San Juan 5:4 - Kaqchiquel Bible

⁴ [Roma re ya' re' kan k'o k'a q'ij toq nosilox kan roma jun ángel ri nipe rik'in ri Dios. Y jak'a ri yawa' ri niqaqa nabey chupan ri ya' toq silon chik, ja yawa' ri' ri nik'achoj. Y xabachike yabil nok chire ri yawa', nik'achoj-el.]*f6*

နောက်ထပ်ဗားရှင်းများ

Kaqchikel Santo Domingo (Xenacoj)

⁴ Porque janteq nduqaqa jun ru-ángel ri Ajaw pa atinibꞌel chin nduruseloj qa ri yaꞌ, y ri nabꞌey chikiwech ri ngeyawej ndok qa chupan ri yaꞌ atoq selon kan, ndikꞌachaj chuwech achike na chi yabꞌil.

Kaqchikel Santa Maria de Jesus

⁴ Ruma ri yaꞌ reꞌ cꞌo kꞌij nalsilos ruma jun ángel ri nika-pa chicaj riqꞌuin ri Dios. Y ri nika-ka naꞌay chupan ri yaꞌ, jareꞌ ri nicꞌachoj; mesque chica-na yabꞌil ntuoc cha.

Kaqchikel Central Guatemala

⁴ Roma re ya' re' can c'o c'a k'ij tok nosilox can roma jun ángel ri nipe chila' chicaj riq'uin ri Dios. Y jac'a ri yava' ri nika' nabey chupan ri ya' tok silon chic, jac'a yava' ri' ri nic'achoj. Y xabachique yabil noc chire ri yava', nic'achoj-el.

Re C'ac'a Testamento pa Kach'abal

⁴ Roma re ya' re' can c'o-va k'ij tak nisilos can roma jun ángel re nika-pa chila' chicaj riq'uin re Dios. Y jac'a re yava' re nika-ka nabey chupan re ya' tak silon chic, ja yava' re' re nic'achoj. Y xabanchique yabil ndoc cha, nic'achoj-a.

Kaqchikel Western Solola

⁴ Ruma ri ya' ri' c'o c'a jantek nosilox ca ruma jun ángel ri nipe chila' chicaj. Y ya c'a ri yawa' ri nika ka nabey chupan ri ya' tek silon chic ca, ya c'a yawa' ri' ri nic'achoj. Y xabachique ta na yabil ntoc chare ri yawa', nic'achoj el.

San Juan 5:4 ပူးပေါင်းရင်းမြစ်များ

San Juan 5:3

Ri chiri' janila e k'iy yawa'i' e kotz'ol pan ulew. Ek'o k'a moyi', ek'o k'a jetz', y ek'o sikirineq. Ek'o k'a ri jun wi chik ruwech yabil nok chike. [Y konojel k'a yawa'i' ri', kan koyoben k'a chi nisilon-pe ri ya'.]*f5*

San Juan 5:5

Y chiri' chuchi' ri ya' k'o k'a jun achin ri yawa-pe juwineq waqxaqlajuj juna'.

San Juan 5:7

Re yawa' re' xubij k'a chire ri Jesús: Toq nisilon-pe ri ya', man jun nibanon utzil chuwe richin ta yiruto' chi yinapon-apo k'a chupan. Roma ri', stape' nintej nuq'ij chi yibe ta apo, xa k'a man jani kinapon toq ja yan ri' xapon chik jun, xcha'.

2 Rey 5:10

K'ari' ri Eliseo xuteq-pe ri rusamajel rik'in ri Naamán y xubij-el chire: Kabiyin pa raqen-ya' Jordán y tabech'aja-awi' wuqu' mul chupan ri ya' ri'; y ri ach'akul kan xtich'ajch'ojir, xcha-el.

Wuj Richin Bix Chire ri Dios 119:60

Yin kan ninwajo' k'a ninnimaj atzij, y man ninwoyobej ta na richin ninben.

Wuj Richin Etamabel-Tzij 6:4

Kan tibana' chi tiwelesaj iwaran, kan man tiya' q'ij chi ri ruchi' ri runaq' taq iwech yetz'apetej-qa roma ri waran.

Wuj Richin Etamabel-Tzij 8:17

Yin yenwajo' ri ye'ajowan wichin; y ri kan nikicha' kik'u'x richin yinkikanoj, kan chi'anin yinbekila-pe.

Wuj Richin ri Molojri'il 9:10

Y ronojel k'a ri natz'et richin chi niban, kan tabana' k'a, roma chupan ri jul ri akuchi xkabemuq-wi kan, xa maneq chik samaj, maneq chik ch'obonik, maneq chik retamaxik más etamabel, ni retamaxik na'oj.

Ez 47:8

K'ari' ri achin xubij chuwe: Re ya' re' nibiyin-qa pa relebel-q'ij y napon k'a pa raqen-ya' Jordán. K'ari' nok-apo chupan ri Tzayi-Choy. Y toq napon-qa chiri', ri ya' ri k'o chupan ri Tzayi-Choy kan nok k'a ki'.

Os 13:13

Ri ruwach'ulew Israel xapon yan k'a ri ramaj richin nalex, jak'a xa kan achi'el jun nakanik ak'ual ri kan man retaman ta nuchojmirisaj-ri' richin nalex.

Wuj Richin ri Zacarías 13:1

Chupan ri q'ij ri' ri chiri' pa Jerusalem kan xtik'oje' k'a jun achi'el ralaxbal-ya' richin chi chupan ri' xtich'ajch'ojir ri kimak ri e aj pa rachoch kan ri David y konojel ri e aj chiri'.

Wuj Richin ri Zacarías 14:8

Xtibanatej k'a chupan ri q'ij ri' chi pa Jerusalem xtibiyin ya' ri nuya' k'aslen. Chupan chijun ri juna' kan xtibiyin k'a. Nik'aj k'a chire ri ya' ri' xtapon chupan ri Tzayi-Choy ri k'o pa relebel-q'ij y ri nik'aj chik xtapon pa palou ri k'o pa qajbel-q'ij.

San Mateo 6:33

Roma ri' rix kan tiya' k'a pa nabey ri rajawaren ri Dios y kan tibana' k'a ri ruchojmilal; y rija' kan xtuya' k'a pe chiwe ronojel ri k'atzinel.

San Mateo 11:12

Kan ja toq ri Juan xuchop nuq'alajirisaj k'a re q'ij re' ek'o winaqi' ri nikik'owisaj janila ruk'ayewal chirij ri aj-chikajil ajawaren. Y rije' kan nikitej kiq'ij richin ye'apon chupan.

San Lucas 13:24

Kan titija' k'a iq'ij richin yixok chupan ri latz' ruchi-jay, roma kan janila k'a e k'iy winaqi' ri kan xtikitej kiq'ij richin xke'ok chupan ri jay ri', jak'a man xketikir ta xke'ok.

San Lucas 16:16

Toq k'a man jani tuchop samaj ri Juan, konojel ri winaqi' k'o chi ja ri pixa' richin ri Moisés y ri kich'abel ri e q'alajirisey ruch'abel ri Dios ri xkinimaj. Jak'a toq xuchop samaj ri Juan jari' toq xchap rutzijoxik ri utzilej rutzijol ri nich'on chirij toq ri winaqi' ye'ok pa rajawaren ri Dios. Roma ri' e k'iy winaqi' ri janila nikitej kiq'ij richin ye'ok ri chiri'.

1 Corintios 6:11

Y ri rubanon kan, keri' ri ik'aslen rix. Jak'a re wakami ch'ajch'oj chik ri iwánima, ix ch'aron chik richin ri Dios, y man jun chik imak yixk'ulun chuwech rija' roma ri samaj ri xuben ri ajaw Jesús y ri Loq'olej Espíritu.

1 Juan 1:7

Ri Dios kan k'o-wi pa saqil, y wi roj chupan re qak'aslen yojbiyin pa saqil, kan junan k'a qawech qonojel. Y chuqa' ri rukik'el ri Jesucristo ri ruk'ajol, nrelesaj ronojel ri qamak.