San Juan 5:28 - Kaqchiquel Bible

²⁸ Man k'a tich'ob chi ja ri xinbij yan chiwe ri más nima'q ri yitikir ninben, roma kan xtapon k'a ri q'ij chi konojel ri kaminaqi' kan k'o k'a chi nikak'axaj ri nuch'abel.

နောက်ထပ်ဗားရှင်းများ

Kaqchikel Santo Domingo (Xenacoj)

²⁸ Ma tisach ikꞌuꞌx roma re nibꞌij chiwa, porque nduqaqa jun qꞌij atoq konojel ri animaꞌiꞌ nginikakꞌaxaj.

Kaqchikel Santa Maria de Jesus

²⁸ Man quixchapataj ruma ri xinꞌej yan chiva, ruma xtalka ri kꞌij chi quinojiel quiminakiꞌ ri i-mukun xticaꞌxaj ri rutzij.

Kaqchikel Central Guatemala

²⁸ Man c'a tich'ob chi ja ri xinbij yan chive ri más nima'k ri yitiquir ninben, man que ta ri', roma can xtapon c'a ri k'ij chi ri e caminaki' chic el can c'o c'a chi nicac'axaj ri nuch'abel.

Re C'ac'a Testamento pa Kach'abal

²⁸ Y chuka' man tinojij che re ximbij-yan-ka chiva, xe-oc re' re yintiquir nimban, man quire-ta. Roma can xtapon re k'ij che re je quiminak chic-a tiene que xtiquic'axaj re nuch'abal.

Kaqchikel Western Solola

²⁸ Ma tisach ta ic'u'x ruma ri xinbij chiwe, ruma xtapon c'a k'ij tek ri ye caminaki' can c'o c'a chi xtiquic'axaj ri nuch'abel.

San Juan 5:28 ပူးပေါင်းရင်းမြစ်များ

Wuj Richin ri Isaías 26:19

Jak'a ri qakaminaq kan xkebek'ase' chik pe jun bey. Tabana' utzil chi xkebeyakatej ta chik pe jun bey. Ke'ak'asoj chik pe richin xkebixan rik'in kikoten. Ri raxq'ab ri naya-pe, nuya' ruk'aslen ri ulew, y keri' chuqa' xtaben kik'in ri kaminaqi' xtaya' k'ak'a' kik'aslen.

Dn 12:2

E k'iy k'a awinaq ri e kaminaqi' chik el, ri xkek'astej chik pe; jujun xkek'astej-pe richin yek'ase' chik richin q'asen, y ch'aqa' chik xkek'astej-pe richin ruk'ixbilal y richin qasanri'il.

Os 13:14

Yin kan man xkenkol ta k'a chuwech ri jul muqbel kamineq, xa kan xkenjech k'a pa kamik. Rat kamik, ¿akuchi k'a k'o-wi ri awuchuq'a' ri kan nuk'is ronojel? Rat jul muqbel kamineq, ¿akuchi k'o-wi ri ruk'ayewal ri naya'? Roma yin xa kan man xtinjoyowaj ta chik kiwech re winaqi' re'.

San Juan 3:7

Man k'a tisach ak'u'x rik'in re ninbij chawe, roma kan keri' wi: Kan konojel k'a nik'atzin chi nikik'uaj jun chik k'ak'a' alaxik.

San Juan 4:21

Jak'a ri Jesús xubij chire ri ixoq ri': Tanimaj k'a re xtinbij chawe. Kan xtoqaqa-wi k'a jun q'ij toq konojel winaqi' man xaxe ta chik pa ruwi' re juyu' re', ni man xaxe ta chik pa Jerusalem ri xtikiya-wi ruq'ij ri Dios.

San Juan 4:23

Ri jun q'ij ri xinbij chawe chi kan nipe-wi, xoqaqa yan, richin chi konojel winaqi' ri nikajo' nikiya' ri qitzij ruq'ij ri qatata' Dios, ja ri Loq'olej Espíritu ri xtuk'uan kichin. Y ri Dios kan ja ri winaqi' ri yebanon keri' ri yerajo'.

San Juan 5:20

Roma ri nata' Dios janila yirajo' yin ri ruk'ajol, roma ri' toq rija' nuk'ut chinuwech ronojel ri rusamaj rija'. Y chiqawech-apo k'o samaj más e nima'q ri xtuk'ut chinuwech. Toq xtinben re samaj re', rix kan xtisach k'a ik'u'x chutz'etik.

San Juan 5:25

Y kan qitzij k'a re ninbij chiwe, chi k'o k'a jun q'ij ri oyoben; y jare' xoqaqa yan, chi konojel ri kaminaqi' xtikak'axaj k'a ri nuch'abel yin ri ruk'ajol ri Dios. Y ri kan xkinkak'axaj, xkek'astej.

Hechos 24:15

Yin kan kuqul k'a nuk'u'x rik'in ri Dios chi ri kaminaqi' k'o na jun q'ij toq xkek'astej. Kan xkek'astej k'a pe ri e choj y ri man e choj ta. Y ri nuwinaq kan keri' chuqa' ri koyoben chi nibanatej.

Hechos 3:12

Toq ri Pedro xerutz'et ri winaqi', xubij k'a chike: Nuwinaq israelita, ¿achike k'a roma toq achi'el nisach ik'u'x roma re xbanatej? ¿Achike roma toq ja roj ri yojitzu'? Man ja ta ri quchuq'a' roj ri xbanon re', y chuqa' man ja ta ri utz ri niqaben chuwech ri Dios ri xbanon.

1 Corintios 15:22

Rik'in k'a ri Adán xqichinaj-wi ri kamik qonojel. Y roma ri Cristo xqojk'astej chik el qonojel.

Filipenses 3:21

Re ch'akulaj re qak'uan wakami, man jun ok rejqalen. Jak'a xtapon jun q'ij toq rija' xtujel, y xtok k'a achi'el ri rucha'kul rija' ri k'o ruq'ij-ruk'ojlen. Re' xtuben rik'in ri uchuq'a' ri k'o rik'in ri nukusaj richin chi nik'oje' ronojel pa ruq'a'.

Apocalipsis 20:12

Y xentz'et ri kaminaqi', chi ch'uti'q chi nima'q e pa'el-apo chuwech ri tz'uyul chupan ri tz'uyubel ri'. Xejaqalox k'a ri wuj, y xjaq chuqa' ri jun wuj ri richin k'aslen. Konojel k'a re kaminaqi' re' kan xq'at-tzij pa kiwi', achi'el ri kibanobal ri e tz'ibatel chupan ri wuj ri'.