San Juan 5:37 - Kaqchiquel Bible

³⁷ Kan ja ri nata' Dios ri xitaqo-pe, ri niq'alajirisan chuqa' wichin. Jak'a rix man jun bey iwak'axan ta ri ruch'abel, ni man jun bey chuqa' itz'eton ta ruwech.

နောက်ထပ်ဗားရှင်းများ

Kaqchikel Santo Domingo (Xenacoj)

³⁷ Keriꞌ chuqaꞌ ri Nataꞌ Dios ri taqayon pe wichin, ruqꞌalajrisan achike riyin. Pero rix ma jubꞌaꞌ iyoꞌon ixikin rikꞌin ri ndubꞌij y ma itzꞌeton ta ruwech,

Kaqchikel Santa Maria de Jesus

³⁷ Y ja ri Nataꞌ Dios ri xtako-pa vichin otz chꞌovinak chuvij jeꞌ, pero ixreꞌ man jun bꞌay ivaxan cheꞌl rukul, ni man jun bꞌay itzꞌatuon roch.

Kaqchikel Central Guatemala

³⁷ Y can jac'a ri Nata' Dios ri xitakon-pe, ri nik'alajirisan chuka' vichin. Y rix man jun bey ivac'axan ta achique rubanic nuben nich'on, ni man jun bey chuka' itz'eton ta ruvech.

Re C'ac'a Testamento pa Kach'abal

³⁷ Y chuka' re Nata' Dios re xintako-pa, otz nich'o chuij. Y yex man jun bey ic'axan-ta andex nuban nich'o, y man jun bey chuka' itz'eton-ta rach.

Kaqchikel Western Solola

³⁷ Y ya c'a ri Nata' Dios ri xtako pe wuche (wixin), Riya' can c'o utz ri ruk'alajsan pe chuwij riyin. Y riyix majun bey iwac'axan ta achique rubanic nich'o, ni majun bey chuka' itz'eton ta ruwech.

San Juan 5:37 ပူးပေါင်းရင်းမြစ်များ

Ex 20:19

Y jari' toq xkibij chire ri Moisés: Más utz ja rat kach'on qik'in y xkatqak'axaj, xaxe man tich'on chik ri Dios qik'in richin chi man yojken ta, xecha' ri winaqi'.

Wuj Richin ri Isaías 26:10

Stape' rat nak'ut ri ajowabel chikiwech ri winaqi' ri itzel kik'aslen, rije' kan man xtiketamaj ta xkebiyin pa ruchojmilal. Stape' kan pa ruchojmilal xtiban kik'in, rije' xa kan nikiben etzelal, y xa kan pa rubanik nikiben chi man nikitz'et ta chi rat Jehová kan k'o-wi aq'ij.

San Mateo 17:5

Rokik k'a nich'on na ri Pedro, jari' toq xkitz'et jun sutz' richin saqil xqaqa-pe pa kiwi'. Y chupan k'a ri sutz' ri' k'o jun ri xch'on-pe y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

San Mateo 3:17

Chirij ri' xpe k'a jun ch'abel chila' chikaj y xubij: Jare' ri nuk'ajol yin ri kan janila ninwajo' y yikikot rik'in, kan tiwak'axaj k'a ri nubij, xcha' ri ch'abel ri'.

Marcos 1:11

Chirij ri' xpe k'a jun ch'abel chila' chikaj y xubij: Ja rat ri nuk'ajol yin ri kan janila yatinwajo' y yikikot awik'in, xcha' ri ch'abel ri'.

San Lucas 24:27

K'ari' ri Jesús xuchop k'a rusolik-rij chikiwech ri e ka'i' achi'a' ri', ronojel ri e tz'ibatel kan chirij rija', chupan ri ruch'abel ri Dios. Xuchop k'a el rik'in ri e rutz'iban kan ri Moisés, k'a rik'in ri kitz'iban kan ri ch'aqa' chik achi'a' ri xeq'alajirisan ri ruch'abel ri Dios ojer kan.

San Lucas 3:22

Ri Loq'olej Espíritu kan tz'etel-wi ri xqaqa-pe pa ruwi' ri Jesús, kan achi'el jun paloma. Xak'axatej k'a chuqa' jun ch'abel ri peteneq chila' chikaj ri nubij: Ja rat ri nuk'ajol yin ri kan janila yatinwajo', y yikikot awik'in, xcha' ri ch'abel ri'.

San Juan 1:18

Kan man jun k'a wineq ri tz'eteyon ta richin ri Dios, xa kan xaxe ri ruk'ajol ri tz'eteyon richin. Ri Dios xaxe ri juney ruk'ajol k'o y janila nrajo'. Jari' ri xoq'alajirisan-qa ri Dios chiqawech re wawe' chuwach'ulew.

San Juan 14:9

Jak'a ri Jesús xubij chire: Felipe, ¿man jani awetaman nuwech? Yin, kan k'o yan k'a juna' kik'oje-pe iwik'in. Ri tz'eteyon wichin yin, rutz'eton k'a chuqa' ri nata'. ¿Achike k'a roma toq rat nabij chi nink'ut ri nata' chiwech?

San Juan 15:24

Stape' rije' xkitz'et re nusamaj, jak'a xa yinketzelaj yin y chuqa' ri nata'. Nubanalon k'iy meyel taq banobel. Y wi man ta kitz'eton re banobel re', man ta niq'alajin chi e aj-maki'.

San Juan 5:32

Jak'a kan k'o chik k'a jun ri niq'alajirisan chi kan e utz. Y ri nubij rija' chuwij yin, kan qitzij wi.

San Juan 6:27

Kan kixsamej k'a, jak'a man richin ta chi nich'ek ri wey ri xa nik'is. Xa kan kixsamej richin nich'ek ri wey ri nuya' ik'aslen ri man k'isel ta, wey ri xtinya' chiwe, yin ri xiqaqa-pe achi'el wineq chi'ikojol. Y ja yin ri xiruteq-pe ri nata' Dios, richin ninben re samaj re', xcha'.

San Juan 8:18

Yin y ri nata' ri taqayon-pe wichin, junan ri niqabij, xcha' ri Jesús.

Deut 4:12

K'ari' ri Jehová xch'on-pe qik'in pa runik'ajal ri q'aq'; kan xqak'axaj k'a ri ruch'abel, xaxe man xqatz'et ta ri achike rubanik.

1 Timoteo 1:17

Roma ri' niqaya' ruq'ij-ruk'ojlen ri Dios richin jantape'. Ja rija' ri rey pa qawi' qonojel roj richin tibe-q'ij tibe-seq. Rija' man kamel ta y man tz'etel ta xaxe rija' ri Dios. Keri' ta k'a.

1 Timoteo 6:16

Y kan xaxe rija' ri man kamel ta. Rija' kan pa saqil k'o-wi, ri kan man jun nitikir nijel-apo rik'in. Man jun achike ta wineq tz'eteyon, ni man jun chuqa' nitikir nitz'eton. Ri ruchuq'a' rija' xtik'oje' ta pa qawi' richin jantape', y kan xtuk'ul ta ruq'ij richin jantape'. Keri' ta k'a.

1 Juan 4:12

Roma wi niqajowala-qi' chiqawech, kan niq'alajin chi ri Dios k'o pa taq qánima, stape' rija' man jun tz'eteyon richin. Y chuqa' ri ajowabel richin rija' nik'iy y niwachin pa qak'aslen.

1 Juan 4:20

Y wi niqabij chi niqajo' ri Dios y xa niqetzelaj jun qach'alal, man qitzij ta ri niqabij. Roma wi man yeqajo' ta ri qach'alal ri kan yeqatz'et, ¿yojtikir kami niqajo' ri Dios ri xa man qatz'eton ta ruwech?

1 Juan 5:9

Roj kan niqanimaj y niqakuquba' qak'u'x rik'in ri nubij jun wineq chiqe. Y wi keri', kan más wi ruk'amon chi niqanimaj y niqakuquba' más qak'u'x rik'in ri nubij ri Dios chiqe. Y ri' ja ri ch'abel chirij ri Ruk'ajol ri xubij chiqe.