San Juan 4:42 - Kaqchiquel Bible

⁴² Re winaqi' k'a re' nikibila' k'a chire ri ixoq ri xbeya'on rutzijol chike: Wakami kan qetaman chik k'a y niqanimaj chuqa', man xaxe ta roma ri xabij rat chiqe, xa kan niqanimaj chuqa' roma ri xqak'axaj roj. Xqetamaj k'a chi kan qitzij wi chi ja rija' ri Cristo, ri kolonel kichin konojel winaqi' ri ek'o chuwech re ruwach'ulew, yecha'.

နောက်ထပ်ဗားရှင်းများ

Kaqchikel Santo Domingo (Xenacoj)

⁴² Y ndikibꞌilaꞌ chare ri ixaq: Wokami roj qetaman chi ja rijaꞌ ri Kolonel kichin ri wineq chochꞌulew y ndiqataqij roma xqakꞌaxaj ri ndubꞌij rijaꞌ, y ma xe ta roma ri xabꞌij rat chaqe, xechajeꞌ.

Kaqchikel Santa Maria de Jesus

⁴² Ri vinak reꞌ niquiꞌej cha ri ixok: Vacame nakanimaj man joꞌc ta ruma ri xaꞌej atreꞌ chika, xa nakanimaj ruma ri xkaxaj ojreꞌ mismo. Xkatamaj chi ketzij chi jajaꞌ ri Cristo, ri nicalo quichin quinojiel vinak ri icꞌo choch-ulief.

Kaqchikel Central Guatemala

⁴² Re vinek c'a re' niquibila' c'a chire ri ixok ri xbeyo'on rutzijol chique: Vacami can ketaman chic c'a y nikanimaj chuka', man xe ta roma ri xabij rat chike, xa can nikanimaj chuka' roma ri xkac'axaj roj mismo. Xketamaj c'a chi can kitzij vi chi ja rija' ri Cristo, ri Colonel quichin conojel vinek ri ec'o chuvech re ruvach'ulef.

Re C'ac'a Testamento pa Kach'abal

⁴² Re vinak re' niquibila' cha re ixok re xbeyi'o rutzijol chique: Vocame can kataman chic y nakanimaj chuka', man xe-ta roma re xabij rat chaka, xa can nakanimaj chuka' roma xkac'axaj yoj mismo. Xkatamaj che can katzij-va che ja reja' re Cristo re bin che nitak-pa roma re Dios, re nicola quichin conojel vinak re jec'o chach re ruch'ulef.

Kaqchikel Western Solola

⁴² Ri winek ri' niquibila' c'a chare ri ixok ri xbeya'o rutzijol chique: Wacami ketaman chic y nikanimaj chuka', pero ma xaxu (xe) ta wi ruma ri xabij riyit chake, xa can nikanimaj chuka' ruma ri xkac'axaj riyoj y xketamaj c'a chi kas kitzij wi chi ya Riya' ri Cristo, ri Colonel quiche (quixin) quinojel winek ri yec'o chuwech re ruwach'ulef.

San Juan 4:42 ပူးပေါင်းရင်းမြစ်များ

1 Juan 4:14

Y roj kan qatz'eton ri Ruk'ajol ri Dios, y roma ri' niqatzijoj chike konojel winaqi' chi kan qitzij wi chi ri Dios xuteq-pe ri Ruk'ajol richin xojrukol chupan ri qamak.

1 Juan 5:20

Y qetaman chuqa' chi xok'ulun yan qa ri Ruk'ajol ri Dios chuwech re ruwach'ulew. Rija' xuya' etamabel chiqe, richin xqetamaj ruwech ri qitzij Dios, roma ri' jun qabanon rik'in ri Dios y ri Jesucristo ri Ruk'ajol. Rija' kan qitzij Dios wi, y rik'in rija' peteneq-wi ri k'aslen ri man k'isel ta.

San Juan 1:29

Pa ruka'n q'ij, ri Juan xutz'et chi choj peteneq ri Jesús k'a rik'in rija', y jari' toq xubij chike ri winaqi' ri ek'o chiri': Jare' xoqaqa ri achin ri taqon-pe roma ri Dios richin nrelesaj ri kimak konojel ri winaqi', achi'el toq nisuj jun karne'l pa ruwi' ri porobel.

1 Timoteo 4:10

Niqatej qaq'ij richin niqaben ri rusamaj ri Dios y niqatej poqon, roma kan qakuquban-wi-apo qak'u'x rik'in ri k'aslik Dios. Ja rija' ri kolonel kichin konojel winaqi', jak'a más qichin roj ri qakuquban qak'u'x rik'in.

2 Corintios 5:19

Ri Dios xuben chi qonojel roj winaqi' xjunamatej qawech rik'in roma ri rusamaj ri Cristo, y xojrukuy chire ri qamak. Y chiqe roj xuchilabej chi k'o chi niqaq'alajirisaj re jun utzilej rutzijol re'.

Hechos 4:12

Y kan man jun chik k'a ri nilitej ta kolotajik rik'in. Roma chuwech re ruwach'ulew xa kan man jun chik ri ya'on ta pe chiqe roj winaqi' richin yojkolotej ta, xcha' ri Pedro.

San Juan 17:8

Roma kan ja ri ch'abel ri aya'on-pe chuwe yin richin ninq'alajirisaj, kan jari' k'a ri xinq'alajirisaj chikiwech re winaqi' re'. Y rije' kan xkik'ul na wi ri ach'abel pa taq kánima, y kan xketamaj-wi k'a chi qitzij chi awik'in rat nata' Dios in peteneq-wi. Kan xkinimaj k'a chi ja rat ri at taqayon-pe wichin.

San Juan 4:29

chi k'o jun achin xtzijon rik'in y xubij chire ronojel ri e rubanalon, y xubij k'a: ¿Man ja ta kami re' ri Cristo? Jo', y titz'eta', xcha' chike.

Wuj Richin ri Isaías 45:22

Kinitzeqelibej yin y yixkolotej iwonojel rix, roma yin ri in Dios, y man jun chik achi'el yin.

San Lucas 2:32

Ja rija' chuqa' ri saqil kichin ri winaqi' ri man e qawinaq ta. Y ruwaq'ijaj chiqe roj ri atinamit, xcha' ri Simeón.

San Juan 11:17

Rije' xebe k'a pa Betania, y toq xe'apon, kaji' yan q'ij tik'oje' ri kamineq pa jul.

San Mateo 1:21

Ri ak'ual ri xtralaj, ti ala', y Jesús*f1* ri rubi' ri xtaya'. Keri' xtubini'aj roma ja rija' xtikolon kichin ri awinaq chupan ri kimak, xcha'.

Wuj Richin ri Isaías 52:10

Ri Jehová kan xtuk'ut-wi ri ruchuq'a' chikiwech konojel tzobaj winaqi' richin re ruwach'ulew. Chijun ri ruwach'ulew xtiketamaj chi ri qa-Dios roj xqojrukol.

San Juan 4:41

Toq kak'axan chik ri ch'abel ri nubij ri Jesús, ek'o k'a ch'aqa' chik winaqi' ri xkikuquba' kik'u'x rik'in.

Hechos 5:31

Y ri Dios chuqa' xunimirisaj k'a ruq'ij ri Jesús, rik'in ri xutz'uyuba-apo pa rijkiq'a', y xuben chire chi ja rija' ri nuk'uan qichin y ri nikolon qichin chuqa'. Xuben ronojel re' richin nitzolin qak'u'x rik'in ri Dios roj ri oj judío, y nikuyutej qamak.

Hechos 13:23

Jun k'a chike ri rijatzul kan ri rey David, ja ri Jesús. Y rija' ri ya'on-pe roma ri Dios richin yojrukol roj judío, kan achi'el ri rusujun-wi-pe chiqe.

1 Juan 2:2

Ja rija' ri xken richin chi nikuyutej qamak roj y konojel ri ek'o chuwech re ruwach'ulew.