San Juan 5:35 - Kaqchiquel Bible

³⁵ Ri Juan kan xuya' k'a ri saqil chiwe. Y rix xirayij y xixkikot k'a rik'in ri saqil ri', jun ka'i-oxi' q'ij.

နောက်ထပ်ဗားရှင်းများ

Kaqchikel Santo Domingo (Xenacoj)

³⁵ Ri Juan xok achel jun antorcha ri ndikꞌat y ndiyikꞌan, y rix kin xixkikot xixbꞌiyin jubꞌaꞌ teq qꞌij chuxeꞌ ruyikꞌinik ri antorcha riꞌ.

Kaqchikel Santa Maria de Jesus

³⁵ Y ri Juan el Bautista incheꞌl jun antorcha ri nicꞌat y nuyaꞌ sakil. Y ixreꞌ xirayij y xixquicuot riqꞌuin ri sakil reꞌ, pero xa man qꞌuiy ta kꞌij ri xiꞌan quireꞌ.

Kaqchikel Central Guatemala

³⁵ Y ri Juan ri Bautista can xuya' c'a ri sakil chive. Can xuben-vi c'a achi'el nuben juboraj chej tok nic'at y nisakirisan. Y rix xirayij y xixquicot c'a riq'uin ri sakil ri', jun ca'i-oxi' k'ij.

Re C'ac'a Testamento pa Kach'abal

³⁵ Y re Juan Bautista can xuya' re sakil chiva. Can xuban-va ancha'l nuban jun antorcha tak nic'at, nusekresaj re anche' nic'ue-va. Y yex xirayij y xixqui'cot riq'uin re sakil re', jun ca'e-oxe' k'ij.

Kaqchikel Western Solola

³⁵ Y ri Juan ri Bautista can xuya' c'a ri sakil chiwe. Can xuben wi c'a achi'el nuben jun k'ak' tek nic'at y nisakirisan. Y riyix xirayij y xixquicot c'a riq'ui ri sakil ri', pero xa jun ca'i' oxi' oc k'ij ri xiben queri'.

San Juan 5:35 ပူးပေါင်းရင်းမြစ်များ

2 Sam 21:17

Jak'a ri Abisai ral ri Seruiá xberuto' ri David, y xukamisaj ri achin aj-Filistea. Roma ri' ri aj-labal richin ri David xkibij k'a chire chi man jun bey chik xtibe chikij pa labal richin man nichup ta ri saqil richin Israel.

Ex 34:35

Ri winaqi' kan nikitz'et k'a chi ri ruwech ri Moisés kan niyik'lun, y ri Moisés kan nukuch chik k'a ri ruwech rik'in ri tzieq y k'a toq nok chik na apo richin nich'on rik'in ri Jehová, k'ari' nrelesaj chik jun bey.

Ez 33:31

Keri' ri nutinamit yepe y yetz'uye-apo chawech, achi'el ri kibanon-pe richin nokak'axaj ri nuch'abel. Jak'a xa man nikak'axaj ta, ni man nikiben ta. Rije' nikibij chi yinkitzeqelibej, jak'a xa beneq kik'u'x chirij ri méro.

Dn 12:3

Ri winaqi' ri e etamanela' ri xkeyuqen kichin ri winaqi' ri yebanon pa ruchojmilal xtikik'ul janila ruwaq'ijaj; y ri utzilej kitzijol kan xtitalutej chuwech chijun ruwach'ulew y chikaj.

San Mateo 11:11

Kan qitzij k'a ninbij chiwe chi chikikojol ri janipe' ri e q'alajirisey ruch'abel ri Dios kan man jun k'a ri más ta nim ruq'ij chuwech ri Juan. Man rik'in ri' chupan ri aj-chikajil ajawaren, ri más ti ko'ol ruq'ij xa kan más nim ruq'ij chuwech ri Juan.

San Mateo 21:26

Y wi niqabij chi xa winaqi' xebin chire ri Juan chi tubana' keri', k'ayew chiqe roj, roma ri winaqi' yeyakatej chiqij. Roma konojel winaqi' kan q'axineq chikiwech chi ri Juan jun q'alajirisey ruch'abel ri Dios, yecha' k'a qa chikiwech.

Marcos 1:5

Y janila chi winaqi' ri xe'apon rik'in chiri' chuchi' ri raqen-ya' Jordán, winaqi' ri ek'o pa tinamit Jerusalem y chuqa' richin chijun ri ruwach'ulew Judea. Rije' kan yekiq'alajirisala-wi k'a ri kimak chuwech ri Juan, y rija' xuqasaj ya' pa kiwi'.

Marcos 6:20

roma ri Herodes nuxibij-ri' chuwech ri Juan roma kan retaman-wi k'a chi rija' jun chojmilej achin y kan rusamajel-wi ri Dios. Kan man ruya'on ta k'a q'ij richin k'o ta ruk'uluwachin. Rija' kan jebel k'a nrak'axaj toq ri Juan nubij ri ruch'abel ri Dios chire. Jak'a rija' man nich'obotej ta chuwech achike ruk'amon chi nuben.

San Lucas 7:28

Tiwetamaj k'a, chi janipe' winaqi' ri e alaxineq chuwech re ruwach'ulew, man jun k'a ri más ta ruq'ij chuwech ri Juan. Jak'a ri más maneq ruq'ij pa rajawaren ri Dios xa kan más nim ruq'ij chuwech ri Juan, xcha'.

San Juan 6:66

Roma ri xubij ri Jesús, janila k'a e k'iy ri kan kitzeqeliben, xa man xkitzeqelibej ta chik, xa kan xetzolin kan.

2 Pedro 1:19

Y re', más nukuquba' qak'u'x chi kan qitzij ri kitz'iban kan ri e q'alajirisey ruch'abel ri Dios. Y kan janila k'a ruk'amon chi yeqak'axaj, roma chuwech re ruwach'ulew k'o jun achi'el q'equ'm. Jak'a ri kich'abel rije' kan achi'el jun q'aq' ri nisaqirisan. Y re', nisaqirisan k'a toq xtipe na ri Jesucristo richin noruq'alajirisaj ronojel, achi'el ri nima-ch'umil ri nel-pe ri nimaq'a' yan.