqelibej ri rupixa', xkecha'. Ri Dios xtuk'ut k'a rupixa' pa ruwi' ri juyu' Sión. Kan pa Jerusalem k'a xtel-pe ri ruch'abel ri Jehová.

San Mateo 11:27

Y k'ari' ri Jesús xubij chike ri winaqi': Ri nata', kan ronojel k'a ruya'on-pe pa nuq'a'. Y man jun chik k'a etamayon in achike yin, xaxe ri nata' etamayon. Y man jun chuqa' etamayon achike ri' ri nata', xaxe yin ri ruk'ajol. Jak'a yin xtink'ut ri nata' ri achoq chuwech ninwajo' nink'ut-wi.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

Marcos 1:2

Kan xbanatej k'a achi'el ri rutz'iban kan ri q'alajirisey ruch'abel ri Dios ri xk'oje' ojer kan ri xubini'aj Isaías, toq xubij:*f1* Xtinteq k'a jun ya'ol rutzijol, richin chi ja rija' ri xtijaqo ri bey chuwech. Rija' xtiberuchojmirisaj-apo akuchi k'o chi xtapon-wi.

San Lucas 1:70

Ri Dios xuteq rutzijol koma ri loq'olej taq q'alajirisey ruch'abel ri ojer kan, chi xtuya' jun qakolonel.

San Lucas 18:31

Ri Jesús xeruch'er k'a el ri kablajuj rutijoxela' richin xch'on kik'in y xubij: Rix iwetaman chi pa Jerusalem qachapon-wi-el bey, y ri chiri', k'iy k'a ri xtiban chuwe yin, ri xiqaqa-pe achi'el wineq chi'ikojol, kan achi'el ri kitz'iban kan ri xeq'alajirisan ri ruch'abel ri Dios ojer kan.

San Juan 10:27

Ri nukarne'l yin kan ketaman y nikak'axaj ri nuch'abel, y kan yinkitzeqelibej. Chuqa' yin wetaman kiwech rije'.

San Juan 6:37

Konojel k'a ri e cha'on chik roma ri nata', kan xkepe chinukanoxik. Y man jun bey xkenwetzelaj-el ri xkepe wik'in.

San Juan 6:65

Y ri Jesús xubij: Roma ek'o k'a chiwe rix ri man nurayij ta iwánima nikuquba' ik'u'x wik'in, roma ri' toq xinbij chi man jun wineq xtipe wik'in richin yirukanoj, wi ri nata' man yeroyoj ta, xcha'.

Hechos 13:40

Kan tichajij k'a iwi', chi man ta pan iwi' rix tiqaqa-wi ri kitz'iban kan ri achi'a' ri xeq'alajirisan ri ruch'abel ri Dios ojer kan. Roma xkibij:

Hechos 7:42

Jari' k'a toq ri Dios xeruya' kan ri qawinaq, y xuya' k'a q'ij chike chi tikiya' na k'a kiq'ij kiwachibel konojel ri e tz'etel ri chikaj. Kan keri' k'a kitz'iban kan ri e eq'alajirisey ruch'abel ri Dios:*f17* Rix winaqi' aj-Israel, toq xixbiyin kawineq juna' ri pa tz'iran ruwach'ulew, ¿xe'ikamisala' kami ri chikopi' richin xe'isuj chuwe yin? Xa man xiben ta keri'.

Efesios 1:17

Nink'utuj chire ri Dios chi ri Espíritu kan ta pa ruk'iyal ri na'oj ri xtuya' chiwe, y chi k'iy ta xtuq'alajirisaj chiwech richin niwetamaj más ruwech ri Dios.

Filipenses 3:15

Ronojel k'a ri xinbij chiwe, kan keri' ta ri niqach'ob qonojel ri oj k'iyineq rik'in ri kuqubabel-k'u'x. Jak'a wi jujun chiwe rix ri man junan ta nich'ob, ri Dios chuqa' xtuq'alajirisaj chiwech.

1 Tesalonicenses 4:9

Jak'a chirij ri ajowabel ri k'o chi nik'oje' chi'ikojol rix chi'iwach'alal-iwi', ri Dios ruk'utun chik chiwech chi k'o chi niwajowala-iwi'. Y roma ri' man nik'atzin ta chi ninnataj chik chiwe.

Hebreos 10:16

Kan jare' k'a ri k'ak'a' jikibel-tzij ri xtinben yin Jehová kik'in rije' chupan ri q'ij ri': Kan xtinben richin xtibek'oje' ri nupixa' pa taq kánima. Y chuqa' xtinya' pa taq kinojibal.

1 Juan 2:27

Jak'a rix kan ja ri Loq'olej Espíritu ri k'o pa taq iwánima, ri ya'on chiwe roma ri Jesucristo. Ja rija' ri nitijon iwichin y man nik'atzin ta na jun chik. Ri nuk'ut rija', kan qitzij y man q'oloj ta. Tinimaj k'a ri nubij chiwe, y jantape' jun tibana' rik'in ri Jesucristo.